Amos 8:10 - Marahay na Bareta Biblia

¹⁰ An saindong mga pyesta magigin mga aldaw nin kamondoan, asin an saindong magayagayang mga awit magigin mga panambitan. Gigibohon kong mapiritan kamong mag-aris kan saindong payo saka maggubing nin sako. Magigin arog kamo sa mga magurang na nagmomondo huli sa pagkagadan kan solo nindang aking lalaki. Magigin mapait sagkod sa kataposan an aldaw na iyan.

Amos 8:10 ပူးပေါင်းရင်းမြစ်များ

Genesis 21:16

dangan tuminukaw sa sarong lugar na may sanggatos metros an rayo. Nagsaboot siya, “Dai ko kayang hilingon an pagkagadan kan sakong aki.” Mantang nagtutukaw siya duman, nagpoon siyang maghibi.

An Libro ni Job 20:23

Pakakana siya kan gabos niyang mawoton! Papadusahan siya nin Dios sa saiyang kaanggotan saka kadagitan.

An Libro ni Job 3:5

Giboha idtong magin sarong aldaw nin kamondoan saka mahibog na kadikloman; tahobi idto nin mga panganoron, asin paraa an aldaw.

An Libro ni Job 30:31

Kun kaidto nadadangog ko an maoogmang musika, ngunyan, pagmomondo asin pagtatangis an nadadangog ko na sana.

Isaias 3:24

Alagad embes na mamarong nin pahamot, magigin mabata sinda; embes na sarong paha, lubid an gagamiton ninda; embes na marahay na pakasukray na buhok, payo na mayong buhok; embes na sarong magayon na gubing, trapo an igugubing ninda; embes na kagayonan, kasosopgan!

Jeremias 2:19

An saimong karatan iyo an mapadusa saimo dangan an pagtalikod mo sako iyo an makondenar saimo. Maaraman mo kun gurano kapait asin karaot an pagtalikod sako, an Kagurangnan na saimong Dios, pati an dai mo pagdanay na maimbod sako. Ako, an Kagurangnan, an Dios nin mga hukbo, an nagtaram.”

Jeremias 48:37

Inaris ninda an saindang buhok saka inahit an saindang barabas. Linugad ninda an saindang mga kamot saka nagsulot nin sako.

Jeremias 6:26

Tinataraman nin Kagurangnan an saiyang banwaan, “Magsulot kamo nin sako saka magligid kamo sa abo. Magtangis kamo na pano nin kapaitan, arog kan pagtangis para sa bugtong na aking lalaki, huli ta madali nang mag-abot saindo an paragadan.

Mga Panambitan 5:15

Naontok na an kaogmahan kan samong mga puso; an samong mga pagsayaw nagi nang mga pagmondo.

Ezekiel 7:18

Magubing sinda nin sako, asin matatakot nin labi-labi. Aarisan ninda an saindang payo asin masosopog sinda gabos.

Ezekiel 7:2

“Aki nin tawo, iyo ini an tataramon ko, an Kagurangnan Dios, para sa daga nin Israel: Iyo na ini an kataposan para sa bilog na daga!

Oseas 2:11

Tataposon ko na an saiyang kaogmahan—an saiyang taon-taon saka bulan-bulan na mga pyesta asin an saiyang mga Sabbath—an gabos niyang itinalaan na mga pyesta.

Oseas 2:13

Papadusahan ko siya huli kan mga panahon na liningawan niya ako, kan magsulo siya nin insenso ki Baal asin kan isulot niya an saiyang mga alahas tanganing lamagon an mga namomoot saiya. An Kagurangnan an nagtaram.

Joel 1:8

Pagtangis kamo, arog sa sarong daraga na ipinagmomondo an kagadanan kan lalaking saiyang magigin agom.

Levitico 13:40

Kun an sarong lalaki mawaraan nin buhok sa saiyang payo o sa saiyang angog, kalbo siya o angas, alagad malinig.

Amos 5:21

An Kagurangnan nagtataram, “Naoongisan ko an saindong mga pyesta; dai ko nawiwilihan an saindong mga banal na pagtiripon.

Amos 5:23

Ontoka nindo an maribok nindong mga awit; habo akong magdangog kan tanog kan saindong mga arpa.

Amos 8:3

Sa aldaw na iyan, an mga awit sa laog kan palasyo magigin agrangay nin kamondoan. Magkakaigwa nin mga bangkay sa gabos na lugar; itatapok sinda sa luwas na mayo sana nin ribok.”

Nahum 1:10

Arog sa nagkagurumos na mga tonok asin alang na dagami matututong kamo!

Zacarias 12:10

“An mga kapagarakian ni David asin an mga nag-eerok sa Jerusalem tatawan ko kan espiritu nin pagkaherak saka kan pagpamibi, tanganing paghiling ninda sa tawong saindang binuno, matangis sinda arog kan mga nagtatangis para sa bugtong na aki. Magtatangis sinda nin mapait arog kan nagadanan kan saindang matuang aking lalaki.

Deuteronomio 16:14

Mag-ogma kamo kaiba an saindong mga aki saka mga oripon, kaiba an mga Levita, mga dayuhan, mga ilo, asin mga babaeng balo na nag-eerok sa saindong mga banwa.