Amos 6:1 - Marahay na Bareta Biblia

¹ Herak man saindo na namumuhay sa kaginhawahan sa Sion asin sa saindo na nakakamate nin katiwasayan sa Samaria—kamong bantog na kalalakihan kaining dakulang nasyon nin Israel, kamong dinudolok kan mga tawo tanganing magpatabang!

Amos 6:1 ပူးပေါင်းရင်းမြစ်များ

1 Mga Hade 16:24

Dangan binakal niya an bulod nin Samaria sa halagang anom na ribong pedaso nin plata sa sarong lalaki na an ngaran Semer. An bulod pinapusog ni Omri, tinugdokan nin sarong banwa, asin nginaranan niyang Samaria, sosog sa ngaran ni Semer na dating kagsadiri kan bulod.

Salmo 123:4

Haloy na kaming pinag-oolog-olog kan mga mayaman, asin ikinakaanggot kan mga mapaabaw-abaw.

Mga Talinhaga 1:32

An pagtalikod sa kadonongan iyo an minagadan sa mayong eksperyensya, asin an dai pakilabot kan mga lolong iyo an minaraot sainda.

Isaias 33:14

Nagtatakig sa katakotan an mga makasalan sa Sion. Nagsasabi sinda, “An paghukom nin Dios nakakaagid sa sarong kalayo na naglalaad sagkod pa man. Mabubuhay daw an saro sato sa siring na kalayo?”

Jeremias 2:3

Israel, ika para sa sakuya sana; ika an sakong banal na rogaring. Pinadarahan ko nin kasakitan asin kapahamakan an siisay man na nagkulog saimo. Ako, an Kagurangnan, an nagtaram.”

Jeremias 48:11

Nagtaram an Kagurangnan, “Danay na namuhay sa katiwasayan an Moab asin dai pa lamang nabihag. Garo siya arak na dai hinihiro; dai siya pinagpapalis-palis sa mga lalagan. Kaya dai nag-iiba an saiyang namit, asin dai nagbabago an saiyang parong.

Jeremias 49:31

‘Magbangon kamo, dangan salakayon ta an sarong nasyon na namumuhay na matiwasay saka maginhawa. An saindang syudad mayo nin mga trangkahan saka mga barat asin yaon ini sa sarong siblag na lugar.’

Jeremias 5:5

Maduman ako sa darakulang tawo, saka makikipag-olay sainda. Huli ta naaaraman ninda an kahagadan nin Kagurangnan, an boot saindang ipagibo nin Kagurangnan.” Alagad gabos man sinda nagsikwal kan kapangyarihan nin Kagurangnan asin habo nindang magkuyog saiya.

Jeremias 7:4

Dai kamo magtubod sa mga madayang tataramon na ini: ‘Ligtas kami digdi! Ini an Templo nin Kagurangnan, an Templo nin Kagurangnan, an Templo nin Kagurangnan!’

Mga Panambitan 1:1

Mapungaw na nagtutukaw an Jerusalem, na dating pano nin mga tawo! Dakula siya kaidto sa gabos na nasyon, ngunyan arog na sa sarong babaeng balo! Kaidto saro siyang prinsesa sa tahaw nin mga syudad, ngunyan saro nang oripon.

Amos 3:2

“Sa gabos na nasyon sa daga, ika sana an pinili ko asin inataman. Iyan an dahelan kun tadaw ta orog na minagabat an saimong mga kasalan, asin kun tano ta kaipuhan padusahan taka.”

Amos 3:9

Ipahayag mo sa mga nag-eerok sa mga palasyo sa Egipto saka sa Asdod: “Magtiripon kamo sa kabubuldan sa palibot nin Samaria asin hilinga nindo an karibongan saka pang-aapi na ginigibo duman.”

Amos 4:1

Dangoga nindo ini, kamong mga babaeng taga Samaria, na nagtataraba arog kan mga baka sa Basan, na nag-aapi kan mga maluluya, nagpapasakit kan mga dukha, saka nagboboot sa mga agom tanganing danay kamong tawan nin arak!

Amos 5:27

kun itapok ko na kamo sa dagang nasa ibong kan Damasco,” an sabi nin Kagurangnan, na an ngaran Dios nin mga hukbo.

Amos 8:14

An mga tawong nagsusumpa huli sa ngaran kan mga dios-dios nin Samaria, na nagsasabing, ‘Huli sa ngaran kan dios nin Dan,’ o, ‘Huli sa ngaran kan dios nin Beer-sheba’—matutumba asin dai na makakabangon giraray.”

Amos 9:10

An gabos na parakasala sa sakong banwaan magagadan sa gera—sinda gabos na nagsasabing, ‘Dai itutugot nin Dios na makarani sa sato an kapahamakan.’”

Mikas 3:1

Pagdangog kamo, mga pamayo nin Israel! Kamo kutana an mga tawong dapat nagmamakulog dapit sa hustisya,

Sofonias 1:12

“Sa panahon na iyan, makua ako nin ilawan dangan malibot ako sa Jerusalem. Papadusahan ko an mga tawong mapaabaw-abaw asin nagsasaboot, ‘Mayo man nin ginigibong maraot o marahay an Kagurangnan.’

Santiago 1:18

Sa kabotan niya linalang niya kita sa paagi kan tataramon nin katotoohan, tanganing kita an magin orog sa gabos niyang linalang.

Santiago 5:5

An saindong buhay digdi sa daga gabos sana sa luho dangan kaogmahan. Nagpataba kamo para sa aldaw kan pagbuno.

1 Pedro 5:7

Idusay nindo sa Dios an gabos nindong kahaditan, huli ta nagmamakulog siya saindo.

Hukom 18:7

Kaya naghale an limang lalaki asin nagduman sa banwa nin Lais. Nahiling ninda an mauswag na pamumuhay kan mga tawo duman, arog kan mga taga Sidon. Mga matoninong sinda, trangkilo an isip asin dai nagkukulang nin ano man. An lugar ninda harayo sa Sidon asin dai sinda nin pakilabot sa ibang banwa.