Amos 8:4 - Marahay na Bareta Biblia

⁴ Dangoga nindo ini, kamo na nagtitimaktimak sa mga daing sukat asin nagpapasakit sa mga dukha kan daga.

Amos 8:4 ပူးပေါင်းရင်းမြစ်များ

1 Mga Hade 22:19

Nagpadagos si Micaias, “Hinanyoga ngunyan an tataramon nin Kagurangnan! Nahiling ko an Kagurangnan na nagtutukaw sa saiyang trono kaiba an saiyang mga anghel na nagtitindog sa too niya asin sa wala.

An Libro ni Job 24:4

Inoolang ninda an mga dukha sa saindang mga deretso; kaya nagtarago gabos an mga mayong sukat.

Salmo 10:7

An saiyang ngoso pano nin maldisyon, kaputikan asin pang-aapi; sa dila niya yaon an karibokan asin karatan.

Salmo 12:5

“Madatong ako,” an sabi nin Kagurangnan, “huli ta an mga dukha nasasakitan, an mga nangangaipo nag-aagrangay. Tatawan ko sinda nin kaligtasan na saindang pinaglalaoman.”

Salmo 14:4

“Dai daw nin pakasabot an mga tampalasan?” an hapot nin Kagurangnan. “Nabubuhay sinda sa panghahabon sa sakong banwaan, asin dai sinda nag-aapod sako.”

Salmo 140:12

Kagurangnan, aram kong tinatabangan mo an mga nasasakitan; asin an mga daing sukat tinatawan mo nin katanosan.

Salmo 56:1

Maherak ka sako, O Dios, huli ta tinitimaktimakan ako kan mga kaiwal; bilog na aldaw ako saindang inaapi.

Mga Talinhaga 30:14

Igwa nin mga tawo na makuring nagbebentahe sa dukha asin sa daing sukat; sa paaging iyan sinda nabubuhay.

Isaias 1:10

Jerusalem, an saimong mga pamayo asin banwaan nakakaarog sa taga Sodoma saka Gomorra. Dangoga an itinataram saimo nin Kagurangnan. Hinanyoga an itinutukdo saimo kan saimong Dios.

Isaias 28:14

Kaya dangoga nindo an tataramon nin Kagurangnan, kamong mga paratuyatuyang namamayo kan banwaan digdi sa Jerusalem.

Jeremias 28:15

Sinabihan ko pa si Ananias, “Paghinanyog, Ananias! Dai ka sinugo nin Kagurangnan alagad pinapatubod mo an mga tawong ini sa sarong kaputikan.

Jeremias 5:21

Pagdangog kamo, lolong saka mangmang na mga tawo na igwang mga mata, alagad dai nakakahiling; na igwang mga talinga, alagad dai nakakadangog.

Ezekiel 22:12

An iba sa sainda nagpapatandan tanganing manggadan. An iba nagpapautang sa kapwa Israelita na igwa nin dakulang tubo. Nalingawan na ninda ako.” An Kagurangnan Dios an nagtaram.

Ezekiel 45:10

“Maggamit kamo nin mga timbangan saka mga sukol na mayo nin daya:

Amos 5:11

Inapi nindo an mga dukha saka hinabonan kan saindang kakanon, kaya dai kamo mag-eerok sa pinatindog nindong magayon na mga harong na gibo sa gapo, ni mag-iinom kan arak hale sa magagayon nindong ubasan.

Amos 5:12

Huli ta aram ko an kadakul nindong kasombikalan asin kun gurano kadakula an saindong mga kasalan. Pinapasakitan nindo an mga matanos, minaako kamo nin suhol, saka dai nindo itinatao an deretso kan mga dukha.

Amos 7:16

Kaya dangoga ngunyan kun ano an sinasabi nin Kagurangnan. Pinapaontok mo ako sa pagpropesiya, sa pagtaram laban sa banwaan nin Israel.

Mikas 2:2

Kun mawot ninda an kaomahan, inaagaw ninda iyan; kun mga harong an mawot ninda, kinukua ninda iyan. Bako nang ligtas an pamilya o pagsadiri nin sarong tawo.

Mikas 3:3

Kamo an minakakan kan sakong banwaan. Kamo an minaanit sainda, minabari kan saindang mga tolang, dangan minapedaso kaiyan siring sa karne na lulutoon.

Zacarias 5:6

Naghapot ako, “Ano iyan?” “Sarong basket, asin simbolo iyan kan makuring kasalan kan bilog na daga,” an simbag niya.

Mateo 23:13

“Herak man saindo, mga paratukdo kan Katogonan asin mga Fariseo! Mga parasagin-sagin! Sineserahan nindo sa mga tawo an Kahadean nin langit. Kamo mismo dai minalaog asin inoolang pa nindo an boot lumaog! (

Santiago 5:6

Kinondenar nindo saka ginadan an mga tawong mayong sala, asin dai sinda minatumang saindo.