Amos 5:11 - Marahay na Bareta Biblia

¹¹ Inapi nindo an mga dukha saka hinabonan kan saindang kakanon, kaya dai kamo mag-eerok sa pinatindog nindong magayon na mga harong na gibo sa gapo, ni mag-iinom kan arak hale sa magagayon nindong ubasan.

Amos 5:11 ပူးပေါင်းရင်းမြစ်များ

An Libro ni Job 20:19

huli ta inapi niya saka pinabayaan an mga dukha, asin an bako niyang harong sinadiri niya.

Isaias 16:10

Mayo nang paraoma ngunyan na naoogma sa matubang na mga oma. Mayo nang nagkukurahaw o nag-aawit sa mga ubasan. Mayo nang magtitimaktimak nin mga ubas sa paggibo nin arak; mayo na an mga kinurahaw nin kaogmahan.

Ezekiel 26:12

Sasamsamon kan saimong mga kaiwal an kayamanan saka mga itinitinda mo. Rurumpagon ninda an saimong mga kudal asin raraoton an magagayon mong mga harong. Kukuahon ninda an narumpag na mga gapo saka mga kahoy dangan itatapok sa dagat.

Ezekiel 34:21

Sinusuag nindo an mga may helang sagkod na mapaharayo sa saindang kairiba.

Oseas 9:2

Alagad dai mahahaloy, magkukulang an saindong trigo saka lana nin oliba, asin dai na kamo magkakaigwa nin arak.

Levitico 26:16

papadusahan ko kamo. Papadarahan ko kamo nin kasakitan—mga helang na dai nararahay asin kalentura na mabuta saindo saka magpapahalipot kan saindong buhay. Magtatanom kamo, alagad dai iyan makakatabang saindo huli ta an saindong mga kaiwal iyo an makakan kan bunga kaiyan.

Amos 2:6

Nagtataram an Kagurangnan, “Paulit-ulit na nagkasala an mga Israelita, asin huli kaiyan, papadusahan ko sinda. Ipinapabakal ninda sa kaoripnan an mga tawong matanos na dai nakakabayad kan saindang utang, mga dukhang dai nakakabayad maski kan halaga nin sarong pades nin sandalyas.

Amos 2:7

Tinitimaktimakan ninda sa alpog an payo kan mga dukha asin itinutuklang ninda paluwas sa dalan an mga daing sukat. Dinodorogan nin mag-ama an babaeng oripon, kaya linalanghadan ninda an sakong ngaran.

Amos 3:15

Raraoton ko an mga harong na para sa tig-lipot saka an sa tig-init. Magkakagaraba an mga harong na marpil, siring man an mga darakulang harong.”

Amos 3:9

Ipahayag mo sa mga nag-eerok sa mga palasyo sa Egipto saka sa Asdod: “Magtiripon kamo sa kabubuldan sa palibot nin Samaria asin hilinga nindo an karibongan saka pang-aapi na ginigibo duman.”

Amos 4:1

Dangoga nindo ini, kamong mga babaeng taga Samaria, na nagtataraba arog kan mga baka sa Basan, na nag-aapi kan mga maluluya, nagpapasakit kan mga dukha, saka nagboboot sa mga agom tanganing danay kamong tawan nin arak!

Amos 6:11

Kun itao na nin Kagurangnan an pagboot, magkakaroronot an mga harong, dakula man o sadit.

Amos 6:12

Pinapadalagan daw sa kagapoan an kabayo? Ipinag-aarado daw an baka sa dagat? Alagad an hustisya ginibo nindong hudong asin an tama ginibo nindong sala.

Amos 8:4

Dangoga nindo ini, kamo na nagtitimaktimak sa mga daing sukat asin nagpapasakit sa mga dukha kan daga.

Amos 9:14

Ibabalik ko an sakong banwaan sa saindang daga. Hihirahayon ninda an nagkararaot nindang syudad asin mag-eerok sinda duman; matanom sinda nin mga ubas asin iinomon ninda an arak; matanom sinda sa mga tatamnan patin makakan kan bunga kaiyan.

Mikas 1:6

Kaya nagsasabi an Kagurangnan, “Raraoton ko an Samaria sagkod na magin sarong tambak iyan nin daga sa kaomahan, sarong lugar na pagtatanoman nin ubas. An mga gapo kan syudad iuula ko sa kapantayan, asin mahahayag an mga pundasyon kan syudad.

Mikas 2:2

Kun mawot ninda an kaomahan, inaagaw ninda iyan; kun mga harong an mawot ninda, kinukua ninda iyan. Bako nang ligtas an pamilya o pagsadiri nin sarong tawo.

Mikas 6:15

Magtatanom ka, alagad dai ka mag-aani. Magpupuga ka nin mga oliba tanganing makakua nin lana, alagad dai mo man iyan magagamit. Magibo ka nin arak, alagad dai mo man iyan maiinom.

Sofonias 1:13

Sasamsamon an saindang kayamanan asin raraoton an saindang mga harong. Magtutugdok sinda nin mga harong alagad dai ninda maeerokan. Matanom sinda nin mga ubas alagad dai sinda makakainom kan arak hale diyan.”

Hageo 1:6

Dakul na trigo an saindong itinanom, alagad dikit sana an saindong inani. May pagkakan kamo, alagad kulang pa tanganing mabasog kamo. May arak kamong inomon, alagad kulang man tanganing maburat kamo! Igwa kamo nin gubing, alagad kulang man giraray tanganing mahimbongan kamo. An trabahador kulang man an inaakong tandan tanganing mabuhay.

Malakias 1:4

Kun magsabi an mga Edomita, an kapagarakian ni Esau, “Rinaot an samong mga banwa, alagad papatindogon mi giraray an mga iyan,” masimbag an Kagurangnan, “Pwede nindang patindogon an mga iyan alagad gagarabaon ko giraray iyan sagkod na apodon sinda kan mga tawo nin ‘An maraot na daga’ asin ‘An Nasyon na naanggotan nin Kagurangnan sagkod lamang.’”

Deuteronomio 28:30

“Magkakaigwa kamo nin katratong babae, alagad iba an maagom saiya. Mapatugdok kamo nin harong, alagad dai kamo maerok diyan. Matanom kamo nin ubas, alagad dai nindo mananamitan an mga bunga kaiyan.

Santiago 2:6

Alagad dai nindo ginagalangan an mga dukha! Siisay an nag-aapi saindo saka minaguyod saindo sa atubangan nin mga hukom? Bakong an mga mayaman?