Amos 8:2 - Marahay na Bareta Biblia

² Hinapot ako nin Kagurangnan, “Amos, ano an nahihiling mo?” Nagsimbag ako, “Sarong basket nin prutas.” Tinaraman ako nin Kagurangnan, “Nag-abot na an kataposan kan sakong banwaan na Israel. Dai ko na babagohon an sakong isip dapit sa pagpadusa sa sainda.

Amos 8:2 ပူးပေါင်းရင်းမြစ်များ

Genesis 6:13

Nagtaram an Dios ki Noe, “Nagdesider na akong paraon an katawohan huli ta an daga pano na nin kadahasan huli sainda.

Isaias 28:4

asin an napapara nang kamurawayan kan mga mapaabaw-abaw na lider mawawara siring sa enot na bunga kan higera bago an tig-init, na ginuguno asin kinakakan kun hinog na.

Jeremias 40:10

Mag-eerok ako digdi sa Mizpa tanganing magrepresentar para saindo kun magdigdi an mga taga Babilonia. Pwede kamong magtipon saka magsaray nin arak, mga bunga nin kahoy, saka lana nin oliba. Mag-eerok kamo sa mga baryo na saindong mapili.”

Jeremias 5:31

an mga propeta mayo nin itinataram kundi kaputikan; an mga padi namamayo sosog sa pagboot kan mga propeta, asin inooyonan ini kan sakong banwaan. Alagad ano an saindang gigibohon kun mag-abot na an kataposan?”

Mga Panambitan 4:18

Binantayan kami kan mga kaiwal, kaya dai kami nakalakaw sa samong mga tinampo; bilang na an samong mga aldaw, huli ta uminabot na an samong kataposan.

Ezekiel 12:23

Sabihan mo sinda na ini an tataramon ko, an Kagurangnan Dios: Tataposon ko na an talinhagang ini, asin dai na ini madadangog pa sa Israel. Alagad sabihan mo sinda: Nag-abot na an mga aldaw asin magkakatotoo na an lambang bisyon!

Ezekiel 29:8

Kaya ako, an Kagurangnan Dios, an nagtataram saimo na mapadara ako nin mga tawong may espada sa pagsalakay saimo, asin gagadanon ninda an saimong mga namamanwaan saka mga hayop.

Ezekiel 3:10

Nagtaram pa siya sako, “Aki nin tawo, dangoga asin giromdoma an gabos na itinataram ko saimo.

Ezekiel 3:7

Alagad dai ka dadangogon kan mga Israelita; habo ngani sindang magdangog sako, huli ta mga sutil sinda asin rebelde.

Ezekiel 7:6

Tapos na an gabos. Iyo na ini an kataposan. Tapos ka na.

Ezekiel 8:12

Hinapot ako nin Dios, “Aki nin tawo, nahiling mo an ginigibo sa hilom kan mga kamagurangan nin Israel? Nagsasamba sinda gabos sa laog nin sarong kwarto na pano nin mga ladawan. Huli ta nagsasabi sinda, ‘Dai kita nahihiling nin Kagurangnan! Pinabayaan na niya an daga.’”

Ezekiel 8:17

Sinabihan ako kan Kagurangnan, “Aki nin tawo, nahihiling mo iyan? An mga taga Judang ini dai pa nakokontento kan ginigibo nindang makauuyam na mga bagay na nahihiling mo digdi, asin kan pagpalakop nin kadahasan sa bilog na daga. Kundi digdi pa ninda ginigibo an mga iyan sa laog kan Templo asin orog na pinapaanggot ako. Hilinga an pag-olog-olog ninda sako sa paaging orog na nakakapaanggot sako!

Ezekiel 8:6

Sinabihan ako nin Dios, “Aki nin tawo, nahihiling mo an ginigibo ninda, an makauuyam na mga bagay na ginigibo digdi kan mga Israelita, kun paano ninda ako orog na pinapaharayo sa sakong santwaryo? Alagad makakahiling ka pa nin orog pang makauuyam na mga bagay.”

Oseas 9:7

Nag-abot na an panahon nin pagpadusa, an panahon na maako an mga tawo kan maninigo sainda. Kun mangyari na iyan, maaaraman iyan kan mga Israelita! Nagsasabi kamo, “Lolong an propetang ini. Bua an tawong ini na pinasabongan nin espiritu.” Anggot kamo sako huli ta dakulang marahay an saindong kasalan.

Amos 7:8

Hinapot niya ako, “Amos, ano an nahihiling mo?” Nagsimbag ako, “Sarong plumo.” Dangan nagtaram siya, “Ginagamit ko ining plumo tanganing ipahiling na arog sa kiling na lanob an sakong banwaan. Dai ko na babagohon an sakong isip dapit sa pagpadusa sa sainda.

Amos 8:1

Nagkaigwa pa ako nin sarong bisyon hale sa Kagurangnan Dios. Sa bisyon na iyan nahiling ko an sarong basket na pano nin prutas.

Mikas 7:1

Herak man sa sako! Nakakaagid ako sa sarong gutom na tawong mayong nakukuang bunga sa mga kahoy asin ubas sa mga balagon. Ginuno na an gabos na ubas asin an masisiram na higera.

Zacarias 5:2

Hinapot ako kan anghel kun ano an sakong nahiling. Nagsimbag ako, “Sarong naglalayog na libro; siyam na metros an laba kaiyan asin apat may kabangang metros an lakbang.”