Awit nin mga Awit 2:5 - Marahay na Bareta Biblia

⁵ Balikan an sakong kosog huli sa mga pasas; pakosoga ako huli sa mga mansanas! Nanluluya ako huli sa sobrang pagkamoot.

Awit nin mga Awit 2:5 ပူးပေါင်းရင်းမြစ်များ

2 Samuel 6:19

asin tinawan niya an lambang lalaki saka babae nin sarong pedasong tinapay, sarong pedasong karne saka mga pasas. Dangan an lambang saro nagpuli sa saiyang harong.

1 Mga Cronica 16:3

dangan an lambang lalaki saka babae tinawan niya nin sarong pedasong tinapay, sarong pedasong karne saka mga pasas.

Salmo 63:8

Dayupot saimo an sakong kalag, inaataman ako kan too mong kamot.

Awit nin mga Awit 5:8

Magsumpa kamo, mga babae nin Jerusalem, na kun manumpongan nindo an sakong namomotan, sasabihan nindo siyang nanluluya ako sa pagkamoot.

Awit nin mga Awit 7:8

Sasakaton ko an poon nin palma asin mamumugol ako sa saiyang mga sanga. Para sako, an saimong daghan siring sa mga pungot nin ubas, an parong kan saimong hinangos arog sa mansanas,

Oseas 3:1

Sinabihan ako nin Kagurangnan, “Lakaw giraray asin pahilingan an saimong pagkamoot sa sarong babaeng nagpapasambay. Kaipuhan na mamotan mo siya siring na namomotan ko pa an banwaan nin Israel, maski nagsasamba na sinda sa mga dios-dios asin namomoot na magdara nin mga dolot na pasas sa mga ladawan.”

Lukas 24:32

Nag-olay-olay sinda, “Bakong naglaad an satong mga puso kan nagtataram siya sato sa dalan asin nagpapaliwanag kan mga kasuratan?”

Filipos 1:23

Masakit para sako an pagpili sa duwang bagay na ini. Mawot ko nang bayaan an buhay na ini asin makaiba ki Cristo, ta iyan an pinakamarahay.