Amos 5:8 - Marahay na Bareta Biblia

⁸ An Kagurangnan an naggibo kan mga bitoon, kan Pleiades asin kan Orion. Pinapangagin niyang kaliwanagan an kadikloman, asin an aldaw pinapangagin niyang banggi. Inaapod niya an katubigan kan dagat dangan inuula niya iyan sa kinaban. Kagurangnan an saiyang ngaran.

Amos 5:8 ပူးပေါင်းရင်းမြစ်များ

An Libro ni Job 12:22

Pinapara niya an diklom sa kairaroman, asin ginigibong magliwanag iyan.

An Libro ni Job 37:13

An Dios minapadara nin uran tanganing baribihon an saiyang daga; pwede niyang ipadara iyan sa pagpadusa sa mga tawo o sa pagpahiling kan saiyang pagkamoot.

An Libro ni Job 38:34

“Mapapagbotan mo daw an mga panganoron tanganing tahoban ka kan baha nin katubigan?

An Libro ni Job 9:9

An Dios an nagbitay kan mga bitoon sa langit—an Oso, an Orion, an Pleiades, saka an mga bitoon sa habagat.

Salmo 104:20

Ginibo mo an banggi, asin sa kadikloman minaluwas an gabos na hayop sa kadlagan.

Salmo 105:28

Ipinadara nin Dios sa daga an diklom alagad dai ninda tinubod an saiyang tataramon.

Isaias 42:16

“Papangenotan ko an sakong butang banwaan sa mga dalan na dai pa ninda inagihan. Gigibohon kong liwanag an saindang kadikloman asin sa saindang atubangan, sasaramahon ko an bakong saramang mga lugar. Iyo ini an mga bagay na gigibohon ko, asin dai ko iyan lilingawan.

Isaias 59:10

Nagkakapkap kami siring sa mga buta. Nagkakadarasmag kami maski odto, na garo iyan banggi, na garo yaon kami sa madiklom na kinaban kan mga gadan.

Jeremias 16:21

“Kaya,” an sabi nin Kagurangnan, “ngunyan asin sagkod lamang ipapaaram ko sa mga nasyon an sakong kapangyarihan asin an sakong kosog; maaaraman ninda na ako an Kagurangnan.”

Jeremias 33:2

Tinaraman ako kan Kagurangnan, na naglalang kan daga saka nagporma kaiyan, asin nagbugtak kaiyan sa tamang lugar. Siya, na Kagurangnan an ngaran, nagtaram,

Amos 4:13

An Dios iyo an naggibo kan kabukidan asin an naglalang kan mga doros. Ipinapahayag niya an saiyang kaisipan sa tawo; ginigibo niyang banggi an aldaw. Naglalakaw siya sa mga alitoktok kan kinaban. Iyo ini an saiyang ngaran: an Kagurangnan, an Dios nin mga hukbo!

Amos 8:9

Maabot an panahon na pasusulnopon ko an aldaw sa kaodtohan asin papadiklomon ko an kinaban maski aldaw. Ako, an Kagurangnan Dios, an nagtaram.

Amos 9:6

Pinapatindog nin Kagurangnan an saiyang harong sa kalangitan, asin ibinubugtak niya an panganoron sa itaas kan kinaban. Inaapod niya an katubigan kan dagat dangan inuula iyan sa daga. Kagurangnan an saiyang ngaran!

Mateo 4:16

An mga nag-eerok sa kadikloman makakahiling nin dakulang ilaw! An liwanag masirang sa mga nag-eerok sa madiklom na daga nin kagadanan!”

Lukas 1:79

nganing maliwanagan an mga nasa kadikloman asin nasa anino nin kagadanan, nganing giyahan kita sa dalan nin katoninongan.”