Amos 4:9 - Marahay na Bareta Biblia

⁹ “Nagpadara ako nin makuring init tanganing maalang an saindong mga tinanom. Kinakan kan mga doron an saindong mga tinanom saka ubasan, an saindong mga kahoy na higera saka oliba, alagad dai man giraray kamo nagbalik sa sako.

Amos 4:9 ပူးပေါင်းရင်းမြစ်များ

1 Mga Hade 8:37

“Kun magkaigwa sa daga nin gutom o peste, o maraot an mga tanom huli sa doros, sa sobrang uran, sa mga doron, o kun salakayon kan mga kaiwal an saimong banwaan, o kun may mga helang na mag-abot sainda,

2 Mga Cronica 6:28

“Kun magkaigwa sa daga nin gutom o peste, o kun maraot an mga tinanom huli sa mainit na doros, sa mga doron, o kun salakayon kan mga kaiwal an saimong banwaan, asin kun may mga helang na mag-abot sainda,

Isaias 1:5

Tadaw ta padagos kang nagrerebelde? Boot mo pang madugangan an saimong padusa? Makulog an bilog mong payo, nanluluya an puso mo.

Isaias 50:11

Kamo gabos na nagpaplano nin karatan para sa iba mapapahamak kan saindo man sanang plano. An Kagurangnan mismo an magibo kaiyan; magtitios kamo nin makuring kasakitan.

Isaias 9:12

An Siria sa sirangan asin an Filistia sa solnopan nagbuka kan saindang mga ngoso tanganing halonon an Israel. Alagad dai pa natatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Jeremias 3:10

Pagkatapos kan gabos na ini, an Juda, an bakong maimbod na tugang nin Israel, nagsagin-sagin na nagbalik sako alagad bakong tudok sa puso an saiyang pagbalik. Ako, an Kagurangnan, an nagtaram.”

Jeremias 5:3

An kaimbodan iyo an hinahanap nin Kagurangnan. Hinampak niya kamo, alagad dai nindo namatean an kulog kaiyan; rinonot niya kamo, alagad dai nanggad kamo nakanood. Nagin matagas an saindong mga payo, asin habo nanggad nindong talikodan an saindong mga kasalan.

Oseas 11:5

“Habo nindang magbalik sako, kaya kaipuhan magbalik sinda sa Egipto, asin paghahadean sinda kan Asiria.

Joel 1:4

Grupo-grupong mga doron an nagtugdon sa mga tinanom; an nalihisan kan sarong grupo, kinakakan kan masunod.

Joel 1:7

Rinaot ninda an satong mga ubasan asin nginutanguta an satong mga kahoy na higera. Hinale ninda an mga ubak, sagkod na magputi an mga sanga.

Joel 2:25

Ibabalik ko saindo an nawara nindo sa mga taon kan kakanon kan mga doron an saindong mga tinanom. Ako an nagpadara kan mga doron laban sa saindo.

Amos 4:6

“Ako an nagdara nin makuring gutom sa gabos nindong syudad alagad dai kamo nagbalik sa sako.

Amos 4:8

Nanluluya sa paha an mga tawo hale sa duwa o tolong syudad sa paghanap nin tubig sa saro pang syudad, alagad mayo duman nin sukat na tubig na maiinom; alagad dai man giraray kamo nagbalik sa sako.

Habakkuk 3:17

Maski dai namumurak an mga poon nin higera asin an mga ubas mayo nin bunga, maski dai makakua nin lana nin oliba asin an kaomahan dai mamunga, maski magkagaradan an gabos na karnero asin mawaraan nin laog an mga laoman nin hayop,

Hageo 2:17

Nagpadara ako nin mainit na doros asin uran nin yelo tanganing raoton an bunga kan saindong kapagalan, alagad dai kamo nagsolsol.

Malakias 3:11

Dai ko itutugot na raoton kan mga insekto an saindong mga oma; mamumunga nin dakul an saindong mga balagon nin ubas.

Deuteronomio 28:22

Hahampakon niya kamo nin mga nakakaolakit na helang, kalentura, paggatok kan hawak; mapadara siya nin labi-labing init sagkod bagyo na maraot kan saindong mga tinanom. Dai kamo oontokan kan mga iyan sagkod na dai kamo magadan.

Deuteronomio 28:42

Kakakanon kan mga doron an gabos nindong kahoy sagkod tinanom.