Amos 8:6 - Marahay na Bareta Biblia

⁶ Ipapabakal mi sa halangkaw na presyo an mayo nang halagang trigo. Mahanap kami nin sarong dukha na dai kayang magbayad kan saiyang utang, maski kan halaga nin sarong pades nin sandalyas, dangan babakalon mi siya bilang sarong oripon.”

Amos 8:6 ပူးပေါင်းရင်းမြစ်များ

Nehemias 5:8

dangan nagtaram ako, “Sagkod na kaya mi pa, tinutubos mi an kapwa ta Judio na nagpabarakal kan saindang sadiri sa mga dayuhan. Alagad ngunyan pinipirit nindo an sadiri nindong mga tugang na ipabakal an sadiri ninda sa saindo na kapwa ninda Judio!” Dai sinda naggirong asin dai nakasimbag nin anoman.

Ezekiel 22:12

An iba sa sainda nagpapatandan tanganing manggadan. An iba nagpapautang sa kapwa Israelita na igwa nin dakulang tubo. Nalingawan na ninda ako.” An Kagurangnan Dios an nagtaram.

Joel 3:3

Nagripa sinda tanganing aramon kun kiisay mapapaduman an mga bihag. Ipinabakal ninda bilang mga oripon an hoben pang mga lalaki saka mga babae tanganing magkaigwa nin pambayad para sa maraot na mga babae saka arak.

Joel 3:6

Dinara man nindo an mga taga Juda saka mga taga Jerusalem harayo sa saindang daga dangan ipinabakal nindo sinda sa mga Griyego.

Amos 2:6

Nagtataram an Kagurangnan, “Paulit-ulit na nagkasala an mga Israelita, asin huli kaiyan, papadusahan ko sinda. Ipinapabakal ninda sa kaoripnan an mga tawong matanos na dai nakakabayad kan saindang utang, mga dukhang dai nakakabayad maski kan halaga nin sarong pades nin sandalyas.

Amos 3:9

Ipahayag mo sa mga nag-eerok sa mga palasyo sa Egipto saka sa Asdod: “Magtiripon kamo sa kabubuldan sa palibot nin Samaria asin hilinga nindo an karibongan saka pang-aapi na ginigibo duman.”

Amos 4:1

Dangoga nindo ini, kamong mga babaeng taga Samaria, na nagtataraba arog kan mga baka sa Basan, na nag-aapi kan mga maluluya, nagpapasakit kan mga dukha, saka nagboboot sa mga agom tanganing danay kamong tawan nin arak!

Amos 8:4

Dangoga nindo ini, kamo na nagtitimaktimak sa mga daing sukat asin nagpapasakit sa mga dukha kan daga.

Zacarias 5:6

Naghapot ako, “Ano iyan?” “Sarong basket, asin simbolo iyan kan makuring kasalan kan bilog na daga,” an simbag niya.