Amos 5:5 - Marahay na Bareta Biblia

⁵ Dai kamo magduman sa Beer-sheba sa pagsamba. Dai nindo ako paghanapon sa Betel, huli ta an Betel mawawaraan nin halaga. Dai kamo magduman sa Gilgal huli ta itatapok an saiyang mga namamanwaan.”

Amos 5:5 ပူးပေါင်းရင်းမြစ်များ

Genesis 21:31

Kaya an lugar inapod na Beer-sheba, huli ta duman ninda ginibo an kontrata.

Genesis 21:33

Nagtanom si Abraham nin kahoy na sampalok sa Beer-sheba asin nag-omaw sa Kagurangnan, an Daing Kataposan na Dios.

Genesis 26:23

Hale duman nagpasiring si Isaac sa Beer-sheba.

Genesis 26:33

An bubon nginaranan Sheba ni Isaac; kaya sagkod ngunyan an syudad inaapod Beer-sheba.

1 Mga Hade 12:28

Pakahorophoropa niya kaini, guminibo siya nin duwang bulawan na torong baka dangan sinabihan an saiyang banwaan, “Haloy na kamong nagpaparatukad sa Jerusalem tanganing magsamba. Banwaan nin Israel, uya an saindong mga dios na nagluwas saindo sa Egipto!”

1 Mga Hade 12:29

An saro sa mga bulawan na baka ibinugtak niya sa Betel asin an saro sa Dan.

2 Mga Hade 23:8

Dinara niya sa Jerusalem an gabos na padi hale sa mga syudad nin Juda, dangan ipinagaba an mga altar na pinagdodolotan ninda nin sakripisyo, magpoon sa Geba sagkod sa Beer-sheba. Ipinagaba man niya an mga altar kan mga trangkahan sa may sa trangkahan na ipinatugdok ni Josue, an gobernador kan syudad, sa parteng wala kan pangenot na trangkahan kan syudad.

An Libro ni Job 8:22

Alagad gugubingan niya nin kasosopgan an mga naoongis saimo, asin mawawara an mga harong kan mga maraot.”

Salmo 33:10

Linalaglag nin Kagurangnan an mukna kan mga nasyon; rinaraot niya an mga plano kan mga banwaan.

Isaias 29:20

Iyan an magigin kataposan kan mga nang-aapi sa iba asin nagpapahiling nin mayong paggalang sa Dios. Gagadanon an gabos na makasalan.

Isaias 8:10

Maggibo kamo nin mga plano! Alagad dai mangyayari an mga iyan. Mag-orolay kamo sagkod na boot nindo! Alagad an gabos mayo nin halaga, huli ta an Dios nasa sato.

Jeremias 48:13

Dangan ikakasopog kan mga taga Moab si Kemos, na saindang dios-dios, arog kan ikinasopog kan mga taga Israel si Betel, an dios-dios na saindang pinagsarigan.

Oseas 10:8

Magkakagaraba an mga lugar na pagsasambahan sa kabubuldan nin Aven, saen nagsasamba nin mga dios-dios an banwaan nin Israel. Matalubo sa mga altar ninda an mga tonok saka doot. Maapod an mga tawo sa mga bukid, “Tagoa kami!” asin sa mga bulod, “Tahobi kami!”

Oseas 12:11

Alagad an pagsamba sa mga dios-dios ginigibo sa Gilead, asin magagadan an mga nagsasamba sainda. Nagsasakripisyo sinda nin mga torong baka sa Gilgal, asin magigin mga tambak nin gapo sa kaawagan an mga altar duman.”

Oseas 4:15

“O Israel, maski dai ka nagin maimbod sako, an mga taga Juda dai man logod magkasala nin siring. Dai kamo magsamba sa Gilgal o sa Bet-Aven, ni magsumpa duman sa ngaran kan buhay na Kagurangnan.

Oseas 9:15

Nagsasabi an Kagurangnan, “Nagpoon an mga maraot nindang gibo sa Gilgal. Duman nagpoon an pagkaongis ko sainda. Huli kan maraot na ginibo ninda, papahaleon ko sinda sa sakong daga, asin dai ko na sinda mamomotan; nagrebelde laban sako an gabos nindang lider.

Amos 1:5

Roronoton ko an mga trangkahan nin Damasco asin hahaleon ko an mga nag-eerok sa Kapantayan nin Aven, saka an pamayo nin Bet-eden. Dadarahon bilang mga bilanggo an mga taga Siria pasiring sa Kir.”

Amos 3:14

“Sa aldaw na padusahan ko an banwaan nin Israel huli kan saindang mga kasalan, raraoton ko an mga altar sa Betel. Mapapasa an mga kanto kan gabos na altar asin mahuhulog sa daga.

Amos 4:4

An Kagurangnan Dios nagtataram, “Mga taga Israel, dumuman kamo sa banal na lugar sa Betel asin magkasala kamo! Dumuman kamo sa Gilgal asin orog pa kamong magkasala! Daraha nindo an mga hayop na isasakripisyo aga-aga, asin an saindong himoloan sa lambang ikatolong aldaw.

Amos 7:10

Dangan nagpatogon si Amazias, an padi nin Betel, ki Hadeng Jeroboam: “Igwa nin pinaplano laban saimo si Amos sa tahaw kan banwaan. An mga pahayag niya iyo an maraot kan daga.

Amos 7:13

Dai ka na nanggad magpropesiya digdi sa Betel. Iyo ini an lugar na pinagsasambahan kan hade, an templo kan bilog na kahadean.”

Amos 7:17

Amazias, sinasabihan ka nin Kagurangnan, ‘An saimong agom magigin sarong maraot na babae sa mga tinampo asin magagadan sa gera an saimong kaakian. Pagbabarangaon kan iba an saimong daga asin magagadan ka sa sarong paganong daga. Dangan itatapok an banwaan nin Israel harayo sa saindang daga.’”

Amos 7:9

Mararaot an mga lugar na pinagsasambahan kan kapagarakian ni Isaac. Magkakagaraba an mga banal na lugar nin Israel. Tataposon ko an paghahade kan lahi ni Hadeng Jeroboam.”

Amos 8:14

An mga tawong nagsusumpa huli sa ngaran kan mga dios-dios nin Samaria, na nagsasabing, ‘Huli sa ngaran kan dios nin Dan,’ o, ‘Huli sa ngaran kan dios nin Beer-sheba’—matutumba asin dai na makakabangon giraray.”

1 Corinto 1:28

Pinili nin Dios an mga tawo na pinagmamata-mata saka pinaghahamak asin mayo nin halaga, tanganing laglagon an mahalaga para sa kinaban.

1 Corinto 2:6

Alagad sa mga tawong pusog na an pagtubod, nagtutukdo ako nin kadonongan. Alagad an kadonongan na iyan bakong gikan sa panahon na ini, o sa mga namamayo kan kinaban na ini, na mga minaagi sana.

Deuteronomio 28:41

Magkakaigwa kamo nin mga aking lalaki saka babae alagad dai sinda mapapasaindo huli ta mabibihag sinda sa gera.

Josue 5:9

Nagtaram an Kagurangnan ki Josue, “Ngunyan hinale ko na sa saindo an kasosopgan kan pagigin oripon sa Egipto.” Kaya an lugar nginaranan Gilgal, na iyo an ngaran kaini sagkod ngunyan.

Kapahayagan 18:17

Sa laog nin saro sanang oras nawara saiya an gabos na kayamanan na iyan!” An gabos na kapitan nin mga barko, mga pasahero, mga tripulante dangan an gabos na naghahanap-buhay sa dagat nagtindog sa harayo;

1 Samuel 11:14

Dangan sinabihan ni Samuel an mga tawo, “Magduruman kita gabos sa Gilgal asin ipahayag ta giraray si Saul bilang satong hade.”

1 Samuel 7:16

Taon-taon, naglilibot siya sa mga syudad nin Betel, Gilgal, asin Mizpa tanganing hukoman an mga kaso sa mga lugar na idto.

1 Samuel 8:2

An ngaran kan matua iyo si Joel, asin an ngohod iyo si Abias; sinda an nagin mga hukom sa Beer-sheba.