Awit nin mga Awit 5:14 - Marahay na Bareta Biblia

¹⁴ Magagayon an saiyang mga kamot, asin nagsusulot siyang mga singsing na tinampokan nin mamahalon na mga bato. An saiyang hawak siring sa malinig na marpil, na tinampokan nin mga sapiro.

Awit nin mga Awit 5:14 ပူးပေါင်းရင်းမြစ်များ

An Libro ni Job 28:16

An halaga kan kadonongan dai mapapantayan kan pinakapurong bulawan o alahas.

Salmo 99:4

Mapangyaring hade, namomoot ka sa hustisya; pinapangyari mo an katanosan sa Israel; nagdara ka nin hustisya asin katanosan.

Exodo 15:6

“An too mong kamot, O Kagurangnan, makangingirhat sa kosog; an mga kaiwal rinoronot kan too mong kamot.

Exodo 24:10

Duman nahiling ninda an Dios nin Israel. An natutungtongan niya garo baldosa na gibo sa mga gapong sapiro na arog sa langit kaasul.

Exodo 28:18

sa ikaduwang raya, an mga batong esmeralda, sapiro asin brilyante;

Exodo 28:20

dangan sa ikaapat na raya, an mga batong berilo, oniks asin haspe. Ini gabos itatampok sa mga kalopkop na bulawan.

Exodo 39:13

asin sa ikaapat na raya, an mga batong berilo, oniks asin jaspe. Ini gabos nakatampok sa kalopkop na bulawan.

Awit nin mga Awit 7:2

An saimong pusod garo matalimon na mangko na dai nawawaraan nin tinimplang arak. An saimong puson garo tambak nin trigo, na napapalibotan nin mga lirio.

Isaias 52:13

Nagsasabi an Kagurangnan, “Mag-uuswag an sakong sorogoon sa saiyang gibo; ilalangkaw siya asin gagalangan.

Isaias 54:11

Nagsasabi an Kagurangnan, “O Jerusalem, nagtitios, makaheherak, asin mayong karangahan na syudad, papupusogon ko giraray an saimong mga pundasyon asin mahalagang bato an sakong gagamiton.

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

Ezekiel 1:16

Parareho an apat na rweda; an lambang saro nagkikinang siring sa sarong mahalagang bato, asin an pagkagibo kaiyan garo sarong rweda sa laog nin sarong rweda,

Daniel 10:6

An saiyang hawak nagkikinang siring sa sarong mahalagang bato. An saiyang lalawogon maliwanag siring sa kikilat, asin an saiyang mga mata naglalaad siring sa kalayo. An saiyang mga takyag saka mga tabay nagliliwanag siring sa pinakinang na bronse; nakakaagid sa ribok nin kadakul na tawo an saiyang tingog.