Awit nin mga Awit 2:12 - Marahay na Bareta Biblia

¹² nagturunga na sa daga an mga burak. Iyo na ini an panahon nin pag-awit; nadadangog na sa kaomahan an awit kan mga salampati.

Awit nin mga Awit 2:12 ပူးပေါင်းရင်းမြစ်များ

Genesis 15:9

Nagsimbag an Kagurangnan, “Darahan mo ako nin sarong baka, sarong kanding asin sarong karnero na anas tolong taon an edad, saka sarong salampati asin sarong agbaan.”

Salmo 74:19

An saimong salampati hare pagpabayae sa mga maringis na hayop; hare paglingawe sagkod lamang an buhay kan saimong mga dukha.

Salmo 89:15

Paladan an mga tawong nagsasamba saimo huli sa mga awit, na naglalakaw sa liwanag nin saimong lalawogon!

Awit nin mga Awit 2:11

Nakalihis na an tig-lipot; nag-ontok na an uran;

Awit nin mga Awit 6:11

Nagduman ako sa tatamnan nin mga kahoy na almendras tanganing hilingon an sadit na mga tinanom sa kapantayan, tanganing hilingon kun nagdahon na an mga balagon asin kun namurak na an mga granada.

Awit nin mga Awit 6:2

Nagduman sa saiyang tatamnan an sakong namomotan, sa tatamnan nin mga pahamot, tanganing pasabsabon sa tatamnan an saiyang mga hayop, asin tanganing magkua nin mga lirio.

Isaias 55:12

“May kaogmahan kamong mahale sa Babilon; matoninong kamong papangenotan paluwas sa syudad. Mag-aarawit an kabukidan saka an kabubuldan, asin magkukurahaw an mga kahoy sa kaogmahan.

Jeremias 8:7

Maski an lapay nakakaaram kun nuarin siya dapat magbalik; an agbaan, an balinsayawan saka an talaod nakakaaram kan tamang panahon nin pagbago nin erokan. Alagad, kamong sakong banwaan, dai nindo naaaraman an sakong mga pagboot.

Colosas 3:16

Kaipuhan magin buhay sa puso nindo an mayaman na mensahe ni Cristo. Magpatinukdoan saka maghinulitan kamo sa bilog na kadonongan. Mag-awit kamo nin mga salmo, mga himno saka mga banal na awit na may pagpasalamat sa Dios sa saindong puso.