Amos 6:8 - Marahay na Bareta Biblia

⁸ Itinao na nin Kagurangnan, an Dios nin mga hukbo, an patanid na ini: “Ikinakaongis ko an kapalangkawan kan banwaan nin Israel; ikinakauyam ko an magagayon nindang mga harong. An saindang pangenot na syudad saka an gabos na yaon diyan itatao ko sa kaiwal.”

Amos 6:8 ပူးပေါင်းရင်းမြစ်များ

Genesis 22:16

asin nagsabi, “Minasumpa ako, sa ngaran ko,” olay nin Kagurangnan, “na bebendisyonan taka huli ta dai mo isinayuma an saimong aking lalaki, an bugtong mong aki, kan hagadon ko siya saimo.

Salmo 106:40

Kaya naglaad an kaanggotan nin Dios sa saiyang banwaan; asin nabaldi sa saiyang pamana.

Salmo 47:4

An satong pamana pinili niya para sato, an orgulyo ni Jacob na saiyang namomotan.

Salmo 50:12

“Kun ako nagugutom, dai ako mataram saimo, huli ta an daga asin an gabos na yaon diyan sadiri ko.

Salmo 78:59

Naanggot an Dios kan mahiling iyan, kaya isinikwal niya an saiyang banwaan.

Mga Talinhaga 8:13

An pagkatakot sa Kagurangnan iyo an pagkaongis sa karatan; ikinakaongis ko an kapalangkawan asin an kapaabaw-abawan, an mga karatan saka an mga bikong tataramon.

Isaias 28:1

Herak man sa kahadean nin Israel! Nawawara na an saiyang kamurawayan siring sa korona nin burak sa payo kan burat niyang mga lider. Mahahamot an mga payo kan saiyang mga burat na lider, alagad naghihirigda na sinda na mayo nin pakaisi sa kaburatan.

Jeremias 12:8

Nagtumang sako an nasyon na pinili ko; arog sa sarong leon sa kadlagan nginaroban ninda ako, kaya naoongis ako sainda.

Jeremias 22:14

Herak man sa tawo na nagsasabi, “Matugdok ako nin sarong dakulang harong na may mga mahiwas na kwarto sa itaas.” Kaya binugtakan niya nin mga bintana an saiyang harong, linanoban nin sedro, asin pinintahan nin pula.

Jeremias 22:5

Alagad kun dai kamo maghinanyog kan sakong mga tataramon, minasumpa ako saindo na mararaot an palasyong ini. Ako, an Kagurangnan, an nagtaram.

Jeremias 44:26

Alagad hinanyoga nindo ngunyan an sumpa na ginibo ko huli sa mapangyari kong ngaran, para sa saindo gabos na Israelita na yaon sa Egipto: Dai ko na itutugot sa kiisay man na ipagsumpa an sakong ngaran sa pagsasabi, ‘Minasumpa ako huli sa Makakamhan na Dios na buhay!’

Jeremias 49:13

Isinumpa ko na sa sakong sadiri na an syudad nin Bozra magigin sarong tanawon na nakakatakot asin sarong desyerto; pagsusubahan ini kan mga tawo saka gagamiton an ngaran kaini bilang sarong maldisyon. An gabos na baryo na nasa harani kaini magigin raot sagkod lamang. Ako, an Kagurangnan, an nagtaram.”

Jeremias 51:14

An Kagurangnan nin mga hukbo nagsumpa sa saimong sadiri na mapadara nin mga lalaki na arog kadakul sa mga doron, tanganing salakayon an Babilonia, asin makurahaw sinda nin kapangganahan.

Mga Panambitan 2:5

Arog sa sarong kaiwal, rinaot nin Kagurangnan an Israel. Rinaot niya an mga palasyo saka an mga bantayan; an kamondoan asin an panambitan kan mga taga Juda saiya pang dinagdagan.

Ezekiel 24:21

na itao ko sa saindong mga Israelita an mensaheng ini: Hilinga, didigtaan ko an Templo, an orgulyo kan saindong kapangyarihan, an nawiwilihan kan saindong mga mata asin kamawotan kan saindong kalag. An saindong mga aking lalaki saka babae, na binayaan nindo sa Jerusalem, gabos magagadan sa gera.

Oseas 11:6

An gera madatong sa saindang syudad asin maraot kan saindang mga trangkahan. Magagadan sa gera an sakong banwaan huli ta ginigibo ninda an hinohona nindang tama.

Levitico 26:11

Mag-eerok ako sa kaibahan nindo asin dai ko kamo babayaan.

Levitico 26:30

Raraoton ko an mga lugar na saindong pinagsasambahan sa kabubuldan, gagabaon ko an mga altar nin insenso, dangan itatapok ko an saindong mga bangkay sa ibabaw kan tumba nindong mga dios-dios. Sa kaanggotan,

Amos 3:10

Nagtataram an Kagurangnan, “Pinapano kan mga tawong ini an saindang mga harong nin mga bagay na nakua ninda sa paagi nin panghahabon saka dahas. Dai ninda aram kun paano an paggibo nin tama.

Amos 3:11

Kaya papalibotan kan kaiwal an saindang mga kudal, raraoton an saindang mga depensa, asin sasamsaman an saindang mga harong.”

Amos 4:2

Huli kan saiyang kabanalan, nagsumpa an Kagurangnan Dios, “Nagdadangadang an mga aldaw na guguyodon kamo paharayo sa paagi nin mga kawit; an lambang saro saindo magigin arog sa sira na nabanwit.

Amos 5:21

An Kagurangnan nagtataram, “Naoongisan ko an saindong mga pyesta; dai ko nawiwilihan an saindong mga banal na pagtiripon.

Amos 8:3

Sa aldaw na iyan, an mga awit sa laog kan palasyo magigin agrangay nin kamondoan. Magkakaigwa nin mga bangkay sa gabos na lugar; itatapok sinda sa luwas na mayo sana nin ribok.”

Amos 8:7

An Kagurangnan, an Dios nin Israel, nagsumpa, “Dai ko nanggad malilingawan an mga maraot nindang gibo.

Zacarias 11:8

Nauyam ako sa tolo pang pastor, na naoongis sako, asin ginadan ko sinda sa laog nin saro sanang bulan.

Deuteronomio 32:19

“Nahiling ini nin Kagurangnan asin naanggot siya; an saiyang mga aking lalaki saka babae tinalikodan niya.