Awit nin mga Awit 4:9 - Marahay na Bareta Biblia

⁹ An saimong mga mata saka an sulot mong kulintas, iyo an nakabihag kan sakong puso, sakong namomotan asin agom.

Awit nin mga Awit 4:9 ပူးပေါင်းရင်းမြစ်များ

Genesis 20:12

Totoo na tugang ko si Sara. Aki siya kan sakong ama, alagad bako kan sakong ina, asin inagom ko siya.

Genesis 41:42

Dangan hinugkot kan hade sa saiyang muro an singsing na may selyo asin isiningsing ki Jose. Sinulotan niya ini nin gubing na pinong lino saka binugtakan nin kulintas na bulawan.

Salmo 45:9

Mga aking daraga nin mga hade kabilang sa mga ginagalangan na babae sa saimong palasyo; nakatindog sa too mo an reyna, pinakamarahay na bulawan an sulot niya.

Mga Talinhaga 1:9

huli ta iyan nakakaagid sa sarong magayon na korona sa saimong payo asin kulintas sa saimong liog.

Mga Talinhaga 6:25

Dai ka magpadagka sa saiyang gayon, ni magpasiod sa saiyang mapandagkang mga mata.

Awit nin mga Awit 1:10

Magayon an saimong buhok sa ibabaw kan saimong pisngi, asin minalaylay sa saimong liog arog sa mga samno.

Awit nin mga Awit 1:15

Magayon ka nin marahay, sakong namomotan; sa pagkamoot, an saimong mga mata nagkikinang!

Awit nin mga Awit 3:11

Mga babae nin Sion, madya asin hilinga nindo si Hadeng Solomon. Sulot niya an korona na ibinugtak kan saiyang ina sa aldaw na siya kinasal, sa aldaw nin saiyang kaogmahan.

Awit nin mga Awit 4:10

Mahamis nin marahay an saimong pagkamoot, sakong namomotan asin sakong agom. Orog karahay an saimong pagkamoot ki sa arak; asin an parong kan saimong pahamot ki sa arin man na pahamot.

Awit nin mga Awit 4:12

Sarong tatamnan na natatago an sakong namomotan asin agom, sarong nakukudalan na tatamnan, sarong burabod na napipintoan;

Awit nin mga Awit 6:12

Nagtatakig ako; huli saimo, minamawot ko an pagkamoot siring na an parapadalagan nin karwahe nagmamawot nin ralaban.

Awit nin mga Awit 6:5

Dai mo ipagturuhok sako an mga mata mo, huli ta binibihag ninda ako. An saimong buhok arog sa sarong ariponpon nin mga kanding na nagdadalagan paibaba sa bulod nin Gilead.

Awit nin mga Awit 7:10

Sadiri ako kan sakong namomotan, asin ako an saiyang minamawot.

Isaias 54:5

An saimong Kaglalang magigin siring sa agom mo— Kagurangnan nin mga hukbo an saiyang ngaran. Ililigtas ka kan banal na Dios nin Israel— siya an kagsakop kan bilog na kinaban.

Isaias 62:5

Siring sa sarong hoben na lalaking minaagom nin sarong birhen, aagomon ka kan naglalang saimo. Siring na naoogma an lalaki sa saiyang agom, maoogma man an Dios sa saimo.

Ezekiel 16:11

Sinulotan taka nin mga alahas—mga pulseras asin mga kulintas.

Ezekiel 16:8

“Pag-agi ko giraray, nahiling kong panahon na tanganing mamoot ka. Tinahoban ko kan sakong alikboy an huba mong hawak, saka nanuga akong mamomotan taka. Nakipagtipan ako saimo kaya nagin sadiri taka.” Ini an tataramon nin Kagurangnan Dios.

Daniel 5:7

Nagkurahaw an hade na darahon duman an mga salamangkero, mga madonong saka mga astrologo. Paglaog kan mga ini, sinabihan sinda kan hade, “An siisay man na makabasa kaining nakasurat asin makasabi sako kan kahulogan kaiyan, gugubingan nin purpura, magsusulot nin kulintas na bulawan, asin magigin ikatolo sa kapangyarihan sa kahadean.”

Sofonias 3:17

Kaibahan mo an Kagurangnan na saimong Dios; siya an paralaban na nagtatao saimo nin kapangganahan. Mawiwilihan ka nin Kagurangnan, asin tatawan ka niya nin bagong buhay sa saiyang pagkamoot. Mag-aawit siya asin mag-oogma huli saimo,

Mateo 12:50

Huli ta an siisay man na nag-ootob kan kabotan kan sakong Ama sa langit, iyo an sakong mga tugang asin an sakong ina.”

Juan 3:29

An nobya para sa nobyo; an katood kan nobyo na nagtitindog asin nagdadangog saiya naoogma nin marahay sa tingog kan nobyo. Kaya nagsusupay an kaogmahan ko ngunyan.

1 Corinto 9:5

Mayo daw ako nin deretsong mag-iba nin agom na Cristiano, arog kan gibo kan ibang mga apostol asin kan mga tugang nin Kagurangnan patin ni Pedro?

2 Corinto 11:2

Arog sa Dios, maimon ako para saindo. Kamo garo daragang birhen na ipinanuga kong ipakasal sa saro sanang lalaki, na iyo si Cristo.

Kapahayagan 21:2

Nahiling ko man an Banal na Syudad, an bagong Jerusalem, na nag-iibaba hale sa langit gikan sa Dios, garo nobya na nakagubing nin pangkasal asin masabat sa nobyo niya.