Awit nin mga Awit 2:14 - Marahay na Bareta Biblia

¹⁴ Nakakaagid ka sa salampating nagtatago sa gutak nin sarong gapo. Pahilingan sako an magayon mong lalawogon asin padangogan sako an nakakabihag mong tingog.

Awit nin mga Awit 2:14 ပူးပေါင်းရင်းမြစ်များ

An Libro ni Job 9:16

Kun apodon ko siya dangan magsimbag siya, dai ako matubod na dinadangog niya ako.

Salmo 110:3

Sa aldaw na labanan mo an saimong mga kaiwal, sa marahay na boot iibahan ka kan saimong banwaan. Siring sa ambon nin kaagahon, an mga hoben na lalaki madatong saimo diyan sa banal na kabubuldan.

Salmo 22:3

Alagad ika Banal, na an trono nasa mga pag-omaw nin Israel.

Salmo 45:11

Mamawoton kan hade an saimong kagayonan; siya an saimong kagurangnan, kaya kuyogon mo siya.

Salmo 45:12

Mga taga Tiro madara saimo nin mga regalo; mga tawong mayaman magmamawot na mawilihan mo.

Salmo 50:23

An nagdadara nin atang nin pasasalamat nagtatao sako nin kaomawan; asin sa mga naglalakaw sa dalan nin katanosan, ipapahiling ko an sakong kaligtasan!”

Salmo 68:13

mga ladawan nin salampati na patos nin plata, na an mga pakpak nagsisilyab huli ta patos nin purong bulawan. (Tadaw ta an iba saindo nagpawalat sa kulungan nin karnero sa aldaw nin gera?)

Salmo 74:19

An saimong salampati hare pagpabayae sa mga maringis na hayop; hare paglingawe sagkod lamang an buhay kan saimong mga dukha.

Exodo 3:6

Ako an Dios nin saimong mga magurang, an Dios ni Abraham, ni Isaac, asin ni Jacob.” Kaya tinahoban ni Moises an saiyang lalawogon huli ta natakot siyang maghiling sa Dios.

Mga Talinhaga 15:8

Ikinakaongis nin Kagurangnan an sakripisyo kan maraot, alagad nawiwilihan niya an pamibi kan matanos.

Awit nin mga Awit 1:15

Magayon ka nin marahay, sakong namomotan; sa pagkamoot, an saimong mga mata nagkikinang!

Awit nin mga Awit 1:5

Mga babae nin Jerusalem, maitom ako alagad magayon, maitom siring sa mga tolda sa desyerto nin Kedar, alagad magayon arog sa mga kurtina sa palasyo ni Solomon.

Awit nin mga Awit 1:8

Kun dai mo aram an lugar, pinakamagayon sa mga babae, lakaw asin sunoda an gira kan mga hayop; maghanap ka nin masasabsaban para sa saimong mga kanding harani sa mga tolda kan mga pastor.

Awit nin mga Awit 5:2

Maski nagtotorog ako, mata an sakong puso. Nangatorogan akong nagtoktok sa pintoan an sakong namomotan. Palaoga ako, sakong namomotan, sakong pagkamoot, sakong salampati. Dumog an sakong payo kan ambon, asin an sakong buhok kan tonog nin kabanggihon.

Awit nin mga Awit 8:13

Padangogan sako an saimong tingog hale sa tatamnan, sakong namomotan; an sakong mga kairiba naghahalat sa pagdangog kan saimong pagtaram.

Isaias 2:21

Matarago sinda sa mga lungib sa kagapoan asin sa mga barana kan mga ampas sa pagdulag sa kaanggotan nin Kagurangnan, asin sa saiyang kamurawayan, sa saiyang pagtindog sa pagyugyog kan kinaban.

Isaias 51:3

“Maheherakan ko an Jerusalem, an gabos na nag-eerok sa mga raot na lugar kaiyan. Maski saro nang desyerto an saiyang daga, gigibohon ko iyan na sarong tatamnan, siring sa tatamnan na ibinugtak ko sa Eden. Makukua diyan an kaogmahan saka an kagayagayahan, an mga pasasalamat sako saka an mga awit nin pag-omaw.

