Amos 8:5 - Marahay na Bareta Biblia

⁵ Nagsasaboot kamo, “Dai mi na mahahalat na matapos pa an mga banal na aldaw tanganing ipabakal an samong trigo. Nuarin kaya matatapos an Sabbath tanganing makatinda na kami? Dangan, lalangkawan mi an presyo kan samong paninda, magamit kami nin may dayang sukol saka dadayaon mi sa timbang an mga parabakal.

Amos 8:5 ပူးပေါင်းရင်းမြစ်များ

2 Mga Hade 4:23

“Tadaw ta kaipuhan magduman ka ngunyan?” an hapot kan saiyang agom. “Bako man Sabbath o Pyesta kan Bagong Bulan.” “Bayae sana,” an simbag kan babae.

Exodo 31:13

na sabihan an mga Israelita, “Otobon nindo an Sabbath, an sakong aldaw nin pahingalo, huli ta iyan an tanda para sa sako asin para saindo sagkod sa mga maabot na henerasyon na ako, an Kagurangnan, iyo an nagpili saindo na magin banwaan ko.

Mga Talinhaga 11:1

Ikinakauyam nin Kagurangnan an timbangan na may daya. Naoogma siya sa timbangan na tama.

Mga Talinhaga 16:11

Boot nin Kagurangnan an tamang timbang saka sukol, asin an matanos na pagpabakal.

Mga Talinhaga 20:23

Naoongisan nin Kagurangnan an mga tawong naggagamit nin salang timbangan asin sukolan.

Isaias 1:13

Dai na kamo magdara nin mga dolot; nakakauyam para sako an insenso. An saimong mga pyesta: an bagong Bulan, an Sabbath, asin an banal mong mga pagtiripon— gabos iyan nadigtaan kan saimong mga kasalan.

Isaias 58:13

An Kagurangnan nagsasabi, “Kun galangan nindo an Sabbath bilang sagradong aldaw, asin dai kamo maggibo kan saindong nawiwilihan sa aldaw na iyan; kun pahalagahan nindo an sakong banal na aldaw asin galangan nindo iyan sa paagi kan dai pagbyahe, pagtrabaho, o pagtaram nin mga mayong kahulogan,

Oseas 12:7

Nagsasabi an Kagurangnan, “Bakong onesto an banwaan nin Israel arog kan mga taga Canaan; nandadaya sinda huli sa paggamit nin may dayang timbangan.

Oseas 12:8

Minasabi sinda, ‘Mayaman na kami. Dakulang halaga na an samong natipon asin mayong makakapagsabi na nagyaman kami huli sa pandadaya.’

Levitico 19:36

Gamiton nindo an tamang sukol, tamang timbang asin tamang bilang. Ako an Kagurangnan na saindong Dios na nagluwas saindo hale sa Egipto.

Zacarias 5:6

Naghapot ako, “Ano iyan?” “Sarong basket, asin simbolo iyan kan makuring kasalan kan bilog na daga,” an simbag niya.

Zacarias 5:8

Nagsabi an anghel, “An babaeng iyan iyo an simbolo kan karatan.” Dangan isinulnok niya sa laog kan basket an babae asin sinerahan.

Malakias 1:13

Minasabi kamo, ‘Pagal na kami sa paggibo kan gabos na ini!’ dangan tinatami-tamian nindo ako. Bilang dolot dinadarahan nindo ako nin hinabonan na hayop o sarong hayop na pilay o may helang. Sa paghona nindo, aakoon ko daw saindo an siring na dolot?

Mga Bilang 10:10

Siring man sa aldaw nin kaogmahan, sa itinalaan na mga pyesta asin sa enot na aldaw kan lambang bulan, papatanogon nindo an mga trompeta kun idodolot na nindo an saindong mga tinutong na atang asin an saindong dolot para sa katoninongan. Dangan tatabangan ko kamo. Ako an Kagurangnan na saindong Dios.”

Colosas 2:16

Kaya dai nindo pagtugotan an siisay man na hukoman kamo dapit sa saindong kinakakan o iniinom, o dapit sa mga pyesta, o pagselebrar kan bagong bulan, o kan Sabbath.

1 Samuel 20:5

Nagsimbag si David, “Pyesta kan Gimata nin Bulan sa aga asin dapat kaiba ako kan hade sa pagkakan. Alagad kun itutugot mo, malakaw ako asin matago sa kaomahan sagkod na magbanggi kan ikatolong aldaw.