Amos 9:13 - Marahay na Bareta Biblia

¹³ An Kagurangnan nagtataram, “Maabot an panahon na mas marikas an pagtalubo kan trigo ki sa pag-ani kaiyan, asin an pagtalubo kan ubas ki sa paggibo nin arak. An kabukidan magtatagdo nin mahamis na arak, asin magbubulos nin arak an kabubuldan.

Amos 9:13 ပူးပေါင်းရင်းမြစ်များ

Genesis 49:11

An ogbon nin saiyang asno iginagakod niya sa poon nin ubas, Sa pinakamarahay na poon nin ubas. Linalabahan niya an saiyang gubing sa arak, an saiyang bado sa dugo nin ubas.

Salmo 97:5

An mga bukid natutunaw siring sa taro sa atubang nin Kagurangnan, sa atubang nin Kagurangnan kan bilog na daga.

Isaias 16:10

Mayo nang paraoma ngunyan na naoogma sa matubang na mga oma. Mayo nang nagkukurahaw o nag-aawit sa mga ubasan. Mayo nang magtitimaktimak nin mga ubas sa paggibo nin arak; mayo na an mga kinurahaw nin kaogmahan.

Isaias 55:13

Embes kan mga tonok matalubo an mga kahoy na sipres; embes kan mga binit matalubo an mga marambong na kahoy. Ini an magigin sarong tanda na magdadanay sagkod lamang, sarong giromdom kan ginibo ko, an Kagurangnan.”

Ezekiel 28:26

Matiwasay sindang mag-eerok duman. Matugdok sinda nin mga harong saka matanom nin mga ubas. Papadusahan ko an mga kataed ninda na nagtuyatuya sainda. Dangan maaaraman ninda na ako an Kagurangnan na saindang Dios.”

Ezekiel 36:35

Dangan mataram sinda, ‘An dagang ini na alang kaidto arog na ngunyan sa tatamnan nin Eden; an mga syudad na ginaraba, sinamsaman, mamondo, pinag-eerokan na ngunyan asin pinapapusog.’

Joel 2:24

An mga lugar nin ginikan mapapano nin trigo; an mga laogan sa kataed kan mga pugaan nin ubas magsusupay nin arak saka lana nin oliba.

Joel 3:18

Sa panahon na iyan matatahoban nin mga ubasan an kabukidan, asin sa gabos na bulod makukua an kabakahan; an gabos na sapa nin Juda magbubulos nin tubig. Sarong sapa an mabulos hale sa Templo nin Kagurangnan, dangan babaribihon kaiyan an Sittim.

Joel 3:20

Ako an mabalos para sa mga nagkagaradan; dai ko papatawadon an may kasalan. Alagad an Juda saka an Jerusalem pag-eerokan nin tawo sagkod pa man, asin ako, an Kagurangnan, mag-eerok sa Bukid nin Sion.”

Levitico 26:5

Magigin dakul an saindong aanihon, kaya mantang nag-aani pa kamo kan saindong trigo maabot na an panahon na maguno kamo kan ubas asin mantang nagguguno pa kamo kan ubas, maabot na an panahon nin pagsabwag nin trigo. Mapapasaindo an gabos na boot nindong kakanon asin mamumuhay kamong matoninong sa saindong daga.

Amos 9:5

An kinaban dinudutaan nin Kagurangnan, an Dios nin mga hukbo, asin tinatakigan iyan; an gabos na nag-eerok diyan nagmomondo. An bilog na daga minaitaas asin minaibaba arog sa Salog nin Nilo.

Juan 4:35

Bakong may kasabihan kamo, ‘Apat na sanang bulan dangan tig-ani na?’ Alagad pangalagkalag kamo sa kaomahan: hinog na an anihon, tama nang anihon!

Hukom 5:5

Sa atubang nin Kagurangnan nagtakig an mga bukid, an Sinai, sa atubang nin Kagurangnan Dios nin Israel.