Amos 5:6 - Marahay na Bareta Biblia

⁶ Magdolok kamo sa Kagurangnan, asin mabubuhay kamo. Kun dai kamo magdolok saiya, maabot siya sa banwaan nin Israel siring sa kalayo. Susuloon kan kalayong iyan an mga taga Betel, asin mayo nin siisay man na makakasigbo kaiyan.

Amos 5:6 ပူးပေါင်းရင်းမြစ်များ

2 Samuel 19:20

Mahal na Hade aram ko na nagkasala ako, kun kaya ako an naenot na nagdigdi hale sa mga tribu sa amihan tanganing sabaton taka ngunyan.”

1 Mga Hade 11:28

Si Jeroboam sarong lalaki na igwa nin kakayahan, asin kan mahiling ni Solomon an kahigosan ni Jeroboam sa pagtrabaho, ibinugtak niya ini bilang parapamahala kan mga tawong pirit na pinapagtrabaho sa teritoryo kan mga tribu ni Manases asin ni Efraim.

2 Mga Cronica 34:25

Tinalikodan ninda ako asin nagtutong sinda nin insenso para sa mga dios-dios tanganing paanggoton ako huli kan saindang mga gibo. Kaya maglalaad an kaanggotan ko laban sa Jerusalem, asin dai iyan masisigbo.

Salmo 27:8

Kan ika magtaram, “Madya, sambahon mo ako.” Nagsimbag an puso ko, “Kagurangnan, madolok ako.”

Salmo 69:33

Huli ta an mga nangangaipo dinadangog nin Kagurangnan; dai niya isinisikwal an saiyang banwaan na nasa bilanggoan.

Exodo 22:6

“Kun an sarong tawo magsulo sa saiyang oma, asin magkanap an kalayo sa kadootan pasiring sa oma kan iba dangan nasulo an tindog pang mga tinanom o an mga inaning tinambak na, an nagsulo mabayad kan gabos na nasulo.

Isaias 1:31

Siring na an dagami nasusulo kan manok-manok nin kalayo, mapapahamak man an mga mapangyaring mga tawo huli kan saindang maraot na gibo asin mayo nin makakaontok kan saindong pagkaraot.

Isaias 55:3

“Paghinanyog kamo, sakong banwaan, asin dumolok kamo sako; madya kamo sako, asin magkakaigwa nin kapanoan an saindong buhay! Magibo ako saindo nin tipan na daing kataposan asin itatao ko saindo an mga bendisyon na ipinanuga ko ki David.

Isaias 55:6

Hanapa nindo an Kagurangnan mantang makukua siya, pag-apod kamo saiya mantang harani siya.

Jeremias 38:20

Nagsabi ako, “Dai ka itatao sainda. Nakikimaherak ako na sunodon mo an mensahe nin Kagurangnan asin mapapakarhay ka saka dai magagadan.

Jeremias 4:4

Otoba an tipan nindo sako, an saindong Kagurangnan, asin italaga nindo an saindong buhay sa paglingkod sako. Kun dai nindo gibohon iyan, an kaanggotan ko maglalaad siring sa kalayo huli kan mga maraot na bagay na saindong ginibo. Maglalaad iyan, asin mayo nin siisay man na makakasigbo kaiyan.”

Jeremias 7:20

Kaya ako, an Kagurangnan Dios, an maula kan labi-labi kong kaanggotan sa Templong ini. Iuula ko iyan sa mga tawo saka sa mga hayop, asin maski sa mga kahoy saka sa mga tinanom. Malaad an sakong kaanggotan asin mayo nin siisay man na makakasigbo kaiyan.

Ezekiel 21:3

na ako, an Kagurangnan, an nagtataram: Kalaban nindo ako. Huhugkoton ko an sakong espada asin gagadanon ko kamo gabos, matanos man o maraot.

Ezekiel 33:11

Sabihan mo sinda na mantang ako, an Kagurangnan Dios na buhay, dai ako naoogma kun nagagadan an sarong parakasala; kundi boot kong mag-ontok siya sa pagkakasala dangan mabuhay. Israel, ontoka an karatan na saimong ginigibo. Tadaw ta boot mong magadan?

Ezekiel 37:19

sabihan mo sinda na ako, an Kagurangnan Dios, an makua kan sarong taldok na tanda kan Israel asin isusugpon ko iyan sa taldok na tanda kan Juda. An duwang taldok na ini kakapotan ko na garo saro sanang taldok.

Amos 3:14

“Sa aldaw na padusahan ko an banwaan nin Israel huli kan saindang mga kasalan, raraoton ko an mga altar sa Betel. Mapapasa an mga kanto kan gabos na altar asin mahuhulog sa daga.

Amos 5:14

Giboha nindo an matanos asin bakong an maraot, tanganing mabuhay kamo. Dangan tunay na masasakaibahan nindo an Kagurangnan, an Dios nin mga hukbo, siring sa sinasabi nindo.

Amos 5:4

An Kagurangnan nagtataram sa banwaan nin Israel, “Madya kamo sa sako, asin mabubuhay kamo.

Amos 6:6

Ginalon na arak an iniinom nindo asin mamahalon na mga pahamot an ginagamit nindo, alagad dai nindo ipinagmomondo an pagkarumpag nin Israel.

Sofonias 2:3

Magbalik kamo sa Kagurangnan, kamo gabos na mapakumbabang namamanwaan kan daga, na nag-ootob kan saiyang mga pagboot. Giboha nindo an matanos, asin magpakumbaba kamo sa atubang nin Kagurangnan, ta tibaad madulagan nindo an padusa sa aldaw na ipahiling nin Kagurangnan an saiyang kaanggotan.

Zacarias 10:6

“Papakosogon ko an banwaan nin Juda; ililigtas ko an banwaan nin Israel. Maheherakan ko sinda asin ibabalik ko sinda sa saindang harong. Sinda magigin garo dai ko man sana tinalikodan. Ako an Kagurangnan na saindang Dios; sisimbagon ko an saindang mga pamibi.

Deuteronomio 32:22

Siring sa kalayo, malaad an kaanggotan ko, na matutong kan gabos na yaon sa daga, sagkod sa kairaroman kan Sheol; matutong minsan kan mga gamot nin kabukidan.

Deuteronomio 4:24

huli ta an Kagurangnan na saindong Dios arog sa kalayong nakakatutong, sarong maimon na Dios.

Josue 18:5

Babangaon ninda sa pitong parte an bilog na daga; mag-eerok si Juda sa saiyang teritoryo sa habagat, asin si Jose sa saiyang teritoryo sa amihan.