Awit nin mga Awit 5:1 - Marahay na Bareta Biblia

¹ Naglaog na ako sa sakong tatamnan, sakong namomotan, sakong agom. Tinitipon ko an sakong pahamot saka mira; kinakakan ko an sakong dugos asin anira; iniinom ko an sakong arak saka gatas. Kakan kamo asin inom o nagkakaminootan sagkod na maburat kamo sa pagkamoot!

Awit nin mga Awit 5:1 ပူးပေါင်းရင်းမြစ်များ

Genesis 37:25

Mantang nagkakakan sinda, nahiling ninda an grupo nin Ismaelita na hale sa Gilead asin mapaduman sa Egipto. An saindang mga kamelyo kargado nin mga pahamot, balsamo, saka mira.

Salmo 147:11

kundi nawiwilihan nin Kagurangnan an mga may pagkatakot saiya, an mga minasarig sa danay niyang pagkamoot.

Salmo 16:3

Gurano karahay an mga maimbod sa Kagurangnan! Dakula kong kaogmahan na sinda makaibahan.

Mga Talinhaga 24:13

Aki ko, uminom ka nin dugos huli ta marahay iyan. Kun an dugos mahamis sa pagnamit,

Mga Talinhaga 9:5

“Madya, kakana an sakong tinapay asin inoma an tinimpla kong arak.

Parahulit 2:5

Nagpagibo ako nin tatamnan saka mga plasa na igwa nin tanom na manlaen-laen na kahoy na nagbubunga.

Awit nin mga Awit 1:13

Parong nin mira an sakong namomotan, mantang naghihigda siya sa sakong daghan.

Awit nin mga Awit 4:16

Pagmata, amihan na doros, asin madya, habagat na doros! Paghoyop sa sakong tatamnan; warakan an hamot kaiyan. Padoloka sa saiyang tatamnan an sakong namomotan asin pakakana kan mga piling bunga kaiyan.

Awit nin mga Awit 4:8

Sakong agom, umiba ka sako hale sa kabukidan nin Lebanon; umiba ka sako hale sa Lebanon. Lumogsot ka hale sa alitoktok kan Bukid nin Amana, hale sa Bukid nin Senir asin Bukid nin Hermon, saen nag-eerok an mga leopardo asin mga leon.

Awit nin mga Awit 6:11

Nagduman ako sa tatamnan nin mga kahoy na almendras tanganing hilingon an sadit na mga tinanom sa kapantayan, tanganing hilingon kun nagdahon na an mga balagon asin kun namurak na an mga granada.

Awit nin mga Awit 6:2

Nagduman sa saiyang tatamnan an sakong namomotan, sa tatamnan nin mga pahamot, tanganing pasabsabon sa tatamnan an saiyang mga hayop, asin tanganing magkua nin mga lirio.

Awit nin mga Awit 8:1

Mawot kong nagin tugang na lalaki taka, na nagsuso sa daghan nin sakong ina. Dangan kun manumpongan taka sa tinampo, mahahadokan taka asin mayo nin maanggot sako.

Awit nin mga Awit 8:13

Padangogan sako an saimong tingog hale sa tatamnan, sakong namomotan; an sakong mga kairiba naghahalat sa pagdangog kan saimong pagtaram.

Isaias 23:18

An kwartang makukua niya sa negosyo idudusay niya sa Kagurangnan. Dai niya iyan sasarayon o titiponon, alagad gagamiton iyan kan mga nagsasamba sa Kagurangnan sa pagbakal nin kakanon saka gubing na saindang kaipuhan.

Isaias 5:1

Pagdangog mantang inaawit ko an awit na ini, sarong awit manongod sa sakong katood asin sa saiyang ubasan: Igwang ubasan an sakong katood sa sarong matubang na bulod.

Isaias 51:3

“Maheherakan ko an Jerusalem, an gabos na nag-eerok sa mga raot na lugar kaiyan. Maski saro nang desyerto an saiyang daga, gigibohon ko iyan na sarong tatamnan, siring sa tatamnan na ibinugtak ko sa Eden. Makukua diyan an kaogmahan saka an kagayagayahan, an mga pasasalamat sako saka an mga awit nin pag-omaw.

Isaias 53:11

Pakatapos kan gabos niyang kasakitan, magkakaigwa giraray siya nin kaogmahan; maaaraman niyang dai nasayang an saiyang pagtios. An maimbod kong sorogoon, na sakong nawiwilihan, iyo an mapasan kan padusa kan kadaklan asin huli sa saiya sinda sakong papatawadon.

Isaias 58:11

Danay ko kamong papangenotan asin tatawan kan marahay na mga bagay. Papakosogon ko kamo asin dai papahelangon. Makakaagid kamo sa sarong tatamnan na danay na binabaribi, siring sa burabod na dai nanggad nagmamara.

Isaias 61:11

Siring na mabuswak saka matalubo an banhi, siring man an pagligtas nin Kagurangnan Dios sa saiyang banwaan, asin oomawon siya kan gabos na nasyon.

Isaias 65:13

Kaya sinasabihan ko kamo na idtong nagsasamba saka nagkukuyog sa sako iyo sana an magkakaigwa nin dakul na pagkakan asin inomon, alagad magugutom saka mapapaha kamo. Magigin maogma sinda, alagad mapapasopog kamo.

Isaias 66:14

Kun mahiling na nindo na nangyayari ini, maoogma kamo; ini an magpapakosog asin magpapataba saindo. Dangan maaaraman nindo na ako, an Kagurangnan, an nagtatabang sa mga nagkukuyog sako, asin ipinapahiling ko an sakong kaanggotan tumang sa sakong mga kaiwal.”

Mateo 25:40

Masimbag an Hade, ‘Sa katotoohan sinasabihan ko kamo, an anoman na ginibo nindo sa saro kan pinakasadit kong mga tugang, ginibo nindo iyan sako!’

Lukas 12:4

“Sinasabihan ko kamo, mga katood, na dai kamo matakot sa mga minagadan kan hawak alagad pakatapos mayo nang magiginibo.

Juan 3:29

An nobya para sa nobyo; an katood kan nobyo na nagtitindog asin nagdadangog saiya naoogma nin marahay sa tingog kan nobyo. Kaya nagsusupay an kaogmahan ko ngunyan.

Mga Gibo 11:29

Kaya pinagmarahay kan mga paratubod na magpadara nin tabang sa mga katugangan na nag-eerok sa Judea, sosog sa makakaya kan lambang saro sainda.

Efeso 5:18

Dai kamo magburat, huli ta mararaot an buhay nindo; kundi mapano logod kamo kan Espiritu.

Kapahayagan 22:17

“Madya!” an sabi kan Espiritu asin kan Nobya. An makadangog kaini dapat man magsabi, “Madya!” Magdolok an siisay man na napapaha; an nagmamawot, mayong bayad na makakakua kan tubig nin buhay.

Hukom 14:11

Kan mahiling si Samson kan mga Filisteo, nagpadara sinda nin treyntang tawohan na magigin kairiba niya.

Hukom 14:20

An agom ni Samson itinao sa lalaking nag-abay sa saiyang kasal.