Awit nin mga Awit 1:2 - Marahay na Bareta Biblia

² Kinakarigos mo ako kan saimong mga hadok; orog pa sa arak an saimong pagkamoot.

Awit nin mga Awit 1:2 ပူးပေါင်းရင်းမြစ်များ

Genesis 29:11

Dangan hinadokan niya si Rachel asin naghibi sa kaogmahan.

Genesis 45:15

Mantang naghihibi, kinugos man niya asin hinadokan an saiyang mga tugang. Pakatapos kaini, saka pa sana nakiolay ki Jose an saiyang mga tugang.

Salmo 2:12

magtakig asin magduko kamo saiya; ta tibaad lumaad tolos an saiyang kaanggotan, asin bigla kamong magadan. Paladan an gabos na nagpapaampon saiya.

Salmo 36:7

Mahalaga, O Dios, an danay mong pagkamoot! An mga aki nin tawo minapaili sa lindong kan saimong mga pakpak.

Awit nin mga Awit 1:4

Ibahan ako, asin madulag kita; ika an sakong magigin hade asin daraha ako sa saimong kwarto. Magigin maogma kitang duwa, mainom nin dakul, asin mag-oogma sa satong pagkamoot. Kaya bakong makangangalas na namomotan ka kan gabos na babae!

Awit nin mga Awit 2:4

Dinara niya ako sa lugar na pagbabangketehan asin initaas niya an bandera nin pagkamoot sa ibabaw ko.

Awit nin mga Awit 4:10

Mahamis nin marahay an saimong pagkamoot, sakong namomotan asin sakong agom. Orog karahay an saimong pagkamoot ki sa arak; asin an parong kan saimong pahamot ki sa arin man na pahamot.

Awit nin mga Awit 5:16

An saiyang ngoso mahamis paghadokan; nakakadagka an bilog niyang pagkatawo. Siring kaiyan an sakong namomotan, mga babae nin Jerusalem.

Awit nin mga Awit 7:12

Mabangon kitang amay asin maduman sa mga ubasan tanganing hilingon kun nagdadahon na an mga balagon, kun nagbubukad na an mga burak asin kun nagbuburak na an mga granada. Duman ko itatao saimo an sakong pagkamoot.

Awit nin mga Awit 7:6

Magayon ka nin marahay, O namomotan; an itinatao kan saimong pagkamoot bilog na kaogmahan.

Awit nin mga Awit 7:9

asin an saimong ngoso siring sa pinakamarahay na arak. Pabulosa an arak pasiring sa sakong namomotan, magbubulos sa ibabaw kan saiyang mga ngabil saka ngipon.

Isaias 25:6

Digdi sa Bukid nin Sion, maandam nin bangkete an Kagurangnan nin mga hukbo para sa gabos na nasyon kan kinaban—sarong bangkete nin masiram na mga pagkakan asin managom na mga arak.

Mateo 26:26

Mantang nagkakakan sinda, kinua ni Jesus an tinapay, benendisyonan, binaak asin itinao sa saiyang mga disipulo, dangan nagsabi, “Akoa asin kakana nindo; ini an sakong hawak.”

Lukas 15:20

Kaya naglakaw siya papuli sa saiyang ama. “Harayo pa, natanawan na siya kan ama niya. Naherak nin marahay an saiyang ama, kaya nagdalagan ining nagsabat saiya, kinugos siya saka hinadokan.

Mga Gibo 21:7

Hale sa Tiro nagpadagos kami sa samuyang pagsakay, sagkod na nag-abot kami sa Tolemaida. Kinomusta mi an mga tugang duman; sarong aldaw kami sa kaibahan ninda.

1 Pedro 5:14

Magkinomustahan kamo sa hadok nin pagkamoot. An katoninongan mapasaindo logod gabos na yaon ki Cristo.