Awit nin mga Awit 5:6 - Marahay na Bareta Biblia

⁶ Binukasan ko an pintoan para sa sakong namomotan, alagad mayo na siya duman. Mawot ko nanggad na madangog an saiyang tingog! Hinanap ko siya, alagad dai ko nanumpongan; inapod ko siya, alagad mayo akong nadangog na simbag.

Awit nin mga Awit 5:6 ပူးပေါင်းရင်းမြစ်များ

Genesis 42:28

“Inuli an kwarta ko; uya sa ibabaw kan mais!” an sabi niya sa saiyang mga tugang. Tinakigan sinda asin tarakot na nag-orolay, “Ano ining ginibo nin Dios sa sato?”

2 Samuel 16:10

Sinabihan kan hade si Abisai asin an tugang niyang si Joab, “Dai kamo makilabot digdi. Kun maldisyonon niya ako huli ta sinabihan siya nin Kagurangnan, siisay an may deretsong maghapot kun tadaw ta ginigibo niya iyan?”

Salmo 28:1

Sa saimo, Kagurangnan, ako minaapod; hinanyoga ako, O sakuyang parasurog. Kun dai ka sako magdangog, makakaarog ako sa mga nahulog sa kalot.

Salmo 30:7

Sa pagkamarahayon mo, Kagurangnan; pinatindog mo ako siring sa sarong makosog na bukid. Alagad tinagoan mo ako; asin natakot ako.

Salmo 69:3

Napapagal na ako sa kahihibi; mamara na an sakuyang halonan. Nagdidiklom na an sakuyang mga mata, sa kahahalat saimo, O Dios.

Salmo 77:3

Kun iniisip ko an Dios, ako nag-aagrangay; kun ako naghohorophorop, nanluluya an sakong boot.

Salmo 80:4

O Kagurangnan, Dios nin mga hukbo, sagkod nuarin ka maaanggot sa pamibi kan saimong banwaan?

Mga Talinhaga 1:28

Dangan maapod kamo sako, alagad dai ako masimbag; hahanapon nindo ako, alagad dai nindo ako makukua.

Awit nin mga Awit 5:2

Maski nagtotorog ako, mata an sakong puso. Nangatorogan akong nagtoktok sa pintoan an sakong namomotan. Palaoga ako, sakong namomotan, sakong pagkamoot, sakong salampati. Dumog an sakong payo kan ambon, asin an sakong buhok kan tonog nin kabanggihon.

Awit nin mga Awit 5:4

Kinapotan kan sakong namomotan an pintoan, asin naglulukso an puso ko sa kaogmahan.

Awit nin mga Awit 6:1

O pinakamagayon sa mga babae, saen nagduman an saimong namomotan? Tarami kami kun arin na dalan an saiyang inagihan, tanganing sa paghanap, ika samong matabangan.

Isaias 12:1

Maabot an aldaw na maawit an mga tawo, “Magpapasalamat ako saimo, Kagurangnan! Anggot ka sako kaidto, alagad rinanga mo ako ngunyan asin bako ka nang anggot sako.

Isaias 50:2

“Tadaw ta dai nakakasimbag an sakong banwaan kan dumanon ko sinda tanganing iligtas? Tadaw ta dai sinda nagsimbag kan ako nag-apod? Maluya daw ako kaya dai ko sinda kayang iligtas? Sa sarong pagboot mapapaalang ko an dagat. Magigibo kong desyerto an mga salog, tanganing an mga sira na yaon duman magadan sa paha.

Isaias 57:16

Ako an nagtao nin buhay sa sakong banwaan; dai ko ipapadagos an pag-akusar sainda asin dai man ako maaanggot sainda sagkod lamang.

Isaias 58:2

Sinasamba ninda ako aroaldaw, asin sinasabi nindang boot nindang maaraman an sakong mga dalan saka mga pagboot. Sinasabi nindang boot nindang tawan ko sinda nin matanos na mga pagboot asin naoogma sinda sa pagsamba sako.”

Isaias 8:17

Hahalaton ko an Kagurangnan, na nagtatago kan saiyang lalawogon sa saiyang banwaan, asin ibubugtak ko an sakong paglaom saiya.

Mga Panambitan 3:8

Maski nag-aapod ako sa paghagad nin tabang, alagad habo niya akong dangogon;

Oseas 5:15

“Papabayaan ko an sakong banwaan sagkod na magtios sinda kan maninigo para sa saindang kasalan asin hanapon ninda ako. Tibaad sa saindang pagtios, hingowahon nindang hanapon ako.”

Oseas 5:6

Dadarahon ninda an saindang mga karnero saka baka tanganing idolot bilang mga sakripisyo sa Kagurangnan, alagad dai iyan makakatabang sainda. Dai ninda siya makukua, huli ta binayaan na niya sinda.

Zacarias 7:13

Huli ta dai sinda nagdangog kan magtaram ako, dai man ako nagsimbag kan mamibi sinda.

Mateo 26:75

Dangan nagiromdoman ni Pedro an sinabi ni Jesus saiya, “Bago magturaok an manok, tolong beses mo akong nenegaran.” Nagluwas siya saka nagtangis nin mapait.

Markos 14:72

Kan oras na iyan nagturaok nin ikaduwang beses an manok; naromdoman ni Pedro an sinabi saiya ni Jesus, “Bago magturaok nin duwang beses an manok, tolong beses kang manegar sako.” Sa paghorop-horop niya kaini nagtangis siya nin makuri.

Kapahayagan 3:19

Sinasagwe ko saka dinidisiplina an gabos kong namomotan. Kaya magmaigot asin magbakle ka.

1 Samuel 28:6

kaya naghapot sa Kagurangnan kun ano an dapat niyang gibohon. Alagad dai siya sinimbag nin Kagurangnan, maski sa paagi nin pangatorogan o sa Urim saka Tummim o sa mga propeta.