Awit nin mga Awit 5:16 - Marahay na Bareta Biblia

¹⁶ An saiyang ngoso mahamis paghadokan; nakakadagka an bilog niyang pagkatawo. Siring kaiyan an sakong namomotan, mga babae nin Jerusalem.

Awit nin mga Awit 5:16 ပူးပေါင်းရင်းမြစ်များ

2 Samuel 1:23

“Saul asin Jonatan, namomotan asin magayon! Sa buhay saka sa kagadanan, sinda magkaibahan; mas maliksi ki sa mga agila, mas makosog ki sa mga leon.

Salmo 119:103

Mahamis na gayo an saimong mga katukdoan— orog na mahamis ki sa dugos sa sakong ngoso!

Salmo 148:13

Omawon nindo an ngaran nin Kagurangnan, huli ta an ngaran niya iyo sana an dakula; an kamurawayan niya halangkaw pa sa langit asin sa daga.

Salmo 19:10

Orog pang minamawot ki sa bulawan, ki sa purong bulawan; orog na mahamis ki sa dugos, asin sa mga tagdo nin anira.

Salmo 45:2

Ika an pinakagwapo sa mga kalalakihan; ika sarong marahay na parataram; kaya benebendisyonan ka nin Dios sagkod lamang.

Salmo 89:6

Huli ta siisay sa langit an ikakaarog sa Kagurangnan? Siisay sa mga langitnon na linalang an arog sa Kagurangnan?

Awit nin mga Awit 1:16

Gwapo ka nin marahay, sakong namomotan; ika an sakong kaogmahan! An berdeng mga doot iyo an satong magigin higdaan;

Awit nin mga Awit 1:2

Kinakarigos mo ako kan saimong mga hadok; orog pa sa arak an saimong pagkamoot.

Awit nin mga Awit 1:5

Mga babae nin Jerusalem, maitom ako alagad magayon, maitom siring sa mga tolda sa desyerto nin Kedar, alagad magayon arog sa mga kurtina sa palasyo ni Solomon.

Awit nin mga Awit 2:1

Saro sana akong burak nin Sharon, sarong lirio kan mga kapantayan.

Awit nin mga Awit 2:16

Sadiri ko an sakong namomotan, asin ako sadiri niya. Pinapasabsab niya an saiyang mga hayop sa tahaw kan mga lirio

Awit nin mga Awit 2:3

Siring sa kahoy na mansanas sa tahaw kan kakahoyan sa kadlagan, an sakong namomotan sa tahaw kan ibang kalalakihan. Boot kong danay na magtukaw sa lindong kaiyan, asin mahamis sa sakong pagnamit an bunga kaiyan.

Awit nin mga Awit 4:3

An saimong mga ngabil arog sa eskarlatang torsido; magayon sinda nin marahay orog na kun ika nagtataram. Namumula an saimong pisngi sa likod kan saimong belo.

Awit nin mga Awit 6:3

Sadiri ako kan sakong namomotan, asin siya sadiri ko; pinapasabsab niya an saiyang mga hayop sa tahaw nin mga lirio.

Awit nin mga Awit 7:9

asin an saimong ngoso siring sa pinakamarahay na arak. Pabulosa an arak pasiring sa sakong namomotan, magbubulos sa ibabaw kan saiyang mga ngabil saka ngipon.

Jeremias 15:16

Nagtaram ka sako, asin dinangog ko an lambang tataramon mo. Sadiri mo ako, Kagurangnan Dios nin mga hukbo, kaya an saimong tataramon kaogmahan asin kagayagayahan kan sakong puso.

Jeremias 3:20

Alagad arog sa bakong maimbod na agom, dai ka nagin maimbod sako. Ako, an Kagurangnan, an nagtaram.”

Oseas 3:1

Sinabihan ako nin Kagurangnan, “Lakaw giraray asin pahilingan an saimong pagkamoot sa sarong babaeng nagpapasambay. Kaipuhan na mamotan mo siya siring na namomotan ko pa an banwaan nin Israel, maski nagsasamba na sinda sa mga dios-dios asin namomoot na magdara nin mga dolot na pasas sa mga ladawan.”

Galacia 2:20

kaya bako nang ako an nabubuhay, kundi si Cristo an nabubuhay sako. An buhay kong ini ngunyan ipinamumuhay ko huli sa pagtubod sa Aki nin Dios, na namoot sako dangan nagtao kan saiyang buhay para sako.

Filipos 3:8

Sa katotoohan an gabos na bagay ibinibilang kong mayo nin halaga, huli kan bagay na pinakamahalaga—an pakamidbid ki Cristo Jesus na sakong Kagurangnan. Huli saiya itinapok ko an gabos na garo basura, tanganing makamtan ko si Cristo,

Santiago 2:23

Kaya naotob an kasuratan na nagsabi, “Si Abraham nagtubod sa Dios; huli kan saiyang pagtubod ibinilang siyang matanos nin Dios.” Kaya inapod si Abraham na katood nin Dios.

Santiago 4:4

Mga bakong maimbod! Bakong aram nindo na an pakikatood sa kinaban, pakiiwal sa Dios? Kaya an siisay man na boot makipagkatood sa kinaban, kaiwal nin Dios.