Amos 6:10 - Marahay na Bareta Biblia

¹⁰ An kadugo kan nagadan, an namamahala kan lubong, iyo an madara kan bangkay paluwas sa harong. Dangan maapod an kadugo sa kiisay man na yaon pa sa laog kan harong, “May kaiba ka pa diyan?” Masimbag an sarong tingog, “Mayo!” Dangan masabi an kadugo, “Mag-alo ka! Kaipuhan magin maingat kita na dai masambit an ngaran nin Kagurangnan.”

Amos 6:10 ပူးပေါင်းရင်းမြစ်များ

2 Mga Hade 23:16

Dangan nangalag-kalag si Josias asin nahiling niya an nagkapirang lulubngan sa bulod; ipinakalot niya an mga tolang asin ipinatutong sa altar. Sa paaging ini binasang-basang niya an altar, sosog sa itinaram nin Kagurangnan sa paagi kan saiyang propeta. Nakahiling pa si Josias nin sarong lulubngan,

2 Mga Hade 6:33

Dai pa haros natatapos an sinasabi ni Eliseo, nag-abot na an sugo saka nagsabi, “An kasakitan na ini dinara samo nin Kagurangnan! Tano ta mahalat pa ako sa Kagurangnan?”

Jeremias 16:6

An mayaman saka an dukha magagadan sa dagang ini; dai sinda ilulubong ni tatangisan. Mayo nin siisay man na malugad kan saiyang sadiri ni maaris kan saiyang buhok tanganing ipahiling an saiyang pagmondo para sainda.

Jeremias 44:26

Alagad hinanyoga nindo ngunyan an sumpa na ginibo ko huli sa mapangyari kong ngaran, para sa saindo gabos na Israelita na yaon sa Egipto: Dai ko na itutugot sa kiisay man na ipagsumpa an sakong ngaran sa pagsasabi, ‘Minasumpa ako huli sa Makakamhan na Dios na buhay!’

Jeremias 9:21

Huli ta naglaog an kagadanan sa satong mga bintana, asin naglaog man sa satong mga palasyo; ginadan kaini an mga aking nasa tinampo asin an mga hoben na lalaki sa mga plasa.

Ezekiel 20:39

Ini an tataramon nin Kagurangnan Dios: “Kamong mga Israelita, kun boot nindo, lakaw asin paglingkodan nindo an saindong mga dios-dios! Alagad pinapatanidan ko kamo na pakatapos kaiyan, kaipuhan kuyogon nindo ako asin ontokon nindo an pagdigta sa banal kong ngaran sa paagi nin pagdolot nin mga atang sa saindong mga dios-dios.

Ezekiel 24:21

na itao ko sa saindong mga Israelita an mensaheng ini: Hilinga, didigtaan ko an Templo, an orgulyo kan saindong kapangyarihan, an nawiwilihan kan saindong mga mata asin kamawotan kan saindong kalag. An saindong mga aking lalaki saka babae, na binayaan nindo sa Jerusalem, gabos magagadan sa gera.

Amos 5:13

Kaya an dai paggirong sa siring karaot na mga panahon iyo an pinakamarahay na gibohon!

Amos 8:3

Sa aldaw na iyan, an mga awit sa laog kan palasyo magigin agrangay nin kamondoan. Magkakaigwa nin mga bangkay sa gabos na lugar; itatapok sinda sa luwas na mayo sana nin ribok.”

Mga Bilang 17:12

Nagsabi ki Moises an banwaan nin Israel, “Iyo ini an kataposan nyamo!

1 Samuel 31:12

nagduruman an mga maiisog na lalaki; bilog na banggi sindang nagralakaw pasiring sa Bet-san. Kinua ninda sa kudal an mga bangkay ni Saul asin kan saiyang mga aking lalaki. Dinara ninda idto sa Jabes, asin sinulo duman.