Awit nin mga Awit 4:14 - Marahay na Bareta Biblia

¹⁴ an sapran, kalamo, asin an kanela, o an gabos na klase nin insenso. An mira asin an aloe nagtatalubo duman kaiba kan gabos na pinakamarahay na pahamot.

Awit nin mga Awit 4:14 ပူးပေါင်းရင်းမြစ်များ

Genesis 43:11

Nagsabi si Jacob sainda, “Kun siring an dapat na mangyari, giboha nindo ini: magdara kamo kan pinakamarahay na mga bunga kan daga bilang regalo sa gobernador: dikit na balsamo, dikit na dugos, mga pahamot asin mira, rekado saka almendras.

1 Mga Hade 10:10

Itinao niya ki Hadeng Solomon an mga regalong dara niya: sobra sa kwatro mil na kilo nin bulawan asin dakul na pahamot saka mga mahalagang bato. An halaga kan mga pahamot na itinao niya ki Solomon iyo an pinakadakul sa mga inako na ni Solomon. (

2 Mga Cronica 9:9

Dangan tinawan si Hadeng Solomon kan reyna nin sobra sa kwatro mil na kilo nin bulawan asin kadakul na mga pahamot saka mahalagang mga bato; mayong makakadaog sa mga pahamot na itinao kan reyna nin Sheba ki Solomon. (

Salmo 45:8

An saimong mga gubing namamarong nin mira, aloe asin kasia; rinaranga ka kan mga musiko sa mga palasyong marpil.

Exodo 30:23

“Kumua ka kan pinakamarahay na mga pahamot: anom na kilong likidong mira, tolong kilo kan mahamot na kanela, tolong kilo kan mahamot na kalamo

Mga Talinhaga 7:17

An sakong higdaan winisikan ko nin pahamot na mira, aloe, asin kanela.

Awit nin mga Awit 1:12

Mantang naghihigda an sakong hade sa saiyang higdaan, napano kan sakong pahamot an palibot.

Awit nin mga Awit 3:6

Ano ining nagdadangadang hale sa kalangtadan na arog sa sarong hariging aso, na namamarong nin insenso asin mira, an insensong ipinapabakal kan mga negosyante?

Awit nin mga Awit 4:6

Maontok ako sa bulod nin mira, an bulod nin insenso, sagkod na maghoyop an doros na makaaga asin mawara an mga anino.

Awit nin mga Awit 5:1

Naglaog na ako sa sakong tatamnan, sakong namomotan, sakong agom. Tinitipon ko an sakong pahamot saka mira; kinakakan ko an sakong dugos asin anira; iniinom ko an sakong arak saka gatas. Kakan kamo asin inom o nagkakaminootan sagkod na maburat kamo sa pagkamoot!

Awit nin mga Awit 6:2

Nagduman sa saiyang tatamnan an sakong namomotan, sa tatamnan nin mga pahamot, tanganing pasabsabon sa tatamnan an saiyang mga hayop, asin tanganing magkua nin mga lirio.

Mga Bilang 24:6

Arog sa mga kapantayan na mahiwas, Arog sa mga tatamnan sa tampi nin salog; Arog sa mahamot na mga tinanom nin Kagurangnan, Arog sa mga kahoy na sedro sa kataed nin katubigan.

Markos 16:1

Pakalihis kan aldaw na Sabbath, nagbakal nin mga pahamot na ilalahid sa bangkay ni Jesus si Maria Magdalena, si Maria na ina ni Santiago asin si Salome.

Juan 19:39

Nag-iba saiya si Nicodemo, an tawo na nagdolok ki Jesus sarong banggi kaidto, na may darang mga treynta kilos na pahamot na sinaralak na mira saka aloe.

Kapahayagan 18:13

kanela, rekado, kamangyan, mira saka insenso; arak, lana, arina saka trigo; mga baka, mga karnero, mga kabayo saka mga karwahe; mga oripon asin mga tawong ipinapabakal.