Amos 6:2 - Marahay na Bareta Biblia

² Lakaw kamo asin hilinga nindo an syudad nin Calne, dangan magdagos kamo sa dakulang syudad nin Hamat saka lumugsot kamo pasiring sa Filistiong syudad nin Gat. Mas marahay daw an mga ini ki sa mga kahadean nin Juda saka Israel? Mas dakula daw an saindang teritoryo ki sa teritoryo nindo?

Amos 6:2 ပူးပေါင်းရင်းမြစ်များ

Genesis 10:10

Kaayon sa kaenot-enoteng kahadean na sakop niya iyo an Babilon, an Erek, asin an Accad, na gabos yaon sa daga kan Babilonia.

2 Samuel 8:9

Kan madangog ni Toi na hade kan Hamat na dinaog ni David an bilog na hukbo ni Hadadezer,

1 Mga Hade 8:65

Duman sa Templo, si Solomon asin an bilog na banwaan nin Israel nagselebrar kan Pyesta nin mga Harong-harong sa laog nin pitong aldaw. Dakul nin marahay an tawo na nagtiripon duman na hale pa sa harayong Dalan nin Hamat sa amihan sagkod sa pagdolonan nin Egipto sa habagat.

2 Mga Hade 17:24

An emperador nin Asiria nagkua nin mga tawo hale sa mga syudad nin Babilon, Cut, Ivva, Hamat, saka Sefarvaim dangan pinaerok sinda sa mga syudad nin Samaria bilang kasalihid kan itinapok na mga Israelita. Kaya sinadiri ninda an Samaria saka nag-erok sinda sa mga syudad duman.

2 Mga Hade 17:30

naggibo an mga taga Babilon nin mga ladawan ni Sukkot Benot; an mga taga Cuth, mga ladawan ni Nergal; an mga taga Hamat, mga ladawan ni Asima;

2 Mga Hade 18:34

Haen na ngunyan an mga dios nin Hamat asin Arpad? Haen an mga dios nin Sefarvaim, Hena asin Ivva? Ikinaligtas daw ninda an Samaria?

2 Mga Hade 19:13

Haen na an mga hade kan syudad nin Hamat, Arpad, Sefarvaim, Hena, asin Ivva?”

2 Mga Cronica 26:6

Nakigera si Uzzias sa mga Filisteo. Rinumpag niya an mga kudal kan mga syudad nin Gat, Jamnia saka Asdod, dangan nagtugdok siya nin mga pusog na syudad harani sa Asdod asin maski saen sa daga kan mga Filisteo.

Jeremias 49:23

Iyo ini an itinaram nin Kagurangnan manongod sa Damasco: “Nahahadit saka napupurisaw an mga taga Hamat asin an mga taga Arpad huli ta nakadangog sinda nin maraot na bareta. Dai sinda napapaontok huli sa kahaditan, arog sinda sa dagat na maalon.

Nahum 3:8

Nineve, mas marahay ka pa daw ki sa Tebes, an pangenot na syudad nin Egipto? Igwa man ini nin sarong salog na nag-iingat saiya arog sa sarong kudal—an Nilo iyo an saiyang depensa.

1 Samuel 17:23

Mantang nakikiolay siya sainda, nagpaenotan si Goliat asin inangat na naman an mga Israelita siring kan dati. Nadangog siya ni David.

1 Samuel 17:4

Nagluwas hale sa kampo kan mga Filisteo an sarong lalaking taga Gat, na an ngaran Goliat, asin inangat an mga Israelita. Haros tolong metros an langkaw niya;

1 Samuel 5:10

Kaya an Kaban nin Tipan ipinadara ninda sa Ekron, saro pang syudad kan mga Filisteo; alagad pag-abot duman, nagsarabi an mga taga Ekron, “Dinara ninda digdi an Kaban kan Dios nin Israel tanganing magkagaradan kita gabos!”

1 Samuel 5:8

Kaya pinasugoan ninda asin tinipon an limang hade kan mga Filisteo dangan hinapot an mga ini, “Ano an gigibohon mi sa Kaban nin Tipan kan Dios nin Israel?” Nagsimbag sinda, “Daraha nindo sa Gat.” Kaya an Kaban nin Tipan dinara ninda sa Gat, saro pang syudad kan mga Filisteo.