Amos 6:13 - Marahay na Bareta Biblia

¹³ Naghahambog kamo manongod sa pagsakop nindo sa Lodebar. Nagsasabi kamong, “Kaya mi nang sakopon an Karnaim.”

Amos 6:13 ပူးပေါင်းရင်းမြစ်များ

2 Mga Hade 13:25

Dangan tolong beses na nadaog si Ben-hadad ni Hadeng Jehoas nin Israel. Nabawi ni Jehoas an mga syudad na nasakop ni Ben-hadad sa panahon kan paghahade ni Jehoahaz, na ama ni Jehoas.

2 Mga Hade 14:25

Nabawi niya an gabos na teritoryo na pagsadiri kan Israel, magpoon sa dalan nin Hamat sagkod sa Gadan na Dagat, sosog sa tataramon nin Kagurangnan, an Dios nin Israel, kan siya magtaram sa paagi kan sorogoon niyang si Propeta Jonas na aking lalaki ni Amitai, na taga Gat-hefer.

An Libro ni Job 31:25

kun nag-orgulyo ako huli ta dakul an sakong kayamanan o huli ta dakul an natipon kan sakong kamot;

An Libro ni Job 31:29

“Dai ako naogma kan magtios an sakong mga kaiwal, ni nagngisi kan sinda napahamak;

An Libro ni Job 8:14

Minasarig sinda sa lapat kan lawa.

An Libro ni Job 8:15

Minasarig sinda sa harong kaini, alagad dai iyan minatagal; namumugol sinda sa lapat, alagad dai iyan nakakatabang na sinda makatindog.’”

Salmo 2:2

Nagrerebelde an saindang mga hade, nagbuburonyog an saindang mga pamayo tumang sa Kagurangnan asin tumang sa hade na saiyang pinili.

Salmo 75:4

Tinataraman ko an mga mapaabaw-abaw na dai maghambog;

Salmo 75:5

tinataraman ko an mga tampalasan na ontokon an saindang kahambogan.”

Parahulit 11:9

Mga hoben, ipag-ogma nindo an saindong pagkanihoben; mag-ogma kamo mantang kamo aki pa. Giboha an boot nindo asin sunoda an kamawotan kan saindong puso. Alagad giromdomon nindo na huhukoman kamo nin Dios sa gabos nindong gibo.

Isaias 7:1

Kan si Hadeng Ahaz, na aking lalaki ni Jotam asin makoapo ni Uzzias, iyo an naghahade sa Juda, nagtukad pasiring sa Jerusalem si Rezin na hade nin Siria, asin si Peka na aking lalaki ni Remalias na hade nin Israel, tanganing salakayon an syudad alagad dai ninda nakayang salakayon ini.

Isaias 7:4

Sabihan mo siyang magin andam, na dai mahandal o matakot o manluya an boot, huli ta an kaanggotan ni Hadeng Rezin kaiba an mga Siro asin ni Hadeng Peka garo sana duwang nag-aasong pungo.

Isaias 8:6

“Huli ta an mga tawong ini habo kan matoninong na katubigan hale sa burabod nin Siloa, asin nagtatakig sa atubang ni Hadeng Rezin saka ni Hadeng Peka,

Jeremias 50:11

Nagsasabi an Kagurangnan, “Mga taga Babilonia, kamo an nanamsam sa sakong nasyon. Maogma kamo saka magayagaya, garo mga bakang nakaluwas sa toril, asin naghahalinghing na garo mga lalaking kabayo,

Jeremias 9:23

Nagtataram an Kagurangnan, “Dai dapat ipag-orgulyo kan madonong an saiyang kadonongan, ni kan makosog an saiyang kosog, ni kan mayaman an saiyang yaman.

Ezekiel 29:3

Sabihan mo siya na ini an itinataram nin Kagurangnan Dios: Kalaban taka, hade nin Egipto, ika na sarong dakulang buaya, na naglulubgob sa salog. Nagsasabi kang saimo an Nilo asin ika an naggibo kaiyan.

Ezekiel 29:9

An Egipto magigin sarong alang saka mamondong daga. Dangan maaaraman mo na ako an Kagurangnan. “Huli ta nagsabi ka na sadiri mo an Nilo asin ika an naggibo kaiyan,

Daniel 4:27

Kaya, Mahal na Hade, sunoda an sakong hatol. Ontoka an saimong pagkakasala, giboha an matanos, asin magin maherakon ka sa dukha. Dangan magpapadagos an saimong kauswagan.”

Daniel 4:30

nagsabi siya, “Bakong iyo ini an dakulang Babilon na pinatindog ko huli kan sakong kapangyarihan bilang sakong pangenot na syudad tanganing ipahiling an sakong kosog, kamurawayan asin kamahalan?”

Jonas 4:6

Dangan pinatalubo nin Kagurangnan Dios an sarong tinanom sa kataed ni Jonas tanganing malindongan siya asin dai mahorasa. Nawilihan nin marahay ni Jonas an tinanom.

Sofonias 3:11

Sa panahon na iyan, kamong banwaan ko, dai na dapat masopog kan ginibo nindong pagrebelde sako. Hahaleon ko sa tahaw nindo an siisay man na mahambog saka mapaabaw-abaw, asin dai na nanggad kamo marebelde sako sa sakong banal na bulod.

Zacarias 1:19

Hinapot ko an anghel na nakiolay sako, “Ano an kahulogan kan mga sungay na ini?” Nagsimbag siya, “Iyan an mga sungay na nagwarak kan mga taga Juda, taga Israel, asin taga Jerusalem.”

Juan 16:20

Sa katotoohan sinasabihan ko kamo, magtatangis kamo saka magmomondo, alagad an kinaban mag-oogma; magmomondo kamo, alagad mariribayan iyan nin kaogmahan.

Santiago 4:16

Alagad nagpapaabaw-abaw kamo ngunyan asin naghahambog; maraot iyan.

Kapahayagan 11:10

Maoogma an mga tawo sa kinaban dahel sa pagkagadan ninda. Magpepyesta sinda asin magpapatinaohan nin mga regalo huli ta an duwang propetang iyan nagdara sainda nin dakul na kasakitan.

Hukom 9:27

Nagduman sinda gabos sa saindang mga ubasan, nagguno nin ubas asin ginibo nindang arak dangan nagpyesta sinda. Nagduman sinda sa templo kan saindang dios-dios saen nagkarakan sinda asin nag-irinom, patin linibak ninda si Abimelec.

1 Samuel 4:5

Kan mag-abot sa kampo an Kaban nin Tipan, nagkurahaw sa kaogmahan an mga Israelita, kaya natanyog an daga.