Amos 9:1 - Marahay na Bareta Biblia

¹ Nahiling ko an Kagurangnan na nagtitindog sa kataed kan altar. Nagboot siya, “Badoli nin makosog an poro kan mga harigi kan templo sagkod na mayugyog an pundasyon. Pasaa an mga iyan dangan pabayae na mahulog sa mga payo kan mga tawo. An mga matadang buhay, gagadanon ko sa gera. Mayo nin makakadulag; mayo nin makakaligtas.

Amos 9:1 ပူးပေါင်းရင်းမြစ်များ

2 Mga Cronica 18:18

Nagpadagos si Micaias, “Hinanyoga ngunyan an tataramon nin Kagurangnan. Nahiling ko an Kagurangnan na nagtutukaw sa saiyang trono. Kataed niya an gabos niyang anghel na nagtitindog sa too niya asin sa wala.

Salmo 68:21

Papasaon nanggad nin Dios an mga payo nin saiyang mga kaiwal, nin mga nagdadanay sa saindang kasalan.

Salmo 68:22

Nagtaram an Kagurangnan, “Ibabalik ko sinda hale sa Basan, ibabalik ko sinda hale sa mga kairaroman nin dagat,

Isaias 30:16

Kundi boot pa nindong magdulag sa saindong mga kaiwal sa paagi nin pagsakay sa maririkas na kabayo. Tama kamo—an pagdulag iyo mananggad an kaipuhan na gibohon nindo! Naghohona kamong marikas na an saindong mga kabayo, alagad mas marikas an mga kabayo kan mga naglalamag saindo!

Isaias 6:1

Kan taon na magadan si Hadeng Uzzias, nahiling ko an Kagurangnan. Nagtutukaw siya sa saiyang trono, halangkaw saka mamuraway, asin an bilog na Templo napapano kan saiyang gubing.

Jeremias 11:11

Kaya ngunyan ako, an Kagurangnan, an madara sainda nin karatan na dai ninda madudulagan; maski pa mag-agrangay sinda sako, dai ko sinda dadangogon.

Jeremias 42:16

aabotan kamo duman kan gera na saindong natatakotan, asin susunodon kamo kan gutom na hinahaditan nindo, saka magagadan kamo sa Egipto.

Jeremias 48:44

An makadulag sa katakotan mahuhulog sa mga kalot, an makahawas hale sa mga kalot madadakop sa mga litag, huli ta itinalaan na nin Kagurangnan an pagraot sa Moab.

Ezekiel 1:28

na igwa kan gabos na kolor kan bulalangaw. Iyo ini an nakakasulang liwanag na nagpapahiling kan kamurawayan nin Kagurangnan.

Ezekiel 10:4

An kamurawayan kan Kagurangnan nag-itaas hale sa mga kerubin dangan nagpasiring sa may palaog kan Templo. An Templo napano nin panganoron asin an patyo nagsilyab huli kan liwanag kan kamurawayan nin Kagurangnan.

Ezekiel 15:7

asin papadusahan. Maski nakaligtas sinda sa sarong kalayo, alagad matututong man giraray sinda sa kalayo. Kun padusahan ko na sinda, maaaraman nindo na ako an Kagurangnan.

Ezekiel 9:2

Hale sa trangkahan na nasa luwas kan Templo sa amihan, nag-abot tolos an anom na lalaki, na an lambang saro may armas. Kaiba ninda an sarong lalaking nakagubing nin lino, na may darang sarong pansurat. Naglaog sinda dangan nagtindog sa may bronseng altar.

Amos 3:14

“Sa aldaw na padusahan ko an banwaan nin Israel huli kan saindang mga kasalan, raraoton ko an mga altar sa Betel. Mapapasa an mga kanto kan gabos na altar asin mahuhulog sa daga.

Amos 7:17

Amazias, sinasabihan ka nin Kagurangnan, ‘An saimong agom magigin sarong maraot na babae sa mga tinampo asin magagadan sa gera an saimong kaakian. Pagbabarangaon kan iba an saimong daga asin magagadan ka sa sarong paganong daga. Dangan itatapok an banwaan nin Israel harayo sa saindang daga.’”

Amos 7:9

Mararaot an mga lugar na pinagsasambahan kan kapagarakian ni Isaac. Magkakagaraba an mga banal na lugar nin Israel. Tataposon ko an paghahade kan lahi ni Hadeng Jeroboam.”

Habakkuk 3:13

Nagluwas ka sa pagligtas kan saimong banwaan, sa pagligtas kan hadeng saimong pinili. Ginadan mo an pamayo kan mga maraot asin pinuho an saiyang mga parasunod.

Sofonias 1:12

“Sa panahon na iyan, makua ako nin ilawan dangan malibot ako sa Jerusalem. Papadusahan ko an mga tawong mapaabaw-abaw asin nagsasaboot, ‘Mayo man nin ginigibong maraot o marahay an Kagurangnan.’

Sofonias 2:14

Iyan magigin sarong lugar na pahingaloan kan mga karnero, mga baka asin kan gabos na klase nin hayop. An mga kuwaw mag-eerok sa mga raot na lugar kaiyan asin mahuni sa mga bintana. An mga uwak mahuni sa mga hagdan. Babakbakon an mga kahoy na sedro kan saiyang mga edipisyo.

Juan 1:18

Mayo pang nakahiling sa Dios; an bugtong na Aki, na nasa kaibahan kan Ama, iyo an nagpamidbid dapit sa Ama.

Juan 1:32

Nagsabi pa si Juan, “Nahiling ko an Espiritu Santo na naghihilig sa langit na garo salampati dangan nag-ontok saiya.

Mga Gibo 26:13

Alagad duman sa dalan, O Hadeng Agripa, odto kaidto, nakahiling ako nin liwanag hale sa langit na mas maliwanag pa ki sa aldaw. Makasusula an liwanag sa palibot mi.

Josue 10:18

Nagsabi si Josue, “Sulaton nindo nin nagkapirang darakulang gapo an laogan kan lungib. Dangan pabantayan nindo

Kapahayagan 1:17

Kan mahiling ko siya, garo gadan akong natumba sa pamitisan niya. Alagad dinutaan niya ako kan saiyang toong kamot saka sinabihan ako, “Dai ka matakot! Ako an enot asin an huri;

Kapahayagan 8:3

May nagluwas naman na anghel na may darang bulawan na insensaryo asin nagtindog siya sa atubangan kan altar; tinawan siya nin dakul na insenso na idodolot, kaiba kan mga pamibi kan gabos na banal, sa altar na bulawan na yaon sa atubangan kan trono.