Isaias 6:5

Nagsabi ako, “Herak man sako! Magagadan ako huli ta an lambang tataramon na nag-aagi sa sakong mga ngabil makasalan, asin nag-eerok ako sa tahaw nin mga banwaan na an lambang tataramon makasalan; huli ta nahiling ko an Hade, an Kagurangnan nin mga hukbo!”

Isaias 60:8

Anong mga sakayan ini na naglalayag siring sa mga panganoron, arog sa mga salampati na nagpupuli sa saindang harong?

Jeremias 48:28

“Kamong mga nag-eerok sa Moab, magharale kamo sa saindong mga banwa! Lakaw saka mag-erok kamo sa kagapoan! Arogon nindo an mga salampati na naggigibo nin salagan sa mga gilid kan ampas.

Jeremias 49:16

Dinaya ka kan saimong kapalangkawan. Mayo nin natatakot saimo, arog kan iniisip mo. Nag-eerok ka sa mga lungib sa kagapoan, na nasa kaitaasan kan bukid. Alagad maski nag-eerok ka sa halangkaw na lugar arog kan agila, ibababa ka nin Kagurangnan. An Kagurangnan an nagtaram.”

Ezekiel 7:16

An nagkapira makakadulag pasiring sa kabukidan siring sa mga salampating tinakot sa mga kapantayan. Sinda gabos mag-aagrangay para sa saindang mga kasalan.

Daniel 9:7

Ika, Kagurangnan, danay na naggigibo kan tama, alagad danay ming dinadarahan nin kasosopgan an samong sadiri sagkod ngunyan; nangyari ini samo na nag-eerok sa Juda asin sa Jerusalem patin sa gabos na Israelita na saimong iwinarak sa mga harani saka harayong mga daga huli ta bako sindang maimbod saimo.

Obadias 1:3

Dinaya ka kan saimong kapalangkawan. An pangenot mong syudad sarong bantayan na gapo; an saimong erokan nasa halangkaw na lugar sa kabukidan, kaya nagsasaboot kang, ‘Siisay an makakapababa sako?’

Mateo 10:16

“Magdangog kamo! Sinusugo ko kamo na garo mga karnero sa tahaw nin mga lobo. Magpakamaingat kamo arog kan mga halas asin magpakamahoyo arog kan mga salampati.

Mateo 3:16

Kan mabunyagan na si Jesus, naghawas siya tolos sa tubig, asin uya, nabuksan an kalangitan, dangan nahiling niya an Espiritu nin Dios na naghilig arog sa salampati asin nagtugdon saiya.

Efeso 5:27

Ginibo niya ini nganing iatubang niya sa sadiri niya an simbahan na magayon, banal, mayo nin kaninan, mayong digta o kurundot o anoman na arog kaiyan.

Colosas 1:22

Alagad ngunyan, huli kan pagkagadan kan saiyang Aki, ginibo kamo nin Dios na mga katood niya, tanganing magin kamong banal, malinig, saka daing digta sa atubang niya.

Hebreyo 10:22

Kaya magdolok kita sa Dios nin tudok sa puso asin may masarig na pagtubod. Dumolok kita saiya na may malinig na konsyensya huli ta lininig na an satong mga puso saka nahugasan na nin malinig na tubig an satong mga hawak.

Hebreyo 4:16

Kaya pakosogon ta an satong boot na magdolok sa trono nin biyaya, tanganing makamtan ta an pagkaherak asin makua ta an biyaya sa panahon nin pangangaipo.

1 Pedro 3:4

Kundi magkaigwa kamo nin kagayonan na hale sa saindong puso, kaiba an dai mawawarang kayamanan nin sarong mahuyo asin matoninong na espiritu, na iyo an pinakamahalaga sa atubang nin Dios.

Judas 1:24

Pag-omawon siya na makakaingat saindo sa pagkahulog, asin makakadara saindo na malinig asin maogma sa atubang nin saiyang kamurawayan,

Kapahayagan 5:8

Kan makua na iyan kan Kordero, an apat na buhay na linalang asin an beynte y kwatrong kamagurangan nagluhod sa atubang niya. An lambang saro may kapot na arpa saka bulawan na mangko na pano nin insenso; an insensong idto iyo an mga pamibi kan mga banal.