Awit nin mga Awit 4:16 - Marahay na Bareta Biblia

¹⁶ Pagmata, amihan na doros, asin madya, habagat na doros! Paghoyop sa sakong tatamnan; warakan an hamot kaiyan. Padoloka sa saiyang tatamnan an sakong namomotan asin pakakana kan mga piling bunga kaiyan.

Awit nin mga Awit 4:16 ပူးပေါင်းရင်းမြစ်များ

Parahulit 1:6

An doros minahuyop pasiring sa habagat, asin minalibot pasiring sa amihan; pabalik-balik sana an doros.

Parahulit 2:5

Nagpagibo ako nin tatamnan saka mga plasa na igwa nin tanom na manlaen-laen na kahoy na nagbubunga.

Awit nin mga Awit 1:13

Parong nin mira an sakong namomotan, mantang naghihigda siya sa sakong daghan.

Awit nin mga Awit 1:4

Ibahan ako, asin madulag kita; ika an sakong magigin hade asin daraha ako sa saimong kwarto. Magigin maogma kitang duwa, mainom nin dakul, asin mag-oogma sa satong pagkamoot. Kaya bakong makangangalas na namomotan ka kan gabos na babae!

Awit nin mga Awit 2:3

Siring sa kahoy na mansanas sa tahaw kan kakahoyan sa kadlagan, an sakong namomotan sa tahaw kan ibang kalalakihan. Boot kong danay na magtukaw sa lindong kaiyan, asin mahamis sa sakong pagnamit an bunga kaiyan.

Awit nin mga Awit 2:8

Nadadangog ko an tingog kan sakong namomotan. Nagdadangadang siyang nagdadalagan sa kabukidan, binabalyo an kabubuldan pasiring sako.

Awit nin mga Awit 5:1

Naglaog na ako sa sakong tatamnan, sakong namomotan, sakong agom. Tinitipon ko an sakong pahamot saka mira; kinakakan ko an sakong dugos asin anira; iniinom ko an sakong arak saka gatas. Kakan kamo asin inom o nagkakaminootan sagkod na maburat kamo sa pagkamoot!

Awit nin mga Awit 6:2

Nagduman sa saiyang tatamnan an sakong namomotan, sa tatamnan nin mga pahamot, tanganing pasabsabon sa tatamnan an saiyang mga hayop, asin tanganing magkua nin mga lirio.

Awit nin mga Awit 8:12

An sakong ubasan, an sadiri ko, para sako sana; ika, O Solomon, saimo na an sangribong pedaso nin plata, asin kamong mga paraoma, an dos syentos bilang saindong kahirasan.

Isaias 64:1

Tadaw ta dai mo gision an langit dangan maghilig digdi? Mahihiling ka kan kabukidan asin magtatakig sinda sa takot.

Ezekiel 37:9

Nagtaram sako an Dios, “Aki nin tawo, magpropesiya ka sa doros. Sabihan mo an doros na ako, an Kagurangnan Dios, an nagboboot saiya na hale sa apat na direksyon hangosan ninda an gadan na mga hawak na ini tanganing magkaburuhay.”

Mateo 26:10

Aram ni Jesus kun ano an saindang pinagsasabi kaya tinaraman niya sinda, “Tadaw ta pinapakiaraman nindo ining babae? Sarong magayon na bagay an ginibo niya sako.

Mateo 26:12

An ginibo niyang pag-ula kan pahamot sa hawak ko sarong pag-andam para sa paglubong sako.

Juan 3:8

An doros minahuyop kun saen an boot kaiyan; nadadangog mo an sagiwsiw kaiyan, alagad dai mo aram kun saen iyan hale o saen maduman. Arog kaiyan an nangyayari sa gabos na namumundag sa Espiritu.”

Juan 5:8

Sinabihan siya ni Jesus, “Tindog, kuaha an saimong banig asin lakaw.”

Mga Gibo 4:31

Pakatapos nindang mamibi, nayogyog an lugar na pinagtitiriponan ninda. Napano sinda gabos kan Espiritu Santo, dangan makosog an boot na ipinahayag ninda an mensahe nin Dios.

Roma 15:16

na magin sorogoon ni Cristo Jesus sa mga pagano. Naglilingkod ako arog sa sarong padi na naghuhulit kan Marahay na Bareta hale sa Dios, tanganing an mga pagano magin sarong dolot na maaako nin Dios, dolot na kinonsagra saiya kan Espiritu Santo.

Roma 15:28

Pakatapos kong gibohon ini asin ikatao sainda an limos, mahapit ako diyan saindo bago ako magduman sa Espanya.

1 Pedro 2:5

Magdolok kamo bilang mga buhay na gapo tanganing magamit sa pagtugdok kan espiritwal na templo; maglilingkod kamo bilang mga banal na padi, na magdodolot nin mga atang na espiritwal, na ikakaogma nin Dios huli ki Jesu-Cristo.

2 Pedro 3:18

Magpadagos kamong magtalubo sa biyaya saka pakaaram dapit sa satong Kagurangnan asin Paraligtas na si Jesu-Cristo. Mapasaiya an kamurawayan ngunyan asin sagkod pa man! Amen.