Amos 7:14 - Marahay na Bareta Biblia

¹⁴ Nagsimbag si Amos, “Bako ako an propeta na nagpopropesiya huli sa bayad. Saro akong pastor nin mga hayop, asin nag-aataman ako nin mga kahoy na higera.

Amos 7:14 ပူးပေါင်းရင်းမြစ်များ

1 Mga Hade 19:19

Naghale si Elias asin nakua niya si Eliseo na nag-aarado; igwa nin onseng pades na torong baka sa enotan niya, asin yaon siya sa ikadoseng pades. Hinuba ni Elias an saiyang alikboy asin inalikboy ki Eliseo.

1 Mga Hade 20:35

Sa pagboot nin Kagurangnan, saro sa mga kaayon sa grupo nin mga propeta an nagsugo sa sarong kapwa propeta na suntokon siya. Alagad nagsayuma an sinugo,

2 Mga Hade 2:15

Kan mahiling ini kan mga propetang taga Jerico, nagsabi sinda, “An kapangyarihan ni Elias yaon na ki Eliseo!” Nagdolok sinda sa pagsabat ki Eliseo asin nagdarapa sa saiyang atubang.

2 Mga Hade 2:3

Sarong grupo nin mga propeta na nag-eerok duman an nagdolok ki Eliseo saka naghapot, “Aram mo daw na an saimong kagurangnan kukuahon na nin Kagurangnan ngunyan na aldaw?” “Iyo, aram ko,” an simbag ni Eliseo. “Alagad mag-alo sana kamo.”

2 Mga Hade 2:5

Sarong grupo nin mga propeta na nag-eerok duman an nagdolok ki Eliseo saka naghapot, “Aram mo daw na an saimong kagurangnan kukuahon na nin Kagurangnan ngunyan na aldaw?” “Iyo, aram ko,” an simbag ni Eliseo, “Alagad mag-alo sana kamo.”

2 Mga Hade 2:7

asin singkwenta kan mga propeta an nagsunod sainda pasiring sa Jordan. Nag-ontok si Elias saka si Eliseo sa tampi kan salog, asin nagtindog sa horoharayo an singkwentang propeta.

2 Mga Hade 4:38

Kan magkaigwa kaidto nin makuring gutom sa Gilgal, nagbalik duman si Eliseo. Mantang tinutukdoan niya an sarong grupo nin mga propeta, nagsabi siya sa saiyang sorogoon, “Isapna mo an dakulang koron asin iluto mo nin kakanon an mga propetang ini.”

2 Mga Hade 6:1

Sarong aldaw, nagsabi ki Eliseo an sarong grupo nin mga propeta, “Sadit nang marahay an lugar na pinag-eerokan nyato!

2 Mga Cronica 16:7

Kan panahon na iyan, nagdalaw an propetang si Hanani ki Asa na hade nin Juda, dangan nagsabi, “Huli ta nagsarig ka sa hade nin Siria asin bakong sa Kagurangnan na saimong Dios, nakadulag saimo an hukbo kan hade nin Siria.

2 Mga Cronica 19:2

Alagad sarong propeta, si Jehu na aking lalaki ni Hanani, an nagsabat sa hade asin nagsabi, “Kaipuhan daw na tabangan mo an mga tampalasan asin apilan an mga naoongis sa Kagurangnan? Huli kan ginibo mong ini, maabot saimo an kaanggotan nin Kagurangnan.

2 Mga Cronica 20:34

An iba pang ginibo ni Jehosafat, poon sa kapinonan sagkod sa kataposan, gabos nasusurat sa An Kasaysayan ni Jehu na Aking Lalaki ni Hanani, na kabtang kan An Kasaysayan kan mga Hade nin Israel.

An Libro ni Job 30:4

Binubulnot ninda an mga tanom sa kalangtadan dangan saindang kinakakan, maski an mayong namit na gamot nin sarong kahoy!

Amos 1:1

Iyo ini an mga tataramon ni Amos, an pastor hale sa banwa nin Tekoa. Duwang taon bago an paglinog, kan si Uzzias iyo pa an hade nin Juda asin si Jeroboam na aking lalaki ni Jehoas iyo man an hade nin Israel, ipinahayag nin Dios ki Amos an mga bagay na ini manongod sa Israel.

Amos 3:8

Siisay an dai natatakot kun minaungal an sarong leon? Siisay an dai minapahayag kan mensahe kan Kagurangnan Dios kun siya nagtataram?

Zacarias 13:5

Embes kaiyan, mataram siyang, ‘Bako akong propeta. Saro akong paraoma magpoon pa sa sakong pagkaniaki.’

1 Corinto 1:27

Alagad tuyong pinili nin Dios an mga tawong mangmang sa kinaban tanganing mapasopog an mga madonong. Pinili niya an mga tawong maluya sa kinaban tanganing mapasopog an mga makosog.

1 Samuel 10:11

Kan mahiling siya kan mga nakakamidbid saiya, naghinarapotan sinda, “Ano an nangyayari sa aki ni Kis? Ano siya, propeta na man?”