Awit nin mga Awit 4:1 - Marahay na Bareta Biblia

¹ Magayon ka nin marahay, sakong namomotan! Sa pagkamoot, nagkikinang nin marahay an saimong mga mata sa likod kan saimong belo. Nagsasayaw an saimong buhok arog sa mga kanding na naglulukso paibaba kan mga bulod nin Gilead.

Awit nin mga Awit 4:1 ပူးပေါင်းရင်းမြစ်များ

Salmo 45:11

Mamawoton kan hade an saimong kagayonan; siya an saimong kagurangnan, kaya kuyogon mo siya.

Awit nin mga Awit 1:15

Magayon ka nin marahay, sakong namomotan; sa pagkamoot, an saimong mga mata nagkikinang!

Awit nin mga Awit 2:10

Nagtataram sako an sakong namomotan. Madya, sakong namomotan; sakong padangat, umiba ka sako.

Awit nin mga Awit 2:14

Nakakaagid ka sa salampating nagtatago sa gutak nin sarong gapo. Pahilingan sako an magayon mong lalawogon asin padangogan sako an nakakabihag mong tingog.

Awit nin mga Awit 6:5

Dai mo ipagturuhok sako an mga mata mo, huli ta binibihag ninda ako. An saimong buhok arog sa sarong ariponpon nin mga kanding na nagdadalagan paibaba sa bulod nin Gilead.

Awit nin mga Awit 6:7

Namumula an saimong pisngi sa likod kan saimong belo.

Awit nin mga Awit 7:5

An saimong payo nakakabaing sa Bukid nin Carmelo. An sinalapid mong buhok nagkikintab arog sa pinong seda; an gayon kaiyan nakakabihag nin hade.

Jeremias 22:6

“Para sako, an palasyo nin Juda arog kagayon kan daga nin Gilead asin kan Bukid nin Lebanon; alagad gigibohon ko iyan na sarong mamondong lugar na mayo nin nag-eerok.

Ezekiel 16:14

Nabantog ka sa lambang nasyon huli kan saimong mayong kaninan na kagayonan, huli ta ako an nagpagayon saimo.” Ini an tataramon nin Kagurangnan Dios.

Mikas 7:14

Atamana siring sa sarong pastor an saimong banwaan, Kagurangnan, an banwaan na saimong pinili. Maski bako sindang sararo na nag-eerok sa kalangtadan, igwa nin matubang na daga sa palibot ninda. Padumana sinda sa mayaman na mga pasabsaban nin Basan saka Gilead, dangan pakakana sinda duman arog kan ginibo ninda kaidtong panahon.

Mga Bilang 32:1

Dakul nin marahay an ataman na mga hayop kan tribu ni Ruben asin ni Gad. Kan mahiling ninda kun gurano karahay para sa mga baka an daga nin Jazer asin nin Gilead,

Mga Bilang 32:40

Kaya itinao ni Moises an Gilead sa kamaganakan ni Makir, asin duman na sinda nag-erok.

Mateo 11:29

Salongan nindo an sakong sakal asin mag-adal kamo sako, huli ta ako maboot asin mahuyo; asin makakakua kamo nin kapahingaloan.

2 Corinto 3:18

Kaya sa sato gabos na mayong tahob an lalawogon masasalming an kamurawayan nin Kagurangnan; an mismong kamurawayan na iyan na gikan sa Kagurangnan na iyo an Espiritu Santo, iyo an minaliwat sato na magin kabaing niya sa orog kadakula pang kamurawayan.