Awit nin mga Awit 4:15 - Marahay na Bareta Biblia

¹⁵ Nag-uulantong na mga tubig an nagbabaribi sa tatamnan, burabod nin nagbubulos na tubig, mga sapa na nagbubulos paibaba hale sa mga Bukid nin Lebanon.

Awit nin mga Awit 4:15 ပူးပေါင်းရင်းမြစ်များ

Salmo 46:4

Igwa nin sarong salog na nagpapaogma sa syudad nin Dios, sa banal na harong kan Kahorohalangkawe.

Mga Talinhaga 5:16

Mayo nin ikakataong karahayan saimo an mga aki sa bako mong tunay na agom.

Mga Talinhaga 5:18

Kaya makontento ka sa saimong agom, asin hanapon mo an saimong kaogmahan sa babaeng saimong inagom.

Parahulit 2:6

Naggibo ako nin mga patubig tanganing magtao nin tubig sa nagtatalubong mga kahoy.

Awit nin mga Awit 4:12

Sarong tatamnan na natatago an sakong namomotan asin agom, sarong nakukudalan na tatamnan, sarong burabod na napipintoan;

Isaias 58:11

Danay ko kamong papangenotan asin tatawan kan marahay na mga bagay. Papakosogon ko kamo asin dai papahelangon. Makakaagid kamo sa sarong tatamnan na danay na binabaribi, siring sa burabod na dai nanggad nagmamara.

Jeremias 17:13

Kagurangnan, ika an paglaom nin Israel; mapapasopog an gabos na nagbaya saimo. Mapapara sinda arog sa ngaran na isinurat sa alpog, huli ta binayaan ka ninda, Kagurangnan, an burabod nin buhay na tubig.

Jeremias 2:13

huli ta an sakong banwaan naggibo nin duwang kasalan: tinalikodan ninda ako, an burabod nin buhay na tubig, asin naggibo sinda nin mga tangke, may labot na mga tangke na dai nabubugtakan nin tubig.

Zacarias 14:8

Pag-abot kan aldaw na iyan, mabulos hale sa Jerusalem an preskong tubig; an kabanga kaiyan mapasiring sa Gadan na Dagat asin sa Mediteraneo an kabanga. Magbubulos iyan sa bilog na taon, tig-init man o tig-lipot.

Juan 4:10

Nagsimbag si Jesus, “Kun aram mo sana an balaog nin Dios asin kun siisay an naghahagad saimo nin inomon, ika kutana an mahagad saiya. Tatawan ka kutana niya kan tubig na nagtatao nin buhay.”

Juan 4:14

alagad an siisay man na uminom kan tubig na itatao ko, dai na nanggad mapapaha. Huli ta an tubig na itatao ko magigin sarong burabod na magtatao saiya nin buhay na daing kataposan.”

Juan 7:38

Siring sa sinasabi sa kasuratan, ‘Hale sa puso kan nagtutubod sako, mabulos an tubig na nagtatao nin buhay.’”

Kapahayagan 22:1

Ipinahiling pa sako kan anghel an salog kan tubig nin buhay, nagkikintab siring sa kristal, na nagbubulos hale sa trono kan Dios asin kan Kordero,