Amos 7:7 - Marahay na Bareta Biblia

⁷ Nagkaigwa pa ako nin sarong bisyon hale sa Kagurangnan. Sa bisyon na iyan, nahiling ko siyang nagtitindog sa kataed nin sarong lanob na ginamitan nin plumo asin may kapot siyang sarong plumo.

Amos 7:7 ပူးပေါင်းရင်းမြစ်များ

Genesis 28:13

Nahiling man niyang nagtitindog an Kagurangnan sa kataed niya asin nagtaram, “Ako an Kagurangnan, an Dios ni Abraham asin ni Isaac. Itatao ko saimo asin sa mga kapagarakian mo ining daga na nahihigdaan mo.

2 Samuel 8:2

Dinaog man niya an mga Moabita; pinahigda niya an mga ini sa daga asin ginadan an duwa sa lambang tolo sa sainda. Kaya an mga Moabita nagin mga sorogoon ni David asin nagbayad sinda saiya nin buhis.

2 Mga Hade 21:13

Papadusahan ko an Jerusalem arog kan ginibo ko sa Samaria, arog kan ginibo ko ki Hadeng Ahab nin Israel sagkod an saiyang kapagarakian. Lilinigan ko an Jerusalem arog kan paglinig kan plato bago patiolobon.

Isaias 28:17

An hustisya iyo an magigin metros na pansukol kan pundasyon, asin an katanosan iyo an magigin plumo.” An uran nin yelo iyo an maanod kan gabos na kaputikan na sinasarigan nindo, asin raraoton kan baha an saindong pinagtatagoan.

Isaias 34:11

An mga kuwaw saka mga uwak iyo na an mag-eerok sa daga. Gigibohon iyan nin Kagurangnan na magin sarong lugar na mayo nin nagtatalubo na anoman, arog kaido bago an paglalang.

Mga Panambitan 2:8

Kabotan nin Kagurangnan na marumpag an mga kudal nin Sion; sinukol niya iyan tanganing maraot nanggad an gabos. An mga tore saka an mga kudal gabos rumpag na ngunyan.

Ezekiel 40:3

Irinani niya ako duman asin nahiling ko an sarong lalaki na nagkikintab arog sa bronse. Kapot niya an sarong lubid na lino saka sarong pansukol na bariw asin nakatindog siya sa may trangkahan.

Amos 7:6

Nagbago nin isip an Kagurangnan asin nagsabi, “Dai man iyan mangyayari.”

Amos 7:8

Hinapot niya ako, “Amos, ano an nahihiling mo?” Nagsimbag ako, “Sarong plumo.” Dangan nagtaram siya, “Ginagamit ko ining plumo tanganing ipahiling na arog sa kiling na lanob an sakong banwaan. Dai ko na babagohon an sakong isip dapit sa pagpadusa sa sainda.

Kapahayagan 11:1

Dangan tinawan ako nin pansukol na garo sugkod, saka sinabihan ako, “Tindog asin sukolon mo an templo nin Dios saka an altar. Pakatapos, bilangon mo an mga nagsasamba sa laog kan templo.

Kapahayagan 21:15

An anghel na nagtaram sako may darang pansukol na bulawan na gagamiton sa pagsukol kan syudad, kan mga trangkahan saka kan mga kudal kaiyan.