Amos 7:10 - Marahay na Bareta Biblia

¹⁰ Dangan nagpatogon si Amazias, an padi nin Betel, ki Hadeng Jeroboam: “Igwa nin pinaplano laban saimo si Amos sa tahaw kan banwaan. An mga pahayag niya iyo an maraot kan daga.

Amos 7:10 ပူးပေါင်းရင်းမြစ်များ

Genesis 37:8

Nagsabi sinda saiya, “Sa paghona mo, ika an magigin hade asin kagsakop nyamo?” Kaya orog na naongis sa saiya an saiyang mga tugang huli kan saiyang mga pangatorogan asin mga pinagsasabi.

1 Mga Hade 13:33

Dai man giraray nagbakle si Hadeng Jeroboam nin Israel sa saiyang maraot na mga gibo. Nagpadagos siya sa pagpili nin mga padi na gikan sa ordinaryong mga pamilya tanganing maglingkod sa mga altar na saiyang itinugdok. Kinonsagra niya bilang padi an siisay man na boot magin padi.

1 Mga Hade 18:17

Pakahiling ni Ahab ki Elias, nagsabi siya, “Uya ka palan—an pinakamaraot na paraparibok sa Israel?”

Jeremias 18:18

Dangan nagsabi an mga tawo, “Magplano kita laban ki Jeremias. Danay na magkakaigwa nin mga padi na magtutukdo sato, mga madonong na maghuhulit sato, asin mga propeta na magpapahayag kan mensahe nin Dios. Idemanda ta siya asin dai na kita magdangog kan mga sinasabi niya.”

Jeremias 36:16

Pakabasa niya, takot na naghirilingan sinda asin nagsabi ki Baruc, “Kaipuhan ibareta nyamo ini sa hade.”

Jeremias 38:4

Dangan nagduman sa hade an mga opisyal saka nagsabi, “Kaipuhan ipagadan an tawong ini. Pinapaluya niya an boot kan mga soldados asin kan mga tawo na natada sa syudad huli kan mga itinataram niya. Dai siya naghihingowa na tabangan an mga tawo; an boot sana niya iyo na mapahamak sinda.”

Amos 1:1

Iyo ini an mga tataramon ni Amos, an pastor hale sa banwa nin Tekoa. Duwang taon bago an paglinog, kan si Uzzias iyo pa an hade nin Juda asin si Jeroboam na aking lalaki ni Jehoas iyo man an hade nin Israel, ipinahayag nin Dios ki Amos an mga bagay na ini manongod sa Israel.

Amos 3:14

“Sa aldaw na padusahan ko an banwaan nin Israel huli kan saindang mga kasalan, raraoton ko an mga altar sa Betel. Mapapasa an mga kanto kan gabos na altar asin mahuhulog sa daga.

Amos 5:10

Banwaan nin Israel, naoongis kamo sa kiisay man na dai minaoyon sa inhustisya asin minatuga kan bilog na katotoohan.

Amos 5:5

Dai kamo magduman sa Beer-sheba sa pagsamba. Dai nindo ako paghanapon sa Betel, huli ta an Betel mawawaraan nin halaga. Dai kamo magduman sa Gilgal huli ta itatapok an saiyang mga namamanwaan.”

Amos 7:11

Ini an saiyang sinasabi, ‘Magagadan sa gera si Jeroboam, asin an banwaan nin Israel itatapok harayo sa saindang daga.’”

Mateo 21:23

Nagbalik si Jesus sa Templo, asin mantang nagtutukdo siya, nagdolok an mga poon na padi asin an mga kamagurangan kan mga tawo dangan naghapot saiya, “Ano an kapangyarihan mo sa paggibo kan mga bagay na ini? Siisay an nagtao saimo kan kapangyarihan na iyan?”

Lukas 23:2

Duman isinumbong siya ninda, “Nadakop mi an tawong ini na sinosotsotan an mga tawo na magrebelde, asin nagpapangalad kan pagbayad nin buhis ki Cesar saka nagsabi na siya mismo an Cristo na sarong hade.”

Mga Gibo 24:5

Naaraman mi na an tawong ini ginigikanan nin ribok. Pinaparibok niya an mga Judio saen man na lugar. Lider siya kan grupo nin mga Nazareno.

Mga Gibo 5:28

“Pinagbotan mi na kamo na dai magtukdo sa ngaran ni Jesus, alagad hilinga kun ano an saindong ginibo! Pinalakop nindo an saindong katukdoan sa bilog na Jerusalem asin boot nindong basolon kami kan saiyang pagkagadan!”

Mga Gibo 7:54

Kan madangog ini kan mga kaayon kan Konseho, naongis sinda asin nagragot an saindang mga ngipon sa kaanggotan ki Esteban.