Awit nin mga Awit 2:3 - Marahay na Bareta Biblia

³ Siring sa kahoy na mansanas sa tahaw kan kakahoyan sa kadlagan, an sakong namomotan sa tahaw kan ibang kalalakihan. Boot kong danay na magtukaw sa lindong kaiyan, asin mahamis sa sakong pagnamit an bunga kaiyan.

Awit nin mga Awit 2:3 ပူးပေါင်းရင်းမြစ်များ

Salmo 45:2

Ika an pinakagwapo sa mga kalalakihan; ika sarong marahay na parataram; kaya benebendisyonan ka nin Dios sagkod lamang.

Salmo 45:3

Ihagkos mo an saimong espada, O mapangyaring hade; mamuraway ka asin mapangyari.

Salmo 57:1

Kaheraki ako, O Dios, kaheraki ako, huli ta minapaalaw ako saimo. Sa lindong kan saimong mga pakpak ako minapaili, sagkod na an mga bagyo nin pag-alaman makaagi.

Salmo 89:6

Huli ta siisay sa langit an ikakaarog sa Kagurangnan? Siisay sa mga langitnon na linalang an arog sa Kagurangnan?

Salmo 91:1

An siisay man na magpaili sa Kagurangnan, asin magdanay sa pag-ingat kan Makakamhan,

Awit nin mga Awit 1:16

Gwapo ka nin marahay, sakong namomotan; ika an sakong kaogmahan! An berdeng mga doot iyo an satong magigin higdaan;

Awit nin mga Awit 2:5

Balikan an sakong kosog huli sa mga pasas; pakosoga ako huli sa mga mansanas! Nanluluya ako huli sa sobrang pagkamoot.

Awit nin mga Awit 4:13

duman nagtatalubo an mga tinanom. Nagtatalubo sinda arog sa tatamnan nin mga kahoy na granada, asin namumunga kan pinakamagayon na mga bunga. Dai nagkukulang an hena saka nardo,

Awit nin mga Awit 4:16

Pagmata, amihan na doros, asin madya, habagat na doros! Paghoyop sa sakong tatamnan; warakan an hamot kaiyan. Padoloka sa saiyang tatamnan an sakong namomotan asin pakakana kan mga piling bunga kaiyan.

Awit nin mga Awit 5:16

An saiyang ngoso mahamis paghadokan; nakakadagka an bilog niyang pagkatawo. Siring kaiyan an sakong namomotan, mga babae nin Jerusalem.

Awit nin mga Awit 7:13

Mapaparong mo an hamot kan mga mandragora, asin an gabos na piling bunga yaon sa may pintoan nyato. O namomotan, tinagamahan taka kan gabos na piling bunga, an daan saka an bago.

Awit nin mga Awit 8:11

Igwa si Solomon nin ubasan sa lugar na inaapod Baal-hamon. Inaarkila iyan saiya kan mga paraoma; an lambang saro minabayad nin sangribong pedaso nin plata.

Awit nin mga Awit 8:12

An sakong ubasan, an sadiri ko, para sako sana; ika, O Solomon, saimo na an sangribong pedaso nin plata, asin kamong mga paraoma, an dos syentos bilang saindong kahirasan.

Awit nin mga Awit 8:5

Siisay ining nagdadangadang hale sa kalangtadan, na nakasandig sa saiyang namomotan? Sa irarom nin kahoy na mansanas pinukaw taka, sa lugar na namundagan mo.

Isaias 25:4

Huli ta nagin bantayan ka para sa mga dukha saka sa mga nangangaipo; limpoy sa init asin pailihan sa bagyo. Siring sa sarong bagyo na minatama sa lanob an pagsalakay kan mga makuring tawo,

Isaias 32:2

An lambang saro sa sainda makakaagid sa sarong lugar na pailihan sa doros asin sa sarong lugar na matatagoan kun igwa nin bagyo. Makakaarog sinda sa mga salog na nagbubulos sa desyerto, siring sa lindong nin sarong dakulang gapo sa lugar na mayo nin anoman na masisirongan.

Isaias 4:2

Maabot an panahon na papadakulaon asin papagayonon nin Kagurangnan an gabos na tinanom sa Israel. Mawiwilihan asin ipag-oorgulyo kan mga matatadang mga tawo an bunga kan daga.

Isaias 4:6

Lilindongan kan saiyang kamurawayan an syudad sa init kan aldaw asin gigibohon niyang sarong lugar na ligtas, harayo sa bagyo saka sa uran.

Ezekiel 47:12

Sa mag-ibong na pangpang kan sapa matalubo an gabos na klase nin kahoy tanganing magtao nin kakanon. Dai maaalang an mga dahon kaiyan asin dai iyan mawawaraan nin bunga. Mabunga iyan bulan-bulan, huli ta natutubigan iyan kan sapa na nagbubulos hale sa Templo. An saindang bunga magigin pagkakan asin saindang mga dahon gagamiton sa pagbolong.”

Joel 1:12

Nagkaruluyos na an mga poon nin ubas saka an mga kahoy na higera; nagkaruluyos dangan nagkagaradan an gabos na kahoy na namumunga. An kaogmahan kan mga tawo nawara man.

Hebreyo 12:2

Danay na hilingon ta si Jesus, na iyo an sinasarigan kan satong pagtubod poon sa kapinonan sagkod sa kataposan. Tinios niya an krus asin dai pinahalagahan an kasosopgan kaiyan huli kan kaogmahan na naghahalat saiya; ngunyan nagtutukaw siya sa too kan trono nin Dios.

Hukom 9:15

Nagsimbag an binit, ‘Kun talagang boot nindo akong gibohon na saindong hade, madya asin sirong kamo sa sakong limpoy. Kun habo kamo, maluwas sa sakong matonok na mga sanga an kalayo na matutong kan mga sedro nin Lebanon.’