Amos 6:12 - Marahay na Bareta Biblia

¹² Pinapadalagan daw sa kagapoan an kabayo? Ipinag-aarado daw an baka sa dagat? Alagad an hustisya ginibo nindong hudong asin an tama ginibo nindong sala.

Amos 6:12 ပူးပေါင်းရင်းမြစ်များ

Isaias 48:4

Huli ta aram ko na magigin matagas an saindong mga payo, arog katagas sa lansang asin arog sa bronse na dai nahihiro.

Jeremias 5:3

An kaimbodan iyo an hinahanap nin Kagurangnan. Hinampak niya kamo, alagad dai nindo namatean an kulog kaiyan; rinonot niya kamo, alagad dai nanggad kamo nakanood. Nagin matagas an saindong mga payo, asin habo nanggad nindong talikodan an saindong mga kasalan.

Oseas 10:13

Alagad embes na gibohon nindo iyan, nagtanom kamo nin karatan asin nag-ani kan bunga kaiyan. Kinakan nindo an bunga kan saindong mga kaputikan. “Huli ta nagsarig kamo sa saindong mga karwahe asin sa dakul nindong soldados,

Oseas 10:4

Mayo nin kahulogan an saindang mga sinasabi; naggibo sinda nin bakong totoong mga sumpa asin mayong halagang mga tipan. An hustisya nagin inhustisya, na nagtatalubo arog sa nakakahudong na doot sa sarong inaradong oma.

Amos 2:3

Gagadanon ko an pamayo nin Moab asin an gabos na lider kan daga.”

Amos 3:10

Nagtataram an Kagurangnan, “Pinapano kan mga tawong ini an saindang mga harong nin mga bagay na nakua ninda sa paagi nin panghahabon saka dahas. Dai ninda aram kun paano an paggibo nin tama.

Amos 5:7

Herak man saindo, kamo na nagbibiko kan hustisya asin nagdadaya kan deretso nin mga tawo!

Mikas 7:3

Gabos sinda eksperto sa paggibo kan maraot. An mga opisyal saka mga hukom naghahagad nin suhol. Sinasabihan sinda kan mapangyaring tawo kan saiyang kamawotan, asin tarabang sindang minagibo nin plano.

Santiago 3:18

Asin an katanosan iyo an bunga kan itinanom sa katoninongan kan mga parapatoninong.