Amos 7:4 - Marahay na Bareta Biblia

⁴ Nagkaigwa pa ako nin sarong bisyon hale sa Kagurangnan Dios. Sa bisyon na iyan nahiling kong nag-aandam siya sa pagpadusa kan saiyang banwaan sa paagi nin kalayo. An dakulang dagat sa irarom kan daga nagmara huli sa init kan kalayo asin nasulo na an daga.

Amos 7:4 ပူးပေါင်းရင်းမြစ်များ

Isaias 27:4

Dai na ako naaanggot sa ubasan. Kun igwa pa sana nin mga tonok saka mga binit na sakong lalabanan, sinulo ko na an mga iyan.

Jeremias 4:4

Otoba an tipan nindo sako, an saindong Kagurangnan, asin italaga nindo an saindong buhay sa paglingkod sako. Kun dai nindo gibohon iyan, an kaanggotan ko maglalaad siring sa kalayo huli kan mga maraot na bagay na saindong ginibo. Maglalaad iyan, asin mayo nin siisay man na makakasigbo kaiyan.”

Ezekiel 21:3

na ako, an Kagurangnan, an nagtataram: Kalaban nindo ako. Huhugkoton ko an sakong espada asin gagadanon ko kamo gabos, matanos man o maraot.

Joel 1:19

Ako minaagrangay sa saimo Kagurangnan, huli ta nagkakaaralang an mga kahoy saka mga pasabsaban, na garo man sana sinurulo.

Joel 2:30

“Matao ako nin mga patanid dapit sa aldaw na iyan sa kalangitan asin sa daga: dugo, kalayo saka mahibog na aso.

Levitico 10:2

Kaya biglang nagpadara nin kalayo an Kagurangnan asin sinulo sindang duwa sagkod na magadan.

Amos 1:4

Kaya papadarahan ko nin kalayo an palasyo na pinatindog ni Hadeng Hazael asin susuloon ko an mga bantayan ni Hadeng Ben-hadad.

Amos 1:7

Kaya papadarahan ko nin kalayo an mga kudal kan syudad nin Gaza asin susuloon ko an mga bantayan kaiyan.

Amos 2:5

Kaya papadarahan ko nin kalayo an Juda asin susuloon ko an mga bantayan kan Jerusalem.”

Amos 4:11

“Tinunaw ko an iba sa saindo arog kan ginibo kong pagtunaw sa Sodoma saka sa Gomorra. An mga natada sa saindo nakaarog sa naglalaad na sanga na kinua sa kalayo, alagad dai man giraray kamo nagbalik sa sako,” an sabi nin Kagurangnan.

Amos 5:6

Magdolok kamo sa Kagurangnan, asin mabubuhay kamo. Kun dai kamo magdolok saiya, maabot siya sa banwaan nin Israel siring sa kalayo. Susuloon kan kalayong iyan an mga taga Betel, asin mayo nin siisay man na makakasigbo kaiyan.

Amos 7:1

Nagkaigwa ako nin sarong bisyon na hale sa Kagurangnan Dios. Sa bisyon na iyan nahiling ko siyang naglalalang nin kadakul na doron kan naputol na an mga dagaming kahirasan kan hade, asin kan nagpopoon nang magtalubo an doot.

Amos 7:7

Nagkaigwa pa ako nin sarong bisyon hale sa Kagurangnan. Sa bisyon na iyan, nahiling ko siyang nagtitindog sa kataed nin sarong lanob na ginamitan nin plumo asin may kapot siyang sarong plumo.

Mikas 1:4

Matutunaw an kabukidan sa irarom niya arog kan taro sa kalayo; maburulos sinda pasiring sa mga kapantayan siring sa tubig na nagbubulos hale sa bulod.

Nahum 1:6

Siisay an mabubuhay kun siya naaanggot? Siisay an makakatagal sa labi-labi niyang kaanggotan? Saiyang inuula an nagkakalayo niyang kaanggotan; naroronot an mga gapo sa saiyang atubang.

Mga Bilang 16:35

Dangan nagpadara an Kagurangnan nin kalayo asin sinulo an dos syentos singkwentang lalaki na nagdolot nin insenso.

Deuteronomio 32:22

Siring sa kalayo, malaad an kaanggotan ko, na matutong kan gabos na yaon sa daga, sagkod sa kairaroman kan Sheol; matutong minsan kan mga gamot nin kabukidan.

Hebreyo 1:7

Uya an sabi nin Dios dapit sa mga anghel, “Ginibo niyang doros an saiyang mga anghel; ginigibo niyang laad nin kalayo an saiyang mga sorogoon.”

Kapahayagan 4:1

Pakatapos kaini, ibang bisyon naman an nahiling ko. Nahiling ko an sarong bukas na pintoan sa langit. Nadangog ko giraray an tingog na garo trompeta na nagtaram sako kan enot. Ini an sabi, “Sumakat ka digdi ta ipapahiling ko saimo an mga mangyayari pakatapos kaini.”