Amos 9:10 - Marahay na Bareta Biblia

¹⁰ An gabos na parakasala sa sakong banwaan magagadan sa gera—sinda gabos na nagsasabing, ‘Dai itutugot nin Dios na makarani sa sato an kapahamakan.’”

Amos 9:10 ပူးပေါင်းရင်းမြစ်များ

Salmo 10:11

Nagsaboot siya, “Mayong pagmakulog an Dios! Tinakpan niya an saiyang lalawogon asin dai niya nanggad ako mahihiling!”

Parahulit 8:11

An mga tawo andam sa paggibo nin karatan, huli ta an krimen dai tolos pinapadusahan.

Isaias 33:14

Nagtatakig sa katakotan an mga makasalan sa Sion. Nagsasabi sinda, “An paghukom nin Dios nakakaagid sa sarong kalayo na naglalaad sagkod pa man. Mabubuhay daw an saro sato sa siring na kalayo?”

Isaias 5:19

na nagsasabing: “Pahidalia an Kagurangnan, asin otobon niya an sinabi niyang gigibohon niya, tanganing satong mahiling. Gibohon na logod kan banal na Dios nin Israel an saiyang mga plano; hilingon ta kun ano an nasa isip niya.”

Isaias 56:12

‘Madya, magkua kita nin arak’, an sabi ninda, ‘asin mag-inom kita sagkod na kaya ta! An sunod na aldaw magigin mas maogma ki sa ngunyan.’”

Jeremias 18:18

Dangan nagsabi an mga tawo, “Magplano kita laban ki Jeremias. Danay na magkakaigwa nin mga padi na magtutukdo sato, mga madonong na maghuhulit sato, asin mga propeta na magpapahayag kan mensahe nin Dios. Idemanda ta siya asin dai na kita magdangog kan mga sinasabi niya.”

Jeremias 23:17

Sa mga tawong habong maghinanyog kan sakong tataramon, danay na sinasabi ninda na marahay an mangyayari sa sainda. Sa mga matagas an payo sinasabi ninda na mayong maraot na mangyayari sa sainda.”

Ezekiel 20:38

Hahaleon ko sa tahaw nindo an mga rebelde asin an mga makasalan. Hahaleon ko sinda sa mga daga na pinag-eerokan ninda, alagad dai ko sinda papabalikon sa daga nin Israel. Dangan maaaraman nindo na ako an Kagurangnan.”

Amos 6:1

Herak man saindo na namumuhay sa kaginhawahan sa Sion asin sa saindo na nakakamate nin katiwasayan sa Samaria—kamong bantog na kalalakihan kaining dakulang nasyon nin Israel, kamong dinudolok kan mga tawo tanganing magpatabang!

Amos 6:3

Habo nindong akoon na maabot an aldaw nin kasakitan, alagad hinihidali nindo an pag-abot kaiyan huli kan saindong mga ginigibo.

Amos 9:8

Ako, an Kagurangnan Dios, nagmamasid sa makasalan na kahadean na ini nin Israel, asin paparaon ko iyan sa ibabaw kan daga. Alagad dai ko pupuhoon an kapagarakian ni Jacob.

Mikas 3:11

An mga pamayo nagpapasuhol bago maghukom, nagpapatandan an mga padi bago magtukdo, asin an mga propeta naghuhula huli sa kwarta—asin gabos sinda nagsasabi na yaon sainda an Kagurangnan. Nagsasabi sinda, “Mayong maraot na maabot sa samo. Yaon sa samo an Kagurangnan.”

Zacarias 1:6

Sa paagi kan sakong mga sorogoon, an mga propeta, an saindong mga ginikanan tinawan ko nin mga pagboot asin mga patanid, alagad dai ninda iyan pinahalagahan, kaya nagtios sinda bilang bunga kan dai ninda pagkuyog. Dangan nagbakle sinda asin nag-ako na ako, an Kagurangnan nin mga hukbo, iyo an nagpadusa sa sainda sosog sa maninigo sainda asin siring sa desisyon ko.’”

Malakias 3:15

Sosog sa samong nahihiling, an mapalangkaw iyo an mga paladan. Bako sanang nag-uuswag an mga maraot na tawo kundi binabalo pa ninda an Dios sa paggibo ninda kan mga maraot asin dai sinda napapadusahan.’”

Malakias 4:1

Nagsasabi an Kagurangnan nin mga hukbo, “Nagdadangadang an aldaw na susuloon siring sa dagami an gabos na mapaabaw-abaw saka mga maraot na tawo. Sa aldaw na iyan, matututong sinda, asin mayo nin matatada sa sainda.