Awit nin mga Awit 1:15 - Marahay na Bareta Biblia

¹⁵ Magayon ka nin marahay, sakong namomotan; sa pagkamoot, an saimong mga mata nagkikinang!

Awit nin mga Awit 1:15 ပူးပေါင်းရင်းမြစ်များ

Awit nin mga Awit 1:16

Gwapo ka nin marahay, sakong namomotan; ika an sakong kaogmahan! An berdeng mga doot iyo an satong magigin higdaan;

Awit nin mga Awit 1:8

Kun dai mo aram an lugar, pinakamagayon sa mga babae, lakaw asin sunoda an gira kan mga hayop; maghanap ka nin masasabsaban para sa saimong mga kanding harani sa mga tolda kan mga pastor.

Awit nin mga Awit 1:9

Nadadagka mo an mga lalaki siring na nadadagka kan babaeng kabayo an mga lalaking kabayo kan mga karwahe ni Faraon.

Awit nin mga Awit 2:10

Nagtataram sako an sakong namomotan. Madya, sakong namomotan; sakong padangat, umiba ka sako.

Awit nin mga Awit 2:13

Naghihinog na an bunga kan higera; namumurak na an mga balagon, dara kan doros an saindang parong. Kaya madya, sakong namomotan; sakong padangat, umiba ka sako.

Awit nin mga Awit 4:1

Magayon ka nin marahay, sakong namomotan! Sa pagkamoot, nagkikinang nin marahay an saimong mga mata sa likod kan saimong belo. Nagsasayaw an saimong buhok arog sa mga kanding na naglulukso paibaba kan mga bulod nin Gilead.

Awit nin mga Awit 4:10

Mahamis nin marahay an saimong pagkamoot, sakong namomotan asin sakong agom. Orog karahay an saimong pagkamoot ki sa arak; asin an parong kan saimong pahamot ki sa arin man na pahamot.

Awit nin mga Awit 4:7

Magayon ka nin marahay, sakong namomotan; mayo ka nin kaninan!

Awit nin mga Awit 5:12

An saiyang mga mata magagayon siring sa mga salampati sa kataed kan mga burabod nin tubig, mga salampati na kinarigos nin gatas asin nagtitindog sa may sapa.

Awit nin mga Awit 5:2

Maski nagtotorog ako, mata an sakong puso. Nangatorogan akong nagtoktok sa pintoan an sakong namomotan. Palaoga ako, sakong namomotan, sakong pagkamoot, sakong salampati. Dumog an sakong payo kan ambon, asin an sakong buhok kan tonog nin kabanggihon.

Awit nin mga Awit 6:10

Siisay ini na kun minahiling arog sa kaagahon? Magayon siya siring sa bulan, maliwanag siring sa aldaw.

Awit nin mga Awit 6:4

Magayon ka siring sa Jerusalem, sakong namomotan magayon siring sa syudad nin Tirsa, makangirhat siring sa sarong hukbo na igwang mga bandera.

Awit nin mga Awit 7:6

Magayon ka nin marahay, O namomotan; an itinatao kan saimong pagkamoot bilog na kaogmahan.

Awit nin mga Awit 7:7

An saimong tindog siring sa kahoy na palma, asin an saimong daghan nakakaagid sa mga bunga kaiyan.

Malakias 2:14

Minahapot kamo kun tano ta habo na niyang akoon an mga iyan. Huli ta aram niya na linapas nindo an saindong panuga sa babaeng inagom nindo kan mga hoben pa kamo. Siya an saindong kaiba, asin linapas nindo an saindong panuga saiya maski nanuga kamo sa atubangan nin Dios na magigin maimbod saiya.