Amos 5:25 - Marahay na Bareta Biblia

²⁵ “Banwaan nin Israel, dai ako naghagad nin mga sakripisyo o mga dolot kan pangenotan ko kamo sa desyerto sa laog nin kwarentang taon.

Amos 5:25 ပူးပေါင်းရင်းမြစ်များ

Nehemias 9:18

Naggibo sinda nin sarong ladawan na baka asin nagsabi na iyo idto an dios na nagluwas sainda hale sa Egipto! Dakula an ginibo nindang paglanghad saimo.

Nehemias 9:21

Sa laog nin kwarentang taon sa kalangtadan, dai sinda nagkulang nin anoman; dai nagdaan an sulot nindang mga gubing asin dai naggatok an saindang mga bitis.

Ezekiel 20:16

Nagsumpa ako huli ta isinikwal ninda an sakong mga pagboot. Dai sinda naglakaw sosog sa sakong mga togon asin linapas ninda an Sabbath. Pinaorog ninda an pagsamba sa mga dios-dios.

Ezekiel 20:24

huli ta dai ninda kinuyog an sakong mga pagboot; linapas ninda an sakong mga togon asin an Sabbath, saka sinamba ninda an parehong mga dios-dios na pinaglingkodan kan saindang mga ginikanan.

Ezekiel 20:8

Alagad nagtumang sinda sako asin dai ninda ako dinangog. Dai ninda itinapok an makauuyam na mga bagay na namotan ninda, asin dai ninda binayaan an mga dios-dios nin Egipto. Andam na kuta akong iula sainda an labi-labi kong kaanggotan duman sa Egipto.

Levitico 17:7

Kaya dai na nanggad sinda magbubuno nin mga hayop sa kaawagan bilang dolot sa mga demonyo. Kaipuhan kuyogon kan mga Israelita an pagsusundon na ini sagkod lamang.

Zacarias 7:5

Nagsabi siya, “Taraman mo an mga tawo asin an mga padi na kan nag-ayuno saka nagmondo sinda sa ikalima saka ikapitong bulan sa laog nin setentang taon, bakong ako an saindang tinawan nin onra.

Josue 24:14

“Kaya ngunyan matakot kamo sa Kagurangnan,” an olay ni Josue. “Tunay asin maimbod nindo siyang paglingkodan. Halea nindo an mga dios-dios na dating sinasamba kan saindong mga ginikanan sa Mesopotamia saka sa Egipto; an Kagurangnan sana an saindong paglingkodan.