Amos 5:10 - Marahay na Bareta Biblia

¹⁰ Banwaan nin Israel, naoongis kamo sa kiisay man na dai minaoyon sa inhustisya asin minatuga kan bilog na katotoohan.

Amos 5:10 ပူးပေါင်းရင်းမြစ်များ

1 Mga Hade 18:17

Pakahiling ni Ahab ki Elias, nagsabi siya, “Uya ka palan—an pinakamaraot na paraparibok sa Israel?”

1 Mga Hade 21:20

Kan mahiling ni Ahab si Elias, nagsabi siya, “Nanumpongan mo na naman ako, sakong kaiwal?” Nagsimbag si Elias, “Iyo, huli ta ipinabakal mo na an saimong sadiri sa paggibo nin karatan sa atubang nin Kagurangnan.

1 Mga Hade 22:8

Nagsimbag si Ahab, “Igwa pa nin saro, si Micaias na aking lalaki ni Imla. Alagad kinakaongisan ko siya, huli ta mayo lamang siya nin marahay na propesiya manongod sako; danay na maraot na bagay an saiyang propesiya.” “Dai ka magsabi kaiyan!” an simbag ni Jehosafat.

2 Mga Cronica 25:16

Alagad sinabihan siya ni Amazias, “Kasuarin ka nagin parahatol kan hade? Mag-ontok ta, kun dai, ipapagadan taka!” Nag-ontok an propeta alagad ikinataram pa niya an siring, “Ngunyan aram ko nang nagdesisyon an Dios na gadanon ka, huli ta ginibo mo ini asin habo kang magdangog sa hatol ko.”

2 Mga Cronica 36:16

Alagad pinag-olog-olog ninda an mga sugo nin Dios, dai dinangog an mga tataramon kan mga ini, saka pinagtuyatuya an mga propeta nin Kagurangnan sagkod na naanggot siya sainda nin makuri, asin dai na nanggad nin paagi na makadulag sinda sa saiyang kaanggotan.

Mga Talinhaga 15:12

An mahambog na tawo habong pagsawayon; dai nanggad siya naghahagad nin hatol sa sarong madonong.

Isaias 29:21

Gagadanon nin Dios an mga nagpapakaraot sa iba, an mga nag-oolang na mapadusahan an mga kriminal, asin an mga nagpuputik tanganing dai makakua nin hustisya an matanos na tawo.

Isaias 59:15

Kadikit na sana an katotoohan kaya an siisay man na minaontok sa paggibo nin karatan iyo an nagigin biktima nin krimen.” Nahiling ini nin Kagurangnan, asin namondo siya huli ta mayo na nin hustisya.

Jeremias 38:7

Nabaretaan ni Ebed-melec, na sarong eunuko na taga Etiopia asin nagtatrabaho sa palasyo, na ibinugtak ninda ako sa bubon. Kan panahon na iyan an hade yaon sa Trangkahan ni Benjamin.

Oseas 4:4

Nagsasabi an Kagurangnan, “Dai pagtugotan an siisay man na mag-akusar sa mga tawo o magtuyaw sainda—an sakong reklamo laban saindo, na mga padi.

Levitico 13:10

na iyo an mahiling saiya. Kun igwa nin puting gatok sa saiyang kublit na nagpaputi kan mga barahibo diyan asin pano nin nana,

Amos 5:15

Kaongisan nindo an maraot, kamotan an tama, asin papagdanayon an hustisya sa mga hukoman; tibaad pa maherakan nin Kagurangnan an mga tawo sa nasyon na ini na nagkakaburuhay pa.

Juan 15:19

Kun kamo taga kinaban, mamomotan kamo kan kinaban bilang sadiri kaiyan. Alagad pinili ko kamo hale sa kinaban, kaya bako na kamong sadiri kaiyan; ini an dahelan kun tadaw ta ikinakaongis kamo kan kinaban.

Juan 3:20

An siisay man na naggigibo nin maraot naoongis sa ilaw. Dai siya minadolok sa liwanag tanganing dai mailawan an mga maraot niyang gibo.

Juan 7:7

Dai kamo ikakaongis kan kinaban, alagad ikinakaongis ako, huli ta pinapatotoohan ko an mga maraot na gibo kan kinaban.

Galacia 4:16

Kaiwal na daw nindo ako ngunyan huli ta tinaraman ko kamo kan katotoohan?

Kapahayagan 11:10

Maoogma an mga tawo sa kinaban dahel sa pagkagadan ninda. Magpepyesta sinda asin magpapatinaohan nin mga regalo huli ta an duwang propetang iyan nagdara sainda nin dakul na kasakitan.