Awit nin mga Awit 1:8 - Marahay na Bareta Biblia

⁸ Kun dai mo aram an lugar, pinakamagayon sa mga babae, lakaw asin sunoda an gira kan mga hayop; maghanap ka nin masasabsaban para sa saimong mga kanding harani sa mga tolda kan mga pastor.

Awit nin mga Awit 1:8 ပူးပေါင်းရင်းမြစ်များ

Salmo 16:3

Gurano karahay an mga maimbod sa Kagurangnan! Dakula kong kaogmahan na sinda makaibahan.

Salmo 45:11

Mamawoton kan hade an saimong kagayonan; siya an saimong kagurangnan, kaya kuyogon mo siya.

Salmo 45:13

Nasa palasyo an prinsesa—anong gayon niya! Ginibo hale sa torsidong bulawan an gubing niya.

Mga Talinhaga 8:34

Paladan an tawong naghihinanyog sako, na aroaldaw nagbabantay sa sakuyang mga trangkahan, na naghahalat sa may pintoan kan sakong harong.

Awit nin mga Awit 1:15

Magayon ka nin marahay, sakong namomotan; sa pagkamoot, an saimong mga mata nagkikinang!

Awit nin mga Awit 2:10

Nagtataram sako an sakong namomotan. Madya, sakong namomotan; sakong padangat, umiba ka sako.

Awit nin mga Awit 4:1

Magayon ka nin marahay, sakong namomotan! Sa pagkamoot, nagkikinang nin marahay an saimong mga mata sa likod kan saimong belo. Nagsasayaw an saimong buhok arog sa mga kanding na naglulukso paibaba kan mga bulod nin Gilead.

Awit nin mga Awit 4:10

Mahamis nin marahay an saimong pagkamoot, sakong namomotan asin sakong agom. Orog karahay an saimong pagkamoot ki sa arak; asin an parong kan saimong pahamot ki sa arin man na pahamot.

Awit nin mga Awit 4:7

Magayon ka nin marahay, sakong namomotan; mayo ka nin kaninan!

Awit nin mga Awit 5:9

O pinakamagayon sa mga babae, may kalaenan daw an saimong namomotan sa ibang lalaki? Ano an makangangalas dapit saiya tanganing magsumpa kami saimo?

Awit nin mga Awit 6:1

O pinakamagayon sa mga babae, saen nagduman an saimong namomotan? Tarami kami kun arin na dalan an saiyang inagihan, tanganing sa paghanap, ika samong matabangan.

Jeremias 6:16

Nagtaram an Kagurangnan sa saiyang banwaan, “Tumindog kamo sa pinagsasangahan kan mga dalan saka magmasid kamo. Maghapot kamo kun saen an suanoy na mga agihan asin kun arin an pinakamarahay na dalan. Diyan kamo maglakaw, asin mabubuhay kamo sa katoninongan.” Alagad nagsabi sinda, “Dai kami maagi diyan!”

Juan 21:15

Pakapamahaw ninda, naghapot si Jesus ki Simon Pedro, “Simon, aki ni Juan, namomotan mo ako labi pa ki sa mga ini?” Nagsimbag siya, “Opo, Kagurangnan, aram mo na namomotan taka.” Sinabihan siya ni Jesus, “Pakakana an mga kordero ko.”

1 Corinto 11:1

Kaya aroga nindo ako siring na inaarog ko si Cristo.

Efeso 5:27

Ginibo niya ini nganing iatubang niya sa sadiri niya an simbahan na magayon, banal, mayo nin kaninan, mayong digta o kurundot o anoman na arog kaiyan.

Hebreyo 13:7

Giromdoma an mga lider nindo kaidto na naghulit saindo kan tataramon nin Dios. Giromdoma nindo an saindang nagin buhay saka pagkagadan; arogon nindo an saindang pagtubod.

Hebreyo 6:12

Habo mi kamong magin hugakon, kundi arogon nindo idtong mga nagmamana kan mga ipinanuga nin Dios huli ta sinda nagtutubod asin mga matinios.

Santiago 2:21

Bakong si Abraham na satong ginikanan nagin matanos, huli kan saiyang mga ginibo, kan idolot niya sa altar si Isaac na saiyang aki?

Santiago 2:25

Siring man an nangyari ki Rahab, an maraot na babae. Nagin matanos siya huli kan saiyang mga gibo, kan padagoson niya sa saiyang harong an mga espiyang Israelita dangan tabangan sindang umagi sa ibang dalan paghale ninda.

Santiago 5:10

Mga tugang, giromdoma nindo an mga propeta na nagtaram sa ngaran nin Kagurangnan. Aroga nindo an saindang pagkamatinios asin pakatagal sa tahaw nin kasakitan.

1 Pedro 3:6

Arog kaiyan an pagpagayon ni Sara; nagkuyog siya ki Abraham na inapod niyang saiyang kagurangnan. Kamo an mga aki ni Sara ngunyan kun maggibo kamo nin tama asin dai matakot sa anoman.