Awit nin mga Awit 2:8 - Marahay na Bareta Biblia

⁸ Nadadangog ko an tingog kan sakong namomotan. Nagdadangadang siyang nagdadalagan sa kabukidan, binabalyo an kabubuldan pasiring sako.

Awit nin mga Awit 2:8 ပူးပေါင်းရင်းမြစ်များ

2 Samuel 6:16

Mantang dinadara palaog sa syudad an Kaban nin Tipan, nagdungaw sa bintana si Mical na aking babae ni Saul asin nahiling niya si Hadeng David na nagsasayaw saka naglulukso sa atubangan nin Kagurangnan; nauyam si Mical ki Hadeng David.

Awit nin mga Awit 2:17

sagkod na maghoyop an doros na makaaga asin mawara an mga anino. Magbalik ka, sakong namomotan, siring sa usa sa kabukidan nin Beter.

Awit nin mga Awit 4:16

Pagmata, amihan na doros, asin madya, habagat na doros! Paghoyop sa sakong tatamnan; warakan an hamot kaiyan. Padoloka sa saiyang tatamnan an sakong namomotan asin pakakana kan mga piling bunga kaiyan.

Awit nin mga Awit 5:2

Maski nagtotorog ako, mata an sakong puso. Nangatorogan akong nagtoktok sa pintoan an sakong namomotan. Palaoga ako, sakong namomotan, sakong pagkamoot, sakong salampati. Dumog an sakong payo kan ambon, asin an sakong buhok kan tonog nin kabanggihon.

Isaias 35:6

An pilay malukso dangan masayaw, asin an mga pola makurahaw sa kaogmahan. An mga burabod nin tubig mabulos pasiring sa desyerto;

Isaias 44:23

Pagkurahaw sa kaogmahan, o kalangitan! Pagkurahaw, o hararom na mga lugar kan daga! Pagkurahaw sa kaogmahan, o kabukidan, asin lambang kahoy kan kadlagan! Ipinahiling nin Kagurangnan an saiyang kadakulaan sa pagligtas kan saiyang banwaan na Israel.

Isaias 52:7

Magayon paghilingon sa ibabaw nin kabukidan, an mga bitis kan nagdadara kan marahay na bareta, an bareta nin katoninongan! Ipinapahayag niya an kapangganahan asin nagsasabi siya sa Sion, “Hade an saimong Dios!”

Jeremias 48:27

Moab, giromdoma kan pagtuyatuyaon mo an banwaan nin Israel. Ibinilang mo sinda siring sa mga tawong nadakop na kaiba kan mga mahabon.

Lukas 6:23

Mag-ogma kamo saka maglukso sa kaogmahan kun iyan mangyari, huli ta dakula an balos na natatagama saindo sa langit. Siring man kaiyan an ginibo sa mga propeta kan saindang mga ginikanan.

Juan 10:27

Nagdadangog sako an mga karnero ko; midbid ko sinda asin sinusunod ninda ako.

Juan 3:29

An nobya para sa nobyo; an katood kan nobyo na nagtitindog asin nagdadangog saiya naoogma nin marahay sa tingog kan nobyo. Kaya nagsusupay an kaogmahan ko ngunyan.

Mga Gibo 14:10

saka tinaraman nin makosog, “Magtindog ka nin tanos!” Biglang nagtindog na tanos an lalaki saka naglakaw.

Mga Gibo 3:8

Palukso siyang nagtindog, naglakaw, naglaog sa Templo kaiba ninda, saka nag-omaw sa Dios.

Kapahayagan 3:20

Uya, nagtitindog ako asin nagtotoktok sa may pintoan. Kun may magdangog sako saka magbukas kan pintoan, malaog ako asin makakan kasabay niya, asin siya makakan na kasabay ko.