Awit nin mga Awit 5:13 - Marahay na Bareta Biblia

¹³ An saiyang mga pisngi magayon arog sa sarong tatamnan na nagwawarak nin mga pahamot. Siring sa mga lirio an saiyang mga ngabil, na dumog nin mira.

Awit nin mga Awit 5:13 ပူးပေါင်းရင်းမြစ်များ

Salmo 27:4

Saro sana an hinahagad ko sa Kagurangnan; saro sanang bagay an sakong minamawot; na ako mag-erok sa harong nin Kagurangnan sa gabos na aldaw nin sakong buhay, na mahiling ko an kagayonan nin Kagurangnan, asin magpamibi sa saiyang pinag-eerokan.

Salmo 45:2

Ika an pinakagwapo sa mga kalalakihan; ika sarong marahay na parataram; kaya benebendisyonan ka nin Dios sagkod lamang.

Salmo 45:3

Ihagkos mo an saimong espada, O mapangyaring hade; mamuraway ka asin mapangyari.

Salmo 89:15

Paladan an mga tawong nagsasamba saimo huli sa mga awit, na naglalakaw sa liwanag nin saimong lalawogon!

Awit nin mga Awit 1:10

Magayon an saimong buhok sa ibabaw kan saimong pisngi, asin minalaylay sa saimong liog arog sa mga samno.

Awit nin mga Awit 1:16

Gwapo ka nin marahay, sakong namomotan; ika an sakong kaogmahan! An berdeng mga doot iyo an satong magigin higdaan;

Awit nin mga Awit 2:1

Saro sana akong burak nin Sharon, sarong lirio kan mga kapantayan.

Awit nin mga Awit 3:6

Ano ining nagdadangadang hale sa kalangtadan na arog sa sarong hariging aso, na namamarong nin insenso asin mira, an insensong ipinapabakal kan mga negosyante?

Awit nin mga Awit 4:11

Yaon sa saimong mga ngabil an namit kan dugos, sakong namomotan; para sakuya, gatas asin dugos an saimong dila. Yaon sa saimong gubing an gabos na hamot nin Lebanon.

Awit nin mga Awit 5:5

Nagbangon ako tanganing palaogon an sakong namomotan, asin nagtatagdo an sakong kamot nin mira, mantang pugol ko an kakaptan kan pintoan.

Awit nin mga Awit 6:2

Nagduman sa saiyang tatamnan an sakong namomotan, sa tatamnan nin mga pahamot, tanganing pasabsabon sa tatamnan an saiyang mga hayop, asin tanganing magkua nin mga lirio.

Isaias 50:4

Tinukdoan ako nin Kagurangnan Dios kan sakong sasabihon, tanganing mapakosog ko an napapagal. Aga-aga, pinupukaw niya ako tanganing magdangog kan itutukdo niya.

Isaias 50:6

Hinubaan ko an sakong likod para sa mga parahampak. Dai ko sinda pinugol kan ako saindang pag-olog-ologon, kan an sakong barabas saindang rabnotan, asin kan pagkuspaan ninda an sakong lalawogon.

Lukas 4:22

Inomaw siya kan gabos; nagngalas sinda kan magayon na mga tataramon na sinabi niya. Olay ninda, “Bakong iyo ini an aki ni Jose?”

Kapahayagan 21:23

Dai na kaipuhan kan syudad an liwanag kan aldaw o kan bulan, huli ta an kamurawayan nin Dios iyo an liwanag kaiyan dangan an Kordero iyo an ilaw.