Amos 5:15 - Marahay na Bareta Biblia

¹⁵ Kaongisan nindo an maraot, kamotan an tama, asin papagdanayon an hustisya sa mga hukoman; tibaad pa maherakan nin Kagurangnan an mga tawo sa nasyon na ini na nagkakaburuhay pa.

Amos 5:15 ပူးပေါင်းရင်းမြစ်များ

2 Samuel 16:12

Tibaad pa mahiling nin Kagurangnan an sakong pagtios asin matawan niya ako nin mga biyaya karibay kan saiyang pagmaldisyon.”

1 Mga Hade 20:31

Nagduman saiya an mga opisyal niya asin nagsabi, “Naaraman mi na maheherakon an mga hade sa Israel. Tugote kaming magduman sa hade nin Israel na nahahagkosan nin sako an samong mga habayan asin nagagakodan nin lubid an samong mga liog. Tibaad dai ka niya ipagadan.”

2 Mga Hade 13:7

Mayo na nin natadang hukbo si Jehoahaz kundi an singkwentang lalaki na nakakabayo, sampolong karwahe asin dyes mil na soldados, huli ta an iba ginadan kan hade nin Siria, na tinimaktimakan niya siring sa alpog.

2 Mga Hade 15:29

Sa panahon kan paghahade ni Peka, an Israel sinalakay ni Tiglat-pileser, an emperador nin Asiria, asin nasakop niya an Ijon, Abel-bet-maaca, Janoa, Kedes, Hazor, Gilead, saka Galilea asin an bilog na daga nin Neftali; an mga nag-eerok digdi dinara niyang bihag sa Asiria.

2 Mga Hade 19:4

Tibaad nadangog nin Kagurangnan na saimong Dios an gabos na tataramon kan opisyal na sinugo kan emperador nin Asiria tanganing pag-olog-ologon an Dios na buhay; padusahan niya logod an nagtaram. Kaya ipamibi mo kaming kadikit na natatada.”

Salmo 119:104

Nakakakua ako nin kadonongan sa saimong mga togon, kaya an lambang maraot na gawe sakong kinaoongisan.

Salmo 34:14

Talikdan an karatan asin maggibo nin karahayan; hingowahon na makamtan an katoninongan.

Salmo 36:4

Minamukna siya nin maraot sa saiyang higdaan; mayo na saiya maski anong karahayan, dai siya minasayuma sa anoman na karatan.

Salmo 37:27

Talikodan an karatan asin maggibo nin karahayan, tanganing padagos na mag-erok sa daga an saindong kapagarakian.

Salmo 80:1

Dangoga kami, O Pastor nin Israel; himatea kami, ika na pamayo kan saimong mga karnero. Ika na nakatukaw sa trono sa ibabaw kan mga kerubin,

Salmo 97:10

Namomotan nin Kagurangnan an naoongis sa karatan; inaataman niya an buhay kan saiyang mga banal; iliniligtas niya sinda sa kamot kan mga tampalasan.

Exodo 32:30

Sunod na aldaw sinabihan ni Moises an mga tawo, “Nagkasala kamo nin makuri. Alagad matukad ako ngunyan sa bukid pasiring sa Kagurangnan; tibaad ikahagad ko kamo saiya nin tawad para sa saindong kasalan.”

Jeremias 18:8

alagad an nasyon na iyan magtalikod sa saiyang kasalan, dai ko idadagos an sinabi kong gigibohon ko.

Jeremias 22:3

“Ako, an Kagurangnan, nagboboot saindo na gibohon nindo an matanos asin tama. Iligtas nindo sa madaya an dinadaya. Dai nindo paggibohan nin maraot o pag-apihon an mga dayuhan, mga ilo, asin an mga babaeng balo; dai nindo paggadanon an mga tawong mayong sala sa lugar na ini.

Jeremias 31:7

Nagsasabi an Kagurangnan, “Mag-awit kamo sa kaogmahan para sa Israel, an pinakadakula sa mga nasyon. Mag-awit kamo kan awit nin pag-omaw, ‘Ilinigtas nin Kagurangnan an saiyang banwaan, an mga natada sa Israel.’

Ezekiel 45:9

Nagtaram an Kagurangnan Dios, “Nagkasala kamo sa haloy nang panahon, mga pamayo nin Israel! Ontoka nindo an kadahasan asin an pang-aapi. Giboha nindo an matanos asin tama. Dai na nanggad nindo pagpahaleon sa saindang daga an sakuyang banwaan. Ako, an Kagurangnan Dios, an nagtataram saindo kaini.

Daniel 2:49

Sa pakiolay ni Daniel, si Sadrak, Mesak, asin Abednego ginibo kan hade na mamahala kan palakaw kan probinsya nin Babilon; alagad nagdanay si Daniel sa palasyo.

Joel 2:14

Tibaad magliwat nin isip an Kagurangnan na saindong Dios asin bendisyonan kamo nin dakulang ani. Dangan madodolotan nindo siya nin trigo saka arak.

Amos 5:10

Banwaan nin Israel, naoongis kamo sa kiisay man na dai minaoyon sa inhustisya asin minatuga kan bilog na katotoohan.

Amos 5:24

Embes kaiyan, pabulosa nindo an hustisya siring sa pagbulos kan salog, asin an katanosan siring sa sapa na dai nagmamara.

Amos 5:6

Magdolok kamo sa Kagurangnan, asin mabubuhay kamo. Kun dai kamo magdolok saiya, maabot siya sa banwaan nin Israel siring sa kalayo. Susuloon kan kalayong iyan an mga taga Betel, asin mayo nin siisay man na makakasigbo kaiyan.

Amos 6:12

Pinapadalagan daw sa kagapoan an kabayo? Ipinag-aarado daw an baka sa dagat? Alagad an hustisya ginibo nindong hudong asin an tama ginibo nindong sala.

Amos 7:3

Nagbago nin isip an Kagurangnan asin nagsabi, “Dai mangyayari an saimong nahiling.”

Jonas 1:6

Nahiling siya duman kan kapitan dangan sinabihan, “Tano ta nagkakatorog ka? Magbangon ka asin mag-apod sa saimong dios! Tibaad maherakan niya kita asin iligtas.”

Jonas 3:9

Tibaad pa magbago nin isip an Dios; tibaad dai na siya maanggot, asin dai kita magadan!”

Mikas 2:12

“Alagad titiponon ko kamo, kamo gabos na natada sa Israel. Sarabay ko kamong dadarahon siring sa mga karnero na nagbabalik sa toril. Arog sa pasabsaban na pano nin karnero, magigin pano giraray nin tawo an saindong daga.”

Mikas 3:2

alagad naoongisan nindo an matanos asin namomotan an karatan. Inaanitan nindo an sakong banwaan dangan hinahaklas an laman hale sa saindang mga tolang.

Mikas 5:3

Kaya papabayaan nin Kagurangnan sa saindang mga kaiwal an saiyang banwaan sagkod na umabot an panahon na an babae mangaki nin aking lalaki. Dangan an saiyang kapwa mga Israelita na itinapok mabalik sa saindang banwaan nin Israel.

Sofonias 2:3

Magbalik kamo sa Kagurangnan, kamo gabos na mapakumbabang namamanwaan kan daga, na nag-ootob kan saiyang mga pagboot. Giboha nindo an matanos, asin magpakumbaba kamo sa atubang nin Kagurangnan, ta tibaad madulagan nindo an padusa sa aldaw na ipahiling nin Kagurangnan an saiyang kaanggotan.

Malakias 3:18

Mahihiling giraray kan sakong banwaan an kalaenan kan nangyayari sa mga matanos asin sa mga tampalasan, sa tawong naglilingkod sa sako saka sa dai.”

Roma 12:9

Dapat tunay an pagkaminorootan nindo. Ikaongis nindo an karatan asin magdanay kamo sa karahayan.

Roma 7:22

Sa puso ko, maogma kong sinusunod an katogonan nin Dios.

Roma 8:7

Kaiwal nin Dios an mga nag-iisip kan mga bagay na sa laman, huli ta dai sinda nagkukuyog sa katogonan nin Dios saka dai nanggad sinda makakakuyog kaiyan.

3 Juan 1:11

Namomotan kong Gayo, dai mo pag-arogon an maraot, kundi arogon mo an marahay. An siisay man na naggigibo nin marahay sadiri nin Dios; an siisay man na naggigibo nin maraot dai nakahiling sa Dios.