Amos 7:12 - Marahay na Bareta Biblia

¹² Pakatapos, sinabihan ni Amazias si Amos, “Omontok ka na, propeta! Magbalik ka sa Juda asin duman ka magpabayad sa saimong paghuhulit.

Amos 7:12 ပူးပေါင်းရင်းမြစ်များ

2 Mga Cronica 16:10

Naanggot si Asa sa propeta asin ini saiyang ipinabilanggo. Kan panahon man na ini nagpoon na magin makuri si Asa sa nagkapira niyang mga tawohan.

Isaias 30:10

An mga propeta sinasabihan ninda na mag-alo. An sabi ninda, “Dai nindo pagsambiton samo an tama. An boot mi sanang madangog an itaram nindo. Pabayae kami nindo sa samong mga kaisipan.

Isaias 56:11

Arog sinda sa sablok na mga ayam na dai nagkakabarasog. Mayo nin pakasabot an mga lider na ini. Ginigibo kan lambang saro sainda an saiyang nawiwilihan asin hinahanap sana an saiyang karahayan.

Ezekiel 13:19

Linalanghad nindo ako sa atubang nin sakong banwaan tanganing magkaigwa sana kamo nin sarong hakbot nin sebada asin dikit na tinapay. Ginagadan nindo an mga tawong dai man dapat gadanon, asin tinutugotan nindong mabuhay an mga tawong dai dapat mabuhay. Nagpuputik kamo sa sakuyang banwaan, asin tinutubod ninda kamo.”

Amos 2:12

Alagad pinainom nindo nin arak an mga Nazireo, asin pinagbotan nindong dai magtaram kan sakong mensahe an mga propeta.

Amos 7:11

Ini an saiyang sinasabi, ‘Magagadan sa gera si Jeroboam, asin an banwaan nin Israel itatapok harayo sa saindang daga.’”

Malakias 1:10

Nagsasabi an Kagurangnan nin mga hukbo, “Mawot kong saro sa saindo an magsera kan pintoan kan Templo tanganing dai na kamo mag-amak kan mga mayo nin halagang kalayo sa sakong altar. Dai ko kamo nawiwilihan; dai ko aakoon an mga dolot na dara nindo sako.

Mateo 8:34

Kaya sinabat si Jesus kan gabos na tawo sa banwaan na idto. Nakimaherak sinda na maghale siya sa saindang teritoryo.

Lukas 13:31

Kan aldaw man sanang idto, nag-abot an nagkapirang Fariseo asin nagsabi ki Jesus, “Maghale ka digdi, huli ta boot kang gadanon ni Herodes.”

Mga Gibo 16:39

Kaya nagduman sinda saka naghagad nin tawad ki Pablo asin ki Silas. Pinaluwas ninda an duwa dangan pinakiolayan na humale na sa syudad.

Roma 16:18

An mga siring na tawo bakong sa satong Kagurangnan naglilingkod, kundi nagpaparaisip sana kan saindang tulak. Dinadaya ninda an mga tawong inosente, sa paagi kan saindang magayon asin marahay pagdangogon na mga tataramon.

1 Corinto 2:14

An tawong mayo kan Espiritu nin Dios dai makakaako kan mga balaog kan Espiritu nin Dios, huli ta para saiya, kalolongan iyan. Dai siya makakasabot kan mga balaog na iyan, huli ta masasabotan sana iyan sa paagi kan Espiritu.

1 Pedro 5:2

Atamana nindo an ariponpon kan mga paratubod nin Dios na ipinaniwala saindo, bakong huli ta pinirit kamo, kundi huli ta iyan kagustohan nindo sosog sa kabotan nin Dios. Giboha nindo an saindong katongdan bakong huli ta binabayadan kamo, kundi huli ta talagang boot nindong maglingkod;

1 Samuel 2:36

An siisay man sa saimong kapagarakian na dai magadan, madolok sa pading iyan asin mahagad nin kwarta saka pagkakan, patin makikimaherak na tugotan na makatabang sa mga padi, tanganing igwa sanang makakan.”

1 Samuel 9:9

“Marahay na kaisipan,” an simbag ni Saul. “Magduman na kita.” Kaya nagduman sinda sa banwa na pinag-erokan kan banal na lalaki. Mantang nagtutukad sinda sa bulod palaog sa banwa, nasabat ninda an nagkapirang babae na nagruluwas tanganing magharok nin tubig. Hinapot ninda an mga babae, “Yaon daw an parahula?” (Sa Israel kaidto, an sarong propeta inapod na parahula, kaya kun an sarong tawo boot maghapot sa Dios, minasabi siya, “Magduman kita sa parahula.”)