Amos 7:8 - Marahay na Bareta Biblia

⁸ Hinapot niya ako, “Amos, ano an nahihiling mo?” Nagsimbag ako, “Sarong plumo.” Dangan nagtaram siya, “Ginagamit ko ining plumo tanganing ipahiling na arog sa kiling na lanob an sakong banwaan. Dai ko na babagohon an sakong isip dapit sa pagpadusa sa sainda.

Amos 7:8 ပူးပေါင်းရင်းမြစ်များ

2 Mga Hade 21:13

Papadusahan ko an Jerusalem arog kan ginibo ko sa Samaria, arog kan ginibo ko ki Hadeng Ahab nin Israel sagkod an saiyang kapagarakian. Lilinigan ko an Jerusalem arog kan paglinig kan plato bago patiolobon.

Isaias 28:17

An hustisya iyo an magigin metros na pansukol kan pundasyon, asin an katanosan iyo an magigin plumo.” An uran nin yelo iyo an maanod kan gabos na kaputikan na sinasarigan nindo, asin raraoton kan baha an saindong pinagtatagoan.

Isaias 34:11

An mga kuwaw saka mga uwak iyo na an mag-eerok sa daga. Gigibohon iyan nin Kagurangnan na magin sarong lugar na mayo nin nagtatalubo na anoman, arog kaido bago an paglalang.

Jeremias 15:6

Isinikwal nindo ako; nagtalikod kamo sako. Kaya ibinikyaw ko an sakong kamot saka rinonot ko kamo huli ta dai ko na mapugolan an kaanggotan ko.

Mga Panambitan 2:8

Kabotan nin Kagurangnan na marumpag an mga kudal nin Sion; sinukol niya iyan tanganing maraot nanggad an gabos. An mga tore saka an mga kudal gabos rumpag na ngunyan.

Oseas 1:6

Nagbados giraray si Gomer dangan nangaki nin sarong babae. Sinabihan nin Kagurangnan si Oseas, “Ngaranan mo siyang ‘Dai Namotan,’ huli ta dai na ako mamomoot sa mga Israelita asin dai ko na sinda papatawadon.

Amos 7:7

Nagkaigwa pa ako nin sarong bisyon hale sa Kagurangnan. Sa bisyon na iyan, nahiling ko siyang nagtitindog sa kataed nin sarong lanob na ginamitan nin plumo asin may kapot siyang sarong plumo.

Amos 8:2

Hinapot ako nin Kagurangnan, “Amos, ano an nahihiling mo?” Nagsimbag ako, “Sarong basket nin prutas.” Tinaraman ako nin Kagurangnan, “Nag-abot na an kataposan kan sakong banwaan na Israel. Dai ko na babagohon an sakong isip dapit sa pagpadusa sa sainda.

Mikas 7:18

Mayo nin ibang dios na arog saimo, Kagurangnan; pinapatawad mo an kasalan kan mga natada sa saimong banwaan. Dai ka naanggot sagkod pa man, kundi nawiwili ka sa pagpahiling sa samo kan saimong danay na pagkamoot.

Zacarias 4:2

Hinapot niya ako, “Ano an nahihiling mo?” Nagsimbag ako, “Sarong bulawan na kandelero na igwang mangko para sa lana sa parteng ibabaw. Igwa man nin pitong ilawan an kandelero, na an lambang saro igwang pitong bugtakan nin mitsa.

Zacarias 5:2

Hinapot ako kan anghel kun ano an sakong nahiling. Nagsimbag ako, “Sarong naglalayog na libro; siyam na metros an laba kaiyan asin apat may kabangang metros an lakbang.”