Amos 9:6 - Marahay na Bareta Biblia

⁶ Pinapatindog nin Kagurangnan an saiyang harong sa kalangitan, asin ibinubugtak niya an panganoron sa itaas kan kinaban. Inaapod niya an katubigan kan dagat dangan inuula iyan sa daga. Kagurangnan an saiyang ngaran!

Amos 9:6 ပူးပေါင်းရင်းမြစ်များ

Genesis 2:1

Kaya nahaman an kalangitan asin an daga.

Salmo 104:13

Hale sa langit binabaribi mo an mga bulod; napapano an daga kan saimong mga balaog.

Salmo 104:3

Itinugdok mo an saimong harong sa ibabaw kan katubigan sa itaas. Ginamit mo an mga panganoron bilang karwahe, asin naglulunad ka sa mga pakpak kan doros.

Jeremias 5:22

Ako an Kagurangnan; tadaw ta dai kamo natatakot sako? Tadaw ta dai kamo tinatakigan sa atubangan ko? Ibinugtak ko an baybay bilang kasagkoran kan dagat, sarong kasagkoran na dai nanggad pwedeng balyohon. Maski mag-apwak digdi an dagat, o maghagubohob an mga alon, alagad dai sinda makakaibong.

Amos 4:13

An Dios iyo an naggibo kan kabukidan asin an naglalang kan mga doros. Ipinapahayag niya an saiyang kaisipan sa tawo; ginigibo niyang banggi an aldaw. Naglalakaw siya sa mga alitoktok kan kinaban. Iyo ini an saiyang ngaran: an Kagurangnan, an Dios nin mga hukbo!

Amos 5:8

An Kagurangnan an naggibo kan mga bitoon, kan Pleiades asin kan Orion. Pinapangagin niyang kaliwanagan an kadikloman, asin an aldaw pinapangagin niyang banggi. Inaapod niya an katubigan kan dagat dangan inuula niya iyan sa kinaban. Kagurangnan an saiyang ngaran.