Amos 9:9 - Marahay na Bareta Biblia

⁹ “Ako an magboboot asin an magsasaligsig kan banwaan nin Israel arog kan pagsaligsig sa trigo. Sasaligsigon ko sinda sa tahaw kan mga nasyon tanganing mahale an gabos na mayo nin halaga.

Amos 9:9 ပူးပေါင်းရင်းမြစ်များ

Isaias 27:12

Sa aldaw na iyan, magpoon sa Salog nin Eufrates sagkod sa pagdolonan kan Egipto, saro-sarong titiponon nin Kagurangnan an saiyang banwaan, siring sa sarong tawo na naglalaen kan trigo sa ata.

Isaias 28:28

Dai niya sinasayang an trigo sa daing ontok na pagginik kaiyan; liniligis niya iyan nin kariton asin dai naroronot an trigo.

Isaias 30:28

Sinusugo niya an doros sa saiyang enotan siring sa baha na minadara kan gabos na maaagihan kaiyan. Sinisighid kaiyan an mga nasyon sa saindang kapahamakan asin tinatapos an mga maraot nindang mga plano.

Jeremias 31:36

Nanunuga siya na sagkod na nagdadanay an siring na orden, magdadanay man an Israel bilang sarong nasyon.

Jeremias 46:28

Masasakaibahan nindo ako tanganing iligtas kamo. Roronoton ko an gabos na nasyon na pinagwarakan ko saindo, alagad dai ko kamo pupuhoon. Dai ako matugot na dai kamo mapadusahan; alagad kun padusahan ko na kamo, gigibohon ko an matanos para saindo. Ako, an Kagurangnan, an nagtaram.”

Jeremias 49:36

Hale sa gabos na direksyon, papahuyopon ko an mga doros pasiring sa Elam, dangan iwawarak ko an mga tawo duman, sagkod na mayo maski sarong nasyon na dai ninda pakikihimanwahan.

Ezekiel 20:38

Hahaleon ko sa tahaw nindo an mga rebelde asin an mga makasalan. Hahaleon ko sinda sa mga daga na pinag-eerokan ninda, alagad dai ko sinda papabalikon sa daga nin Israel. Dangan maaaraman nindo na ako an Kagurangnan.”

Ezekiel 36:19

Hinukoman ko sinda sosog sa saindang pamumuhay saka mga gibo, asin iwinarak ko sinda sa mga dayuhan na nasyon.

Ezekiel 39:28

Dangan maaaraman kan sakuyang banwaan na ako an Kagurangnan na saindang Dios, huli ta ako an nagpatapok sainda sa mga dayuhan na nasyon, asin ako an nagtipon saka nagpabalik sainda gabos sa sadiri nindang daga; mayo akong iwawalat maski saro sainda.

Ezekiel 5:10

Mangyayari na an mga aki sa Jerusalem kakakanon kan saindang mga magurang, asin an mga magurang kakakanon kan saindang mga aki. Papadusahan taka asin an mga matadang buhay iwawarak ko sa gabos na direksyon.

Ezekiel 5:12

An ikatolong kabtang kan saimong banwaan magagadan sa helang saka sa makuring gutom; an saro pang kabtang magagadan sa espada sa luwas kan syudad; asin an saro pang kabtang iwawarak ko sa gabos na direksyon dangan lalamagon ko nin espada.

Levitico 26:33

Dadarahan ko kamo nin gera, asin iwawarak ko kamo sa mga dayuhan na daga. Mababayaan an sadiri nindong daga dangan magkakagaraba an saindong mga syudad.

Lukas 22:31

Nagsabi pa an Kagurangnan, “Simon, Simon! Dangoga ako! Hinagad ni Satanas na saligsigon kamo, arog sa trigo.

Deuteronomio 28:64

“Iwawarak kamo nin Kagurangnan sa gabos na nasyon, sa gabos na poro nin daga; malingkod kamo duman sa mga dios-dios na gibo sa kahoy saka gapo, mga dios-dios na dai pa nindo sinamba ni kan saindong mga ginikanan.