Amos 7:9 - Marahay na Bareta Biblia

⁹ Mararaot an mga lugar na pinagsasambahan kan kapagarakian ni Isaac. Magkakagaraba an mga banal na lugar nin Israel. Tataposon ko an paghahade kan lahi ni Hadeng Jeroboam.”

Amos 7:9 ပူးပေါင်းရင်းမြစ်များ

Genesis 46:1

Kaya dara an gabos niyang pagsadiri, nagduman sa Beer-sheba si Jacob asin nagdolot nin mga atang sa Dios nin saiyang ama na si Isaac.

2 Mga Hade 14:24

Ginibo niya an maraot sa atubangan kan Kagurangnan huli ta sinunod niya an maraot na paarog ni Hadeng Jeroboam na aking lalaki ni Nebat, na nagpakasala sa Israel.

Isaias 63:18

Kami, an saimong banal na banwaan, pinalayas sa kadikit na panahon kan samong mga kaiwal; tinimaktimakan ninda an saimong santwaryo.

Jeremias 51:51

Nagsasabi kamo, ‘Napasopog kami huli ta nakadangog kami nin pagtuyatuya; namatean mi an pagkawara kan samong onra huli ta nagdatong an mga dayuhan saka naglaog sinda sa mga banal na lugar sa Templo.

Ezekiel 6:3

Sabihan mo an kabukidan nin Israel na magdangog sa tataramon kan Kagurangnan Dios—na magdangog sa tataramon ko, an Kagurangnan Dios, sa kabukidan asin kabubuldan, sa mga ampas saka mga kapantayan: Mapadara ako nin espada tanganing raoton an mga lugar na pinagsasambahan kan mga tawo nin mga dios-dios.

Oseas 10:8

Magkakagaraba an mga lugar na pagsasambahan sa kabubuldan nin Aven, saen nagsasamba nin mga dios-dios an banwaan nin Israel. Matalubo sa mga altar ninda an mga tonok saka doot. Maapod an mga tawo sa mga bukid, “Tagoa kami!” asin sa mga bulod, “Tahobi kami!”

Amos 3:14

“Sa aldaw na padusahan ko an banwaan nin Israel huli kan saindang mga kasalan, raraoton ko an mga altar sa Betel. Mapapasa an mga kanto kan gabos na altar asin mahuhulog sa daga.

Amos 5:5

Dai kamo magduman sa Beer-sheba sa pagsamba. Dai nindo ako paghanapon sa Betel, huli ta an Betel mawawaraan nin halaga. Dai kamo magduman sa Gilgal huli ta itatapok an saiyang mga namamanwaan.”

Amos 7:11

Ini an saiyang sinasabi, ‘Magagadan sa gera si Jeroboam, asin an banwaan nin Israel itatapok harayo sa saindang daga.’”

Amos 7:13

Dai ka na nanggad magpropesiya digdi sa Betel. Iyo ini an lugar na pinagsasambahan kan hade, an templo kan bilog na kahadean.”

Amos 8:14

An mga tawong nagsusumpa huli sa ngaran kan mga dios-dios nin Samaria, na nagsasabing, ‘Huli sa ngaran kan dios nin Dan,’ o, ‘Huli sa ngaran kan dios nin Beer-sheba’—matutumba asin dai na makakabangon giraray.”

Amos 9:1

Nahiling ko an Kagurangnan na nagtitindog sa kataed kan altar. Nagboot siya, “Badoli nin makosog an poro kan mga harigi kan templo sagkod na mayugyog an pundasyon. Pasaa an mga iyan dangan pabayae na mahulog sa mga payo kan mga tawo. An mga matadang buhay, gagadanon ko sa gera. Mayo nin makakadulag; mayo nin makakaligtas.

Mikas 1:5

Mangyayari an gabos na ini huli ta nagkasala sa Dios an Israel. Siisay an dapat basolon sa pagrebelde nin Israel? Mayong iba kundi an Samaria, an pangenot na syudad! Siisay sa Juda an nagkasala nin pagsamba sa mga dios-dios? Mayong iba kundi an Jerusalem!