Amos 8:8 - Marahay na Bareta Biblia

⁸ Kaya magkakaigwa nin linog, asin mahahadit an gabos sa daga. Matatanyog an bilog na daga; maitaas asin maibaba iyan siring sa Salog nin Nilo.

Amos 8:8 ပူးပေါင်းရင်းမြစ်များ

Salmo 18:7

Dangan nagtakig asin natanyog an daga; nagtakig asin natanyog man an mga pundasyon kan kabukidan, huli ta naanggot an Dios.

Isaias 5:25

Anggot an Kagurangnan sa saiyang banwaan, asin inunat niya an saiyang kamot sa pagpadusa sainda. Matatanyog an kabukidan asin an mga bangkay kan nagkagaradan magkakawaralat sa mga tinampo siring sa ati. Alagad dai man giraray maoontok an kaanggotan nin Kagurangnan, kundi padagos na magigin unat an saiyang kamot sa pagpadusa.

Jeremias 12:4

Sagkod nuarin magigin mamara an daga saka magigin alang an mga doot sa kabukidan? Naghihingagdan an mga hayop saka gamgam huli kan karatan kan samong banwaan, banwaan na nagsasabing, ‘Dai nahihiling nin Dios an satong mga ginigibo.’”

Jeremias 46:7

Siisay ining nag-iitaas, arog kan Nilo, arog sa sarong salog na an tubig nagsusupay sa pangpang?

Jeremias 46:8

An Egipto iyo an nag-iitaas arog kan Nilo, arog sa sarong salog na an tubig nagsusupay sa pangpang. Nagsabi an Egipto, ‘Maitaas ako asin tatahoban ko an kinaban; raraoton ko an mga syudad saka gagadanon an mga nag-eerok diyan.

Jeremias 51:29

Nagtatakig saka namimiripit sa kulog an daga, huli ta dai nagbabago an katuyohan nin Kagurangnan laban sa Babilonia, na gibohon ining sarong desyerto, saen mayo na nin mag-eerok.

Daniel 9:26

Pakatapos kan panahon na ini, mayong katanosan na gagadanon an pamayong pinili nin Dios. Gagabaon kan mapangyaring pamayo kan masalakay na hukbo an syudad saka an Templo. Maabot an kataposan siring sa sarong baha, na magdadara kan gera saka pagkagaba na inandam nin Dios.

Oseas 10:5

Matatakot saka mamomondo an mga tawong nag-eerok sa syudad nin Samaria huli sa pagkawara kan bulawan na baka sa Bet-aven. An pagkawarang iyan pagtatangisan kan mga tawo saka kan mga padi na naglilingkod sa dios-dios na idto. Maghahaya sinda sa panahon na halean na kan saiyang kamurawayan an bulawan na torong baka.

Oseas 4:3

Kaya maaalang an daga, asin magagadan an gabos na nabubuhay diyan. Magagadan man an gabos na hayop, gamgam saka sira.”

Amos 8:10

An saindong mga pyesta magigin mga aldaw nin kamondoan, asin an saindong magayagayang mga awit magigin mga panambitan. Gigibohon kong mapiritan kamong mag-aris kan saindong payo saka maggubing nin sako. Magigin arog kamo sa mga magurang na nagmomondo huli sa pagkagadan kan solo nindang aking lalaki. Magigin mapait sagkod sa kataposan an aldaw na iyan.

Amos 9:5

An kinaban dinudutaan nin Kagurangnan, an Dios nin mga hukbo, asin tinatakigan iyan; an gabos na nag-eerok diyan nagmomondo. An bilog na daga minaitaas asin minaibaba arog sa Salog nin Nilo.

Nahum 1:8

Arog sa sarong masulog saka dakulang baha pinupuho niya an saiyang mga kaiwal; an mga minasalungat saiya isinusubol niya sa saindang kagadanan.

Mateo 24:30

Dangan an tanda kan Aki nin Tawo matunga sa kalangitan; magtatangis an gabos na tawo, saka mahihiling nindang maabot an Aki nin Tawo na nasa ibabaw kan mga panganoron, may kapangyarihan asin dakulang kamurawayan